CHANDE AZINDUA MAADHIMISHO MIAKA 30 YA HIFADHI ZA BAHARI MAFIA, AWAITA WAWEKEZAJI

Naibu Waziri wa Maliasili na Utalii Mhe. Hamad Hassan Chande amezindua Maadhimisho ya Miaka 30 ya Hifadhi za Bahari Mafia pamoja na Tamasha la Mafia Festival linalolenga kuchochea uchumi wa buluu kupitia uhifadhi wa rasilimali za bahari.

Akizungumza katika uzinduzi huo uliofanyika leo Septemba 24, 2026 katika kando ya Fukwe ya Utende, Wilayani Mafia Mkoa wa Pwani, Mhe. Chande ametoa wito kwa wawekezaji kutoka ndani na nje ya mipaka ya Tanzania kuwekeza katika rasilimali za bahari na kutumia fursa hizo kukuza uchumi wa buluu.

Katika hotuba yake , ametoa rai kwa vijana na wanawake kutumia fursa za utalii zinazotokana na uhifadhi wa Bahari ili kuchangia utunzwaji wa rasilimali hizo kwa kizazi cha sasa na cha baadae. 

Kwa upande wake Mkuu wa Wilaya ya Mafia Mhe. Aziza Ally Mangosongo ameitaja Wilaya hiyo kuwa kituo cha Uhifadhi, Uwekezaji na utalii ambapo ameeleza kuwa kupitia Tamasha la Mafia Festival wilaya hio itaendelea kutangaza fursa za uchumi wa buluu pamoja na uhifadhi wa bahari.

Naye, Meneja wa Hifadhi ya Bahari na Maeneo Tengefu (MPRU), Dkt. Emmanuel Sweke amesema kazi ya uhifadhi wa rasilimali za bahari inahitaji ushirikiano baina ya wataalam na jamii kwa ujumla ili kuwa na uendelevu, ambapo pia alitumia jukwaa hilo kuwashukuru wadhamini na washirika walioshirikiana katika kuandaa maadhimisho hayo.

Naibu Waziri wa Maliasili na Utalii, Mhe. Hamad Chande akizungumza wakati wa Ufunguzi wa Tamasha la Mafia na Maadhimisho ya Miaka 30 ya Hifadhi za Bahari Mafia leo Septemba 24, 2026 Utende, Mafia.

Mkuu wa Wilaya ya Mafia, Mhe. Aziza Mangosongo akieleza umuhimu wa Tamasha la Mafia na fursa za uhifadhi wa Bahari wakati wa Ufunguzi wa tamasha hilo na miaka 30 ya Hifadhi za Bahari Mafia iliyofanyika leo Septemba 24, 2026 katika Eneo la Fukwe za Bahari, Utende Mafia.

Meneja wa Hifadhi za Bahari na Maeneo Tengefu Dkt. Emmanuel Sweke akitoa shukran kwa wadau walioshiriki katika kuandaa maadhimisho ya miaka 30 ya Hifadhi za Bahari Mafia pamoja na Tamasha la Mafia Festival  inayofanyika kuanzia leo Septemba 24 hadi 26 2026 Kisiwani Mafia.

Baadhi ya Wananchi wakifuatilia ufunguzi wa maashimisho ya Miaka 30 ya Hifadhi za Bahari Mafia na Tamasha la Mafia

Baadhi ya Watumishi wa Hifadhi za Bahari na Maeneo Tengefu (MPRU), wakiwemo wastaafu walioanzisha Hifadhi ya Bahari Mafia, wakiwa katika picha ya pamoja na Mgeni Rasmi baada ya Uzinduzi leo Septemba 24, 2026 uliofanyika Utende Mafia.



Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma