SHAMBA LA LANGWIRA LATEKELEZA MKAKATI WA KUONGEZA UPATIKANAJI WA MALISHO BORA KWA WAFUGAJI

Shamba la Mbegu na Malisho la Langwira, lililopo katika Halmashauri ya Wilaya ya Mbarali mkoani Mbeya, limeendelea kuwa muhimu katika juhudi za Serikali za kuongeza upatikanaji wa malisho bora kwa wafugaji, hususan katika Mikoa ya Nyanda za Juu Kusini na maeneo jirani.

Katika mwaka wa fedha 2026/27, Shamba hilo limepanga kuzalisha jumla ya tani 200 za malisho aina ya sailage, kwa kutumia malisho ya aina mbalimbali yakiwemo Juncao, mtama lishe na mahindi, uzalishaji ambao ni sehemu ya juhudi za Serikali kupitia Wizara ya Mifugo na Uvuvi za kuimarisha upatikanaji wa malisho bora na ya kutosha kwa wafugaji, sambamba na kuboresha mashamba ya mbegu na malisho nchini.

Katika hatua hiyo, Wizara imeendelea kuchukua hatua mbalimbali za kuboresha Shamba la Mbegu na Malisho la Langwira, ikiwemo kuajiri watumishi, kununua vifaa vya shamba pamoja na kujenga na kukarabati miundombinu, hatua hizo zinalenga kuongeza uwezo wa shamba katika uzalishaji wa mbegu na malisho na hatimaye kuwafikia wafugaji wengi zaidi.

Shamba la Mbegu na Malisho la Langwira limefanikiwa kuwasaidia wafugaji katika Mikoa ya Nyanda za Juu Kusini na maeneo ya jirani kukabiliana na changamoto ya upatikanaji wa malisho bora kwa mifugo.

Katika utekelezaji wa jukumu hilo, jumla ya tani 9 za sailage zenye thamani ya Shilingi 3,150,000 zimeuzwa kwa mfugaji FM Msigwa wa Mafinga, hatua inayodhihirisha namna uzalishaji wa malisho katika mashamba ya Serikali unavyoweza kuwasaidia wafugaji kupata malisho bora kwa wakati.

Mfugaji huyo alitembelewa na kupatiwa taarifa kuhusu upatikanaji wa malisho bora na wataalam wa Wizara ya Mifugo na Uvuvi, hatua ambayo ni sehemu ya utekelezaji wa maelekezo yaliyotolewa na Waziri wa Mifugo na Uvuvi Mheshimiwa Balozi Dkt. Bashiru Ally Kakurwa (Mb), wakati wa ziara yake ya kikazi mkoani Iringa iliyofanyika tarehe 11–13 Septemba 2026.

Uzalishaji wa malisho bora ni moja ya mambo muhimu katika kuongeza tija katika ufugaji, kwa kuwa upatikanaji wa chakula cha kutosha na chenye ubora huchangia katika afya na uzalishaji wa mifugo.

Kwa kuendelea kuwekeza katika mashamba ya mbegu na malisho, Serikali inalenga kujenga uwezo wa uzalishaji wa malisho nchini na kuwawezesha wafugaji kupata malisho bora kwa urahisi zaidi.

Kwa upande wa Shamba la Langwira, mpango wa kuzalisha tani 200 za sailage katika mwaka wa fedha 2026/27 unaweka msingi wa kuongeza huduma kwa wafugaji na kupunguza changamoto ya upatikanaji wa malisho bora, hususan wakati wa vipindi ambavyo malisho ya asili yanapokuwa haba.

Hatua hizo zinaendelea kuifanya Langwira kuwa sehemu muhimu katika juhudi za kuimarisha uzalishaji wa malisho na kusaidia wafugaji katika Nyanda za Juu Kusini na maeneo mengine ya jirani.


Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma