HABARI WIZARA YA MIFUGO NA UVUVI

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amesema serikali kupitia Wizara ya Mifugo na Uvuvi itaimarisha mifumo ya taarifa na takwimu kuhusu mikopo na uwezeshaji wa vijana kiuchumi ili kuongeza usimamizi wa miradi hiyo na kuhakikisha inakuwa na tija iliyokusudiwa. Mhe. Balozi Dkt. Bashiru amesema hayo leo, Agosti 17, 2026, mara baada ya kuwasili mkoani Kagera akitokea jijini Mwanza, ikiwa ni mwendelezo wa ziara yake ya kukagua miradi na shughuli zinazotekelezwa na serikali, ikiwemo sekta ya mifugo na uvuvi. Akiwa Kagera, amekutana na Kaimu Mkuu wa Mkoa huo, ambaye pia ni Mkuu wa Wilaya ya Bukoba, Mhe. Erasto Sima, na kufanya naye mazungumzo yanayolenga kuendeleza sekta za uvuvi na mifugo. Katika mazungumzo hayo, amesema mfumo mzuri wa taarifa na takwimu za utoaji wa mikopo kwa vijana utasaidia kuwa na usimamizi mzuri wa miradi ya uwezeshaji, lakini pia utaondoa upotoshwaji unaofanywa na baadhi ya watu wenye nia ovu, hivyo akatoa rai kwa viongozi wa mikoa, wilaya...

Waziri wa Mifugo na Uvuvi, Mhe. Balozi Dkt. Bashiru Ally Kakurwa amewaonya wanasiasa na baadhi ya watu wanaoendelea kujihusisha na kuhamasisha uvuvi usiofuata sheria maarufu kama uvuvi harama na kueleza kuwa ataendelea kuwa mstari wa mbele katika kulinda na kusimamia rasilimali za uvuvi nchini kwa maslahi ya taifa. Kauli hiyo ameitoa Agosti 15, 2026 baada kuwatembelea wawekezaji wa viwanda vya kuchakata samaki jijini Mwanza na kuelezwa changamoto ya ukosefu wa malighafi za viwandani unaotoka na upungufu wa samaki Ziwa Victoria. Mhe. Balozi Dkt. Bashiru amesema changamoto ya ukosefu wa malighali katika viwanda vya samaki imesababishwa na uvuvi usiofuata sheria katika maziwa hususan Ziwa Victoria, nakueleza kwamba Wizara ya Mifugo na Uvuvi kupitia kikosi maalum alichokiunda kimeendelea kutoa elimu kwa vitendo pamoja na kufanya utafiti kuhusu chanzo cha vitendo hivyo ambapo katika hatua za awali kimebaini kuwa kuna watu ambao wamekuwa wakijihusisha na uvuvi haramu kutokana na baadhi ya wa...

Waziri wa Mifugo na Uvuvi, Mhe.  Balozi Dkt. Bashiru Ally Kakurwa ameiagiza Taasisi ya Utafiti wa Uvuvi Tanzania (TAFIRI) na Wakala ya Elimu na Mafunzo ya Uvuvi Tanzania (FETA)  kufanya utafiti na kuongeza uzalishaji wa vifaranga vya samaki milioni 5 kila mmoja  kwa mwezi ili kupunguza changamoto ya gharama kubwa ya upatikanaji wa vifaranga  kwa wafugaji wa samaki. Mhe. Balozi Dkt. Bashiru ametoa agizo hilo  Agosti 15, 2026 wakati wa ziara yake mkoani Mwanza ambapo pia amewataka wawekezaji wakubwa katika sekta ya ufugaji samaki kuongeza uzalishaji wao ili kuwa na mchango mkubwa na kuleta ushindaji katika sekta hiyo  "Wawekezaji wakubwa katika ufugaji wa samaki lazima ukubwa wao katika uzalishaji watofautiane na wale wadogo. sitatoa kibali kwa wawekezaji wakubwa wanaofuga samaki wa mboga kama wafugaji wadogo wa samaki" alisema Mhe. Balozi Dkt. Bashiru. Katika hatua nyingine Mhe. Balozi Dkt. Bashiru ameiagiza TAFIRI kufanya utafiti utakaosaidia kidhibiti na k...

Waziri wa Mifugo na Uvuvi, Mhe. Balozi Dkt. Bashiru Ally Kakurwa leo Agosti 14, 2026 amezindua mradi wa ukarabati wa jengo la mama na mtoto pamoja na la kuhifadhia miili katika Hospitali ya Mji Tarime mradi ambao umetekelezwa kwa shilingi milioni 870.9 kati ya shilingi milioni 900 iliyopokelewa kutoka serikali kuu wakati akihitimisha ziara yake ya siku nne mkoani Mara. Baada ya kuzindua  majengo hayo, aliwatembelea na kuwajulia hali kina Mama waliojifungua na Wanaotaka kujifungua na kuwahakikishia kuwa Serikali itaendelea kuimarisha hospitali na vituo vya kutolea huduma za afya ikiwemo mazingira wezeshi ya Kina Mama Wajawazito kwa ajili ya kujifungulia. Mbali na Masuala ya Afya Mhe. Balozi Dkt. Bashiru alieleza juu ya mikakati ya serikali katika kuufungua kiuchumi Mkoa wa Mara ikiwa ni pamoja uboreshaji wa Viwanja vya ndege vya Musoma ambapo Shirika la Usafiri wa Anga Tanzania (ATCL) linatarajia kuanzisha safari kutoka na kwenda  mkoani humo, ujenzi wa  bandari, Reli ya M...

◾Yatoa sare ya 1-1, huku Rogers Charles akiibuka Mchezaji Bora wa Mechi.  Wizara ya Mifugo na Uvuvi imetoka sare ya bao 1-1 dhidi ya Ofisi ya Makamu wa Rais katika mchezo wa kirafiki uliofanyika leo, Agosti 14, 2026, katika Viwanja vya Kilimani, Dodoma. Mchezo huo ni sehemu ya maandalizi kuelekea Mashindano ya Shirikisho la Michezo ya Wizara na Idara za Serikali Tanzania (SHIMIWI). Ofisi ya Makamu wa Rais ndiyo iliyokuwa ya kwanza kupata bao katika dakika ya 54 kupitia mchezaji wake, Rashid Mzee, aliyefanikiwa kuipatia timu yake uongozi. Hata hivyo, Wizara ya Mifugo na Uvuvi haikukata tamaa, na juhudi zake zilizaa matunda baada ya kufanya mabadiliko ya mchezo na kumtoa Stanley Brayton dakika ya 60 na kuingia Mchezaji Rogers Charles, na hatimaye dakika ya 87 mchezaji Rogers Charles akafunga bao la kusawazisha kwa njia ya mpira wa adhabu na kuifanya mechi kumalizika kwa sare ya 1-1. Rogers Charles aliibuka kuwa Mchezaji Bora wa Mechi, baada ya kuonyesha kiwango kizuri na kufunga bao ...

Afisa Mtendaji Mkuu wa Shirika la Uvuvi Tanzania (TAFICO), Dkt. Suleiman Peter Kiula, ndc, leo Agosti 14, 2026, amewasili rasmi ofisi za Makao Makuu ya Shirika zilizopo Kigamboni Dar es Salaam, na kuzungumza na watumishi wa Shirika, akisisitiza umuhimu wa mshikamano, nidhamu na uwajibikaji katika kutekeleza majukumu ya TAFICO. Dkt. Kiula amesema TAFICO ina majukumu makubwa katika mnyororo wa thamani wa sekta ya uvuvi, ikiwemo uendeshaji wa meli, bandari, viwanda vya uchakataji wa mazao ya uvuvi pamoja na kuingia katika ufugaji wa samaki.  Katika kuyafanikisha malengo ya Shirika, Dkt. Kiula ametoa rai kwa watumishi kuwa sehemu ya Shirika na kila mmoja kuwa kiongozi katika eneo lake la utendaji, huku akisisitiza nidhamu na ushirikiano. “Tutasimama pamoja, tutashirikiana ili tutengeneze historia ya sekta ya uvuvi nchini. TAFICO inaanza safari ya kwenda kuingia bahari kuu.” alisisitiza. Afisa Mtendaji Mkuu  wa Shirika la Uvuvi Tanzania (TAFICO), Dkt. Suleiman Peter Kiula, ndc, (ku...

Mkuu wa Mkoa wa Njombe, Mheshimiwa Anthony John Mtaka, ametembelea Banda la Wakala ya Elimu na Mafunzo ya Uvuvi (FETA) katika Tamasha la Kizimkazi, ambapo amejionea bunifu na teknolojia mbalimbali zinazolenga kuongeza uzalishaji na tija katika Sekta ya Uvuvi, sambamba na utekelezaji wa Dira ya Taifa 2050. Bw. Mtaka akiwa bandani hapo 13 Agosti, 2026 ameipongeza FETA kwa ubunifu huo na kuitaka kusambaza na kutangaza teknolojia hizo nchi nzima, ili wananchi wengi zaidi wanufaike kwa kuongeza uzalishaji, thamani ya mazao ya uvuvi, ajira na kipato.  “Nchi nzima inahitaji uelewa na ujuzi kuhusu teknolojia hizi muhimu zinazobuniwa na Taasisi za Serikali. Hii itachochea maendeleo kwa wananchi wetu kupitia Sekta ya Uvuvi,” alisema Bw. Mtaka. Aidha, ameitaka FETA kuendelea kuhamasisha matumizi ya teknolojia hizo kwa wadau na jamii ili kuimarisha usalama wa chakula, ajira, kipato na pato la Taifa.  Naye Mkufunzi wa FETA Bw. Mashaka Kapagalla alimhakikishia Mkuu wa Mkoa kuwa FETA inaende...