HABARI WIZARA YA MIFUGO NA UVUVI

◼️Yawagaraza OR-Vijana mivuto 2-0 ◼️Mpira wa Miguu waanza kwa kupoteza ◼️Kamba wanawake wanakimbiza mwizi kimya kimya Timu ya mchezo wa kuvuta kamba (wanaume) kutoka Wizara ya Mifugo na Uvuvi imeendeleza ubabe wake kwenye michuano ya SHIMIWI inayoendelea mkoani Kilimanjaro baada ya kuibuka na ushindi wa mivuto 2-0 dhidi ya timu ya OR-Vijana kwenye mchezo uliochezwa Septemba 26,2026 kwenye viwanja vya CCP mkoani humo. Timu ya OR-Vijana iliingia katika mchezo huo ikiwa imeshakata tamaa ya kushinda kutoka na ubora wa timu ya Mifugo na Uvuvi hali iliyofanya mchezo huo ukamilike kwa sekunde 15 pekee za mchezo. Baada ya mchezo huo timu ya Mifugo na Uvuvi sasa itamenyana na timu ya UCSAF kwenye mchezo utakaopigwa Septemba 28 kwenye viwanja vya CCP mkoani Kilimanjaro.  Wakati huo huo katika hali iliyowashangaza wengi timu ya mchezo wa kuvuta kamba kutoka Wizara ya Mifugo na Uvuvi kwa upande wa wanawake licha ya kupoteza kwa mivuto yote miwili imeonesha ushindani mkubwa dhidi ya timu ya Mas...

◼️Ni kufuatia mifugo ya nchi hiyo kukumbwa na ugonjwa wa Miguu na Midomo Nchi ya Tanzania imesitisha kutoa vibali vya kuagiza wanyama kutoka nchini Namibia kufuatia mifugo ya nchi hiyo kukumbana na kadhia ya ugonjwa wa Miguu na Midomo au  “FMD” kama unavyotambuliwa na wafugaji wengi. Mlipuko wa ugonjwa huo umetokea katika eneo la Karasburg ambalo hapo awali lilitangazwa kuwa huru dhidi ya ugonjwa huo kabla ya Wataalam wa Mifugo wa eneo hilo kubaini jumla ya mifugo 10 kati ya 11 iliyopimwa kuthibitika kuwa na ugonjwa huo kufuatia majibu ya vipimo yaliyotoka Septemba 23,2026. Aidha katika kukabiliana na ugonjwa huo, Serikali ya Namibia inaendelea kuchukua hatua mbalimbali za kukabiliana na ugonjwa huo ikiwa ni pamoja na kuhamasisha chanjo kwenye mifugo ambayo haijaathiriwa na changamoto hiyo kwenye eneo hilo.

Mradi wa Mageuzi ya Tasnia ya Maziwa na Mabadiliko ya Tabianchi (C-SDTP) umeendelea kuimarisha juhudi za kuweka msingi wa utekelezaji endelevu wa Mpango wa Unywaji Maziwa Shuleni, kwa kuwashirikisha wadau muhimu katika ngazi ya shule na jamii Mkoani Arusha. Hatua hiyo imefanyika kupitia kikao kilichowakutanisha Kamati za Lishe za Shule za Msingi Kioga na Ilkisongo, zilizopo Kijiji cha Oloigeruno, Kata ya Ilkidinga, Mkoani Arusha, kwa lengo la kujadili namna ya kuimarisha ushiriki wa wadau katika utekelezaji wa Mpango wa Unywaji Maziwa Shuleni. Akifungua kikao hicho Septemba 24, 2026, Afisa Mifugo wa Mkoa wa Arusha, Bi. Winfrida Joseph, amesisitiza umuhimu wa ushirikiano wa wadau katika kuhakikisha jitihada za kuhamasisha unywaji wa maziwa shuleni zinakuwa sehemu ya mfumo endelevu unaoshirikisha shule, wazazi, jamii, wazalishaji na wadau wengine wa Tasnia ya Maziwa. Kwa upande wa Bodi ya Maziwa Tanzania (TDB), Afisa Masoko Mwandamizi, Bw. Hamis Kiimbi, amesema ushiriki wa Kamati za Lish...

Naibu Waziri wa Maliasili na Utalii Mhe. Hamad Hassan Chande amezindua Maadhimisho ya Miaka 30 ya Hifadhi za Bahari Mafia pamoja na Tamasha la Mafia Festival linalolenga kuchochea uchumi wa buluu kupitia uhifadhi wa rasilimali za bahari. Akizungumza katika uzinduzi huo uliofanyika leo Septemba 24, 2026 katika kando ya Fukwe ya Utende, Wilayani Mafia Mkoa wa Pwani, Mhe. Chande ametoa wito kwa wawekezaji kutoka ndani na nje ya mipaka ya Tanzania kuwekeza katika rasilimali za bahari na kutumia fursa hizo kukuza uchumi wa buluu. Katika hotuba yake , ametoa rai kwa vijana na wanawake kutumia fursa za utalii zinazotokana na uhifadhi wa Bahari ili kuchangia utunzwaji wa rasilimali hizo kwa kizazi cha sasa na cha baadae.  Kwa upande wake Mkuu wa Wilaya ya Mafia Mhe. Aziza Ally Mangosongo ameitaja Wilaya hiyo kuwa kituo cha Uhifadhi, Uwekezaji na utalii ambapo ameeleza kuwa kupitia Tamasha la Mafia Festival wilaya hio itaendelea kutangaza fursa za uchumi wa buluu pamoja na uhifadhi wa bahar...

◼️Walazimisha sare ya mvuto 1-1 Timu ya mchezo wa kuvuta kamba (wanawake) Wizara ya Mifugo na Uvuvi imelazimishwa sare ya mvuto 1-1 dhidi ya timu ya Viwanda kwenye mchezo wao wa kwanza wa michuano ya SHIMIWI uliochezwa Septemba 24, 2026 kwenye viwanja vya CCP mkoani Kilimanjaro. Katika mchezo huo ambao ulikuwa na ushindani mkali kwa pande zote mbili timu ya Viwanda iliwashangaza wengi baada ya kuibuka na ushindi wa sekunde za jiooni katika mvuto wa kwanza kabla ya kuvutwa mapema katika mvuto wa pili. Kufuatia matokeo hayo timu hizo zimevuna alama moja kila upande huku zikisubiri kukutana na wapinzani wao kwenye michezo inayofuata ambapo Mifugo na Uvuvi watavutana na timu ya Mashtaka huku Viwanda wakipepetana na timu ya RAS Morogoro. Michuano hiyo itaendelea tena baadae jioni ambapo Timu ya soka ya wizara ya Mifugo na Uvuvi itashuka dimbani kumenyana na timu ya Ulinzi.

Mradi wa Climate Smart Dairy Transformation Project (C-SDTP) unatarajiwa kuleta mabadiliko katika sekta ya maziwa nchini kwa kuongeza tija na kipato cha wafugaji, kuboresha maisha yao pamoja na kuongeza fursa za ajira. Hayo yamebainika leo, Septemba 23, 2026, jijini Dodoma, katika kikao kazi kilichowakutanisha Wizara ya Mifugo na Uvuvi pamoja na wadau wa sekta ya fedha, kwa lengo la kujadili utekelezaji wa mradi huo, kuweka uelewa wa pamoja kuhusu mfumo wa ufadhili, kufafanua majukumu ya utekelezaji na taratibu za uendeshaji, pamoja na kukubaliana hatua za utekelezaji. Akizungumza katika kikao hicho, Mkurugenzi wa Idara ya Uzalishaji na Maendeleo ya Masoko kutoka Wizara ya Mifugo na Uvuvi, Stephen Michael, amesema mradi huo utatekelezwa kwa kipindi cha miaka 10 na unalenga maeneo makuu matatu, ambayo ni kuongeza uzalishaji na tija katika sekta ya maziwa, kuongeza thamani ya mazao ya maziwa, pamoja na kuimarisha upatikanaji wa huduma za fedha na mikopo kwa wadau wa sekta hiyo. Kwa upand...

Wakala ya Elimu na Mafunzo ya Uvuvi (FETA) kwa ufadhili wa Shirika la World Fish tarehe 23 Septemba, 2026 imezindua mafunzo ya siku 4 kuhusu uzalishaji wa vifaranga vya samaki aina ya Sato na Kambale Mkoani Morogoro na Jijini Mwanza. Mafunzo haya yamehusisha washiriki 54 ambapo 30 wanapatiwa mafunzo katika Kituo cha Ukuzaji Viumbe Maji Kingolwira, Morogoro na washiriki 24 wanapatiwa mafunzo Kampasi ya FETA Nyegezi, Mwanza. Akifungua mafunzo hayo kwa niaba ya Mkurugenzi wa Ukuzaji Viumbe Maji Wizara ya Mifugo na uvuvi, Kaimu Mkurugenzi Msaidizi wa Ukuzaji Viumbe Maji Bi Janeth Rukanda amesema mahitaji ya vifaranga bora vya samaki ni makubwa kulingana nahali ya uzalishaji wa sasa na ukuaji wa teknolojia. Hivyo mafunzo haya ni msingi endelevu wa utakaowezesha kuzalisha vifaranga bora na vya kutosha. "Tunatarajia baada ya mafunzo haya tutaongeza upatikanaji wa vifaranga bora vya samaki pamoja na kusambaza teknolojia ya  utotoleshaji ili kuendana na ukuaji wa teknolojia" Amesema B...

▪️︎ EU kuwekeza Euro milioni 50 kusaidia kutokomeza sotoka barani Afrika WAZIRI MKUU Dkt. Mwigulu Nchemba amesema Tanzania itaendelea kushirikiana na FAO, Shirika la Afya ya Wanyama Duniani (WOAH), Umoja wa Afrika, jumuiya za kikanda, na wadu wengine katika kuimarisha uwekezaji na mifumo ya kudhibiti magonjwa ya mifugo kwa lengo la kuchangia kutokomeza Sotoka ifikapo mwaka 2040. “Tunataka kuona uwekezaji wenye nguvu zaidi, unaotabirika na endelevu. Umiliki wa kitaifa na ufadhili wa ndani lazima viwe msingi, vikisaidiwa na FAO, WOAH, Umoja wa Afrika, jumuiya za kikanda, taasisi za fedha za kimataifa, washirika wa maendeleo na sekta binafsi.” “Tunapaswa kuondoka katika hatua zilizotawanyika na kuelekea kwenye mifumo ya kudumu; kutoka mipango ya kitaifa pekee kwenda ushirikiano wa kikanda; na kutoka ahadi kwenda kwenye matokeo yanayoweza kupimika,” alisisitiza Waziri Mkuu. Alisema hayo jana, (Jumanne, Septemba 22, 2026) jijini Roma, Italia, wakati akishiriki mjadala wa ngazi ya juu kuhusu...

Mkurugenzi wa Huduma za Mifugo Nchini, Dkt. Benezeth Lutege, leo Septemba 23, 2026 ameongoza kikao cha wataalamu wa mifugo kutoka Shirika la INADES na ASPA kilichofanyika katika Ofisi za Wizara ya Mifugo na Uvuvi, Mtumba jijini Dodoma. Kikao hicho kilijikita katika kujadili namna bora ya kumlinda na kumthamini mnyama kazi Punda, pamoja na kuweka mikakati ya kuhakikisha anajumuishwa rasmi katika shughuli mbalimbali za Serikali zinazohusu mifugo, kama ilivyo kwa wanyama wengine. Miongoni mwa masuala yaliyojadiliwa ni pamoja na umuhimu wa kuwahusisha Punda katika zoezi la chanjo, utambuzi na usimamizi wa mifugo, hatua inayolenga kuimarisha ulinzi na ustawi wa wanyama hao nchini. Aidha, kikao hicho kilijadili suala la kumuondoa Punda katika kundi la wanyama wanaoliwa, likihusishwa na maazimio ya Wakuu wa Nchi mbalimbali yaliyofikiwa Februari 8, 2024, jijini Dar es Salaam, kuhusu kusitisha biashara ya uchinjaji wa Punda kwa kipindi cha miaka 15. Hatua hizo zinaelezwa kuwa sehemu ya jitihada...

◼️Yawaburuza mivuto yote miwili Timu ya mchezo wa kuvuta kamba (wanaume) kutoka Wizara ya Mifugo na Uvuvi imeibuka na ushindi wa mivuto yote miwili dhidi ya timu ngumu ya Wizara ya Mambo ya Ndani kwenye mchezo uliochezwa Septemba 23,2026 ukiwa ni mchezo wao wa kwanza kwenye michuano ya SHIMIWI inayofanyika mkoani Kilimanjaro. Katika mchezo huo uliokuwa na ushindani mkali kwa pande zote mbili timu ya Mifugo na Uvuvi ilifanikiwa kushinda mvuto wa kwanza baada ya wapinzani wao kushindwa kuhimili presha waliyokuwa wakiwapa hali iliyowalazimu wachezaji wake kulala chini wakati wakiendelea kuvuta. Kufuatia matokeo hayo Viongozi wa michezo kutoka Wizara ya Mifugo na Uvuvi kwa kushirikiana na wachezaji wengine wa Wizara hiyo walichanga na kuikabidhi timu hiyo motisha ya takribani shilingi 400,000 ili waendelee kufanya vizuri zaidi kwenye michezo inayofuata. Kwa matokeo hayo timu ya Mifugo na Uvuvi inakuwa kinara wa kundi C linalojumuisha timu za Wizara ya Mambo ya Ndani, Ofisi ya Rais-Vijana, ...

Wataalamu wakishiriki mkutano wa kuanza utekelezaji wa Mradi wa Shirika la Afya ya Wanyama Duniani (WOAH) unaolenga kuimarisha ushirikiano wa maabara katika uchunguzi, ufuatiliaji na udhibiti wa Homa ya Bonde la Ufa (Rift Valley Fever – RVF) kati ya Wakala ya Maabara ya Veterinari Tanzania (TVLA), Kituo cha Magonjwa Ambukizi na Bioteknolojia (CIDB), Huduma za Mifugo Tanzania na Kituo cha Kimataifa cha Utafiti wa Kilimo na Maendeleo (CIRAD). Mkutano huo umefunguliwa na Mkurugenzi wa Huduma za Mifugo (DVS), Dkt. Benezeth Lutege Malinda, leo Septemba 22, 2026, katika Makao Makuu ya Wakala ya Maabara ya Veterinari Tanzania (TVLA), Temeke, Dar es Salaam, ukiwa na lengo la kuimarisha uwezo wa kitaalamu na ushirikiano wa maabara katika uchunguzi, ufuatiliaji na udhibiti wa Homa ya Bonde la Ufa nchini Tanzania na katika ukanda wa Afrika Mashariki.

Shamba la Mbegu na Malisho la Langwira, lililopo katika Halmashauri ya Wilaya ya Mbarali mkoani Mbeya, limeendelea kuwa muhimu katika juhudi za Serikali za kuongeza upatikanaji wa malisho bora kwa wafugaji, hususan katika Mikoa ya Nyanda za Juu Kusini na maeneo jirani. Katika mwaka wa fedha 2026/27, Shamba hilo limepanga kuzalisha jumla ya tani 200 za malisho aina ya sailage, kwa kutumia malisho ya aina mbalimbali yakiwemo Juncao, mtama lishe na mahindi, uzalishaji ambao ni sehemu ya juhudi za Serikali kupitia Wizara ya Mifugo na Uvuvi za kuimarisha upatikanaji wa malisho bora na ya kutosha kwa wafugaji, sambamba na kuboresha mashamba ya mbegu na malisho nchini. Katika hatua hiyo, Wizara imeendelea kuchukua hatua mbalimbali za kuboresha Shamba la Mbegu na Malisho la Langwira, ikiwemo kuajiri watumishi, kununua vifaa vya shamba pamoja na kujenga na kukarabati miundombinu, hatua hizo zinalenga kuongeza uwezo wa shamba katika uzalishaji wa mbegu na malisho na hatimaye kuwafikia wafugaji w...

Naibu Waziri wa Mifugo na Uvuvi, Mhe. Ng'wasi Damas Kamani, ameitaka Wakala ya Maabara ya Veterinari Tanzania (TVLA) kuimarisha usimamizi wa ubora wa vyakula vya mifugo vinavyozalishwa na kampuni mbalimbali nchini, ili kuhakikisha vinakidhi viwango na vigezo vinavyotakiwa. Mhe. Kamani ameyasema hayo leo, Septemba 18, 2026, jijini Dar es Salaam, alipofanya ziara katika Shamba la Kuku la Harvest Point Limited, linalojishughulisha na uzalishaji wa kuku wa mayai, chakula cha kuku pamoja na kutoa huduma za ugani kwa wafugaji. Amesema TVLA inapaswa kuhakikisha viwanda vinavyozalisha vyakula vya mifugo vinakaguliwa na kusimamiwa ipasavyo, sambamba na kutoa elimu na ushauri kwa wataalamu wa viwanda hivyo, ili kuhakikisha chakula kinachozalishwa kinakuwa na ubora unaokidhi mahitaji ya mifugo. “Ni muhimu TVLA kuhakikisha mnakagua viwanda hivi na kuwapatia wataalamu wake elimu ya kutosha, ili chakula kinachozalishwa kiwe bora na kiweze kumsaidia mfugaji kuongeza uzalishaji,” amesema Mhe. Kama...