MHE. KAMANI AWATAKA TVLA KUSIMAMIA UBORA WA VYAKULA VYA MIFUGO

Naibu Waziri wa Mifugo na Uvuvi, Mhe. Ng'wasi Damas Kamani, ameitaka Wakala ya Maabara ya Veterinari Tanzania (TVLA) kuimarisha usimamizi wa ubora wa vyakula vya mifugo vinavyozalishwa na kampuni mbalimbali nchini, ili kuhakikisha vinakidhi viwango na vigezo vinavyotakiwa.

Mhe. Kamani ameyasema hayo leo, Septemba 18, 2026, jijini Dar es Salaam, alipofanya ziara katika Shamba la Kuku la Harvest Point Limited, linalojishughulisha na uzalishaji wa kuku wa mayai, chakula cha kuku pamoja na kutoa huduma za ugani kwa wafugaji.

Amesema TVLA inapaswa kuhakikisha viwanda vinavyozalisha vyakula vya mifugo vinakaguliwa na kusimamiwa ipasavyo, sambamba na kutoa elimu na ushauri kwa wataalamu wa viwanda hivyo, ili kuhakikisha chakula kinachozalishwa kinakuwa na ubora unaokidhi mahitaji ya mifugo.

“Ni muhimu TVLA kuhakikisha mnakagua viwanda hivi na kuwapatia wataalamu wake elimu ya kutosha, ili chakula kinachozalishwa kiwe bora na kiweze kumsaidia mfugaji kuongeza uzalishaji,” amesema Mhe. Kamani.

Aidha, amewataka wawekezaji katika sekta ya mifugo na uvuvi kuzingatia ubora wa bidhaa wanazozalisha na kuendelea kutoa elimu kwa wafugaji kuhusu mbinu bora za uzalishaji, huku akisisitiza umuhimu wa ushirikiano kati ya Serikali, sekta binafsi na wadau wengine katika kuendeleza sekta ya mifugo na uvuvi nchini.

Vilevile, Mhe. Kamani amesema Serikali inaendelea na juhudi za kurasimisha na kuimarisha tasnia ya kuku nchini, ikiwa ni pamoja na utekelezaji wa Mpango Mkakati wa Taifa wa Tasnia ya Kuku ambao tayari umezinduliwa.

Amesema mpango huo unalenga kukuza tasnia ya kuku na kuongeza fursa za kiuchumi, hususan kwa wanawake na vijana, pamoja na kuongeza uzalishaji na tija katika sekta hiyo.

Katika ziara hiyo, Mhe. Kamani pia alitembelea Kampuni ya Tanlapia Limited, inayojishughulisha na ukuzaji wa viumbe maji kwa njia ya mabwawa, na ameipongeza kampuni hiyo kwa kutoa ajira kwa vijana pamoja na kutoa huduma za ugani kwa wafugaji, ambazo kwa kiasi kikubwa zimekuwa zikitolewa na Wizara, akieleza kuwa ushiriki wa sekta binafsi katika utoaji wa huduma hizo ni muhimu katika kuongeza ufanisi na kuwafikia wafugaji wengi zaidi.

Mhe. Kamani ameahidi kuwa Serikali itaendelea kushirikiana na wawekezaji na wadau mbalimbali kuhakikisha huduma za ugani zinatolewa kwa weledi na ufanisi, kwa lengo la kuongeza uzalishaji na kuimarisha maendeleo ya sekta ya mifugo na uvuvi nchini.

Naibu Waziri wa Mifugo na Uvuvi, Mhe. Ng'wasi Damas Kamani (wa pili kushoto), akielezewa ubora wa teknolojia inayotumiwa na Kampuni ya Tanlapia Limited katika ukuzaji viumbemaji, na Mkurugenzi wa Kampuni hiyo, Bw. Baraka Karangahe (wa pili kulia), mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 18, 2026 Bagamoyo - Jijini Dar es Salaam.

Naibu Waziri wa Mifugo na Uvuvi, Mhe. Ng'wasi Damas Kamani (wa kwanza kushoto), akikagua miundombinu ya shamba la kuku la Harvest Point Limited, mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 18, 2026 Bagamoyo - Jijini Dar es Salaam, wa kwanza kulia ni na Mkurugenzi wa Kampuni hiyo, Bw. Fadhili Gwota.









Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma