HABARI WIZARA YA MIFUGO NA UVUVI

Waziri wa Mifugo na Uvuvi Mhe. Balozi Dkt. Bashiru Ally Kakurwa leo Juni 14, 2026 amekutana na ujumbe wa kampuni mbili kutoka nchini Italia ambayo ni ITARE na MULMIX katika Ofisi ndogo za Wizara zilizopo Kambarage Tower jijini Dodoma kwa lengo la kuimarisha ushirikiano na kuangalia maeneo ya  uwekezaji katika sekta za mifugo na uvuvi. Kampuni ya ITARE kutoka nchini Italia inajihusisha na ushauri wa kifedha yenye mchanganyiko wa kipekee wa utalaamu na uzoefu katika fedha za miradi na biashara pamoja na uendelezaji wa biashara katika masoko yanayoibukia, ikiwa na mkazo maalum katika Ukanda wa Afrika Kusini mwa Jangwa la Sahara na Kampuni ya MULMIX imejikita katika usanifu, uzalishaji na usimikaji wa vihenge na mitambo ya kuhifadhia nafaka katika sekta ya kilimo. Baada ya ujumbe wa kampuni hizo kujitambulisha na kuonyesha utayari wa kuwekeza nchini Mhe. Balozi Dkt. Bashiru amezihakikishia kampuni hizo kuwa serikali ipo tayari kushirikiana na sekta binafsi katika kuwekeza na kufanya bi...

Waziri wa Mifugo na Uvuvi, Mhe. Balozi Dkt. Bashiru Ally Kakurwa, ameitaka Bodi mpya ya pili ya Shirika la Uvuvi Tanzania (TAFICO) kuhakikisha uwekezaji mkubwa uliofanywa na Serikali katika sekta ya uvuvi unatafsiriwa kuwa uzalishaji wa kibiashara, mapato na mchango mkubwa zaidi katika uchumi wa Taifa. Akizungumza katika hafla ya uzinduzi wa bodi hiyo iliyofanyika leo Julai 13, 2026, katika Ofisi za Makao Makuu ya TAFICO, Ras Mkwavi, Kigamboni jijini Dar es Salaam, Waziri Dkt. Bashiru alisema Bodi hiyo inaanza kazi katika kipindi muhimu ambacho Serikali  imeweka msisitizo mkubwa katika kukuza uchumi wa buluu kupitia uwekezaji wa kimkakati kwenye sekta ya uvuvi ikiwa ni utekelezaji wa Dira ya Taifa 2050. "Mnaanza kazi wakati ambao msingi wa uwekezaji umeanza kujengwa. Hivyo jukumu lenu ni kuhakikisha uwekezaji huo unazaa matokeo chanya ya kibiashara na ya maendeleo kwa Taifa," alisema Dkt. Bashiru. Katika maelekezo yake, Waziri aliitaka Bodi kusimamia kwa karibu ukamilishaji w...

Na. Stanley Brayton ◾Dkt. Bashiru azindua Bodi ya Wakurugenzi ya Shirika la Uvuvi Tanzani (TAFICO) na Kitabu cha Mapishi ya Samaki. Tanzania imepata heshima ya kuwa mwenyeji wa Kongamano la Kimataifa la Ukuzaji Viumbemaji Duniani (WA26T) na Kongamano la Ukuzaji Viumbemaji Afrika (AFRAQ26), baada ya Serikali ya Jamhuri ya Muungano wa Tanzania na Jumuiya ya Wakuzaji Viumbemaji Duniani (WAS) kusaini hati ya makubaliano ya maandalizi ya kongamano hilo litakalofanyika nchini Jijini Dar es Salaam katika Ukumbi wa Kituo cha Mikutano cha Kimataifa cha Julius Nyerere (JNICC), kuanzia Desemba 1 hadi 4, 2026. Makubaliano hayo yamesainiwa leo Julai 13, 2026 Jijini Dar es Salaam na Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, kwa niaba ya Serikali, huku WAS ikiwakilishwa na Mwenyekiti wa Tawi la Afrika (AFRAQ), Prof. Julius Manyala. Akizungumza baada ya utiaji saini huo, Mheshimiwa Balozi Dkt. Bashiru alisema uteuzi wa Tanzania kuwa mwenyeji wa kongamano hilo ni matokeo y...

Naibu Katibu Mkuu wa Wizara ya Mifugo na Uvuvi (Uvuvi) Prof. Mohammed Ali Sheikh Julai 11, 2026 amekagua maendeleo ya mradi wa kuwezesha vijana kiuchumi kupitia Programu ya Jenga Kesho Iliyo Bora (BBT UVUVI) eneo la Nyegezi jijini Mwanza ambao ni sehemu ya shilingi bilioni 7 za mkopo zilizotolewa na serikali kwa vijana. Akikagua mradi huo kwa niaba ya Katibu Mkuu Prof. Sheikh ameridhishwa na hatua iliyofikiwa na kueleza kuwa serikali inaendelea kuboresha sera, sheria na kanuni za uvuvi ili kuongeza uzalishaji wa samaki nchini na kuwahimiza vijana hao kupanua wigo katika kufanya ubunifu wa kuongeza thamani ya mazao hayo. Katika hatua nyingine Prof. Sheikh amewatembelea wawekezaji wanaozalisha vifaranga vya samaki jijini Mwanza ambapo aliiagiza Idara ya Ukuzaji Viumbe maji kwa kushirikiana na  Maabara ya Taifa ya Uvuvi na Taasisi  ya Utafiti wa Uvuvi Tanzania  kufanya utafiti wa vinasaba vya samaki ili kubaini ubora wa samaki wanaozalishwa na wawekezaji hao. Naye Msimamizi ...

Na. Stanley Brayton Wizara ya Mifugo na Uvuvi ipo katika hatua za mwisho za kuanzisha Kituo cha Huduma kwa Wateja kitakacholenga kupokea, kusikiliza na kushughulikia changamoto za wadau wa sekta ya mifugo na uvuvi, sambamba na kutoa taarifa na ufafanuzi kuhusu huduma mbalimbali zinazotolewa na Wizara. Akizungumza kwa niaba ya Katibu Mkuu wa Wizara ya Mifugo na Uvuvi wakati wa ufunguzi wa mafunzo ya kuwajengea uwezo watumishi kuhusu utoaji wa huduma bora kwa wateja yaliyofanyika leo, Julai 8, 2026, jijini Dodoma, Mkurugenzi wa Idara ya Utawala na Usimamizi wa Rasilimali Watu wa Wizara ya Mifugo na Uvuvi, Dkt. Charles Mhina, amesema hatua hiyo ni sehemu ya jitihada za wizara kuboresha utoaji wa huduma kwa wafugaji, wavuvi na wadau wengine wa sekta hizo. Dkt. Mhina amesema mafunzo hayo yanawahusisha wataalamu walioteuliwa kutoka idara na vitengo mbalimbali vya wizara, kwa lengo la kuwajengea uwezo na ujuzi katika utoaji wa huduma bora kwa wateja, ambao utakuwa msingi wa ufanisi wa Kituo c...

Naibu Katibu Mkuu wa Wizara ya Mifugo na Uvuvi anayeshughulikia Sekta ya Uvuvi, Prof. Mohamed Sheikh, ameipongeza Taasisi ya Utafiti wa Mifugo Tanzania (TALIRI) kwa namna ilivyojipanga kutoa elimu ya ufugaji na kuonesha teknolojia mbalimbali za kisasa katika Maonesho ya 50 ya Kimataifa ya Biashara (Sabasaba) yanayoendelea katika Viwanja vya Mwalimu Julius Kambarage Nyerere, jijini Dar es Salaam. Prof. Sheikh ametoa pongezi hizo leo, Julai 4, 2026, alipotembelea banda la TALIRI na kujionea shughuli mbalimbali za uhamasishaji na utoaji elimu kwa wananchi pamoja na wadau wa sekta ya mifugo. Amesema jitihada zinazofanywa na Taasisi hiyo zinachangia kwa kiasi kikubwa kuwafikishia wafugaji teknolojia na maarifa yatakayosaidia kuongeza tija, uzalishaji na maendeleo ya sekta ya mifugo nchini. Akizungumza katika banda la TALIRI, Meneja wa Sehemu ya Uhaulishaji wa Teknolojia, Bw. Gilbert Msuta, amesema Taasisi imejipanga kuhakikisha wananchi na wadau wanaotembelea banda hilo wanapata elimu kuhus...