HABARI WIZARA YA MIFUGO NA UVUVI

Serikali imesema itaendelea kuimarisha ushirikiano baina ya Wizara ya Mifugo na Uvuvi, Wizara ya Kilimo na Wizara ya Maji ili kuhakikisha changamoto ya upatikanaji wa maji kwa mifugo inatatuliwa nchini, kauli ambayo imetolewa na Naibu Waziri wa Mifugo na Uvuvi, Mhe. Ng’wasi Damas Kamani wakati akijibu swali la nyongeza la Mbunge wa Kiteto, Mhe.Edward Kisau Olelekaita, aliyetaka kujua mkakati wa Serikali wa kuunganisha nguvu za wizara hizo katika kuboresha miundombinu ya maji katika Jimbo la Kiteto. Akijibu swali katika Kikao cha Bunge la kumi na tatu, mkutano wa tano, kikao cha sita, leo Novemba 3, 2026 Bungeni Jijini Dodoma, swali la Mhe. Olelekaita aliyetaka kujua ni lini Serikali itapeleka fedha za kukamilisha mradi wa bwawa la maji ya mifugo la Kiwani, lililopo Kata ya Ndeda, Wilaya ya Kiteto, Mhe. Kamani alisema Serikali inatambua umuhimu wa mradi huo katika kuboresha upatikanaji wa maji kwa mifugo na wananchi, na kwamba mradi huo utaendelea kuzingatiwa katika mipango ya bajeti ya...

Waziri wa Mifugo na Uvuvi, Mhe. Balozi Dkt. Bashiru Ally Kakurwa amefanya kikao na watendaji wa wizara na mkandarasi kujadili maendele ya mradi wa ujenzi wa Kituo cha Maendeleo ya Ukuzaji Viumbemaji cha Rubambagwe, kilichopo Wilayani Chato Mkoa wa Geita. Katika kikao hicho kilichofanyika leo Novemba 02, 2026 katika Ofisi ndogo za Wizara zilizopo Kambarage Tower Jijini Dodoma, Mhe. Balozi Dkt. Bashiru aliambatana na Naibu Waziri wa Mifugo na Uvuvi, Mhe. Ng'wasi Damas Kamani, Naibu Katibu Mkuu (Uvuvi) Prof. Mohammed Sheikh pamoja na Wataalam kutoka Idara tumizi zinazotekeleza mradi huo. Akiwa katika kikao hicho, Mheshimiwa Waziri alipokea taarifa ya hatua ulipofikia mradi na changamoto zilizopelekea kuchelewesha ukamilishaji wa mradi huo kutoka pande zote mbili za mradi (Mkandarasi na Mtumiaji).  Baada ya kupokea taarifa hiyo Mhe. Balozi Dkt. Bashiru alielekeza Mkandarasi kukaa na Idara ya Miundombinu kufanya tathmini ya pamoja, kutatua changamoto zilizokwamisha kukamilika kwa mkatab...

Serikali kuanza kutekeleza ahadi ya ujenzi wa Mwalo na Soko la Samaki katika Jimbo la Mchinga, mkoani Lindi, katika mwaka wa fedha 2026/2027, ikiwa ni sehemu ya juhudi za kuboresha miundombinu ya sekta ya uvuvi nchini. Akijibu swali leo Novemba 2, 2026 Bungeni Jijini Dodoma, swali la Mbunge wa Mchinga, Mheshimiwa Salma Rashid Kikwete, aliyetaka kujua ni lini Serikali itatekeleza ahadi ya ujenzi wa soko hilo, Naibu Waziri wa Mifugo na Uvuvi, Mhe. Ng’wasi Damas Kamani amesema Serikali tayari imefanya tathmini na kuthibitisha maeneo yatakayotumika kujenga miundombinu mipya ya uvuvi katika ukanda wa Pwani ya Bahari ya Hindi. Aidha, Mhe. Kamani ameeleza kuwa katika Mwalo wa Mchinga, tathmini ya athari za kimazingira na kijamii tayari imekamilika, sambamba na michoro ya mradi, hatua zinazoweka msingi wa utekelezaji wa ujenzi huo, na ameongeza kuwa Serikali pia itajenga mialo na masoko ya uvuvi katika maeneo ya Kilwa-Kivinje, Shuka, Miseti na Kisiju, pamoja na kuboresha Soko la Samaki Bagamoy...

Wizara ya Mifugo na Uvuvi Kwa kushirikiana na Benki Kuu ya Tanzania (BOT) Oktoba 29, 2026 imefanya kikao na Benki za CRDB,TADB na Equity kujadili mgogoro wa muda mrefu na Kampuni ya Chobo Investments  kuhusu mikopo iliyochukuliwa na kampuni hiyo na dhamana yake. Katika kikao hicho kilichofanyika Ofisi za Wizara zilizipo Mji wa Serikali Mtumba Jijini Dodoma, kilihudhuriwa na Mkurugenzi wa Uzalishaji na Masoko, Bw. Stephen Michael, akiiwakilisha wizara katika, huku taasisi zingine zilizoshiriki ni pamoja na Benki Kuu ya Tanzania, Msajili wa Bodi ya Nyama Tanzania, Mkurugenzi wa Kampuni ya Ranchi za Taifa, Benki za CRDB, TADB, EQUITY na Kampuni ya Chobo Investiment Limited. Kampuni hiyo kupitia kwa Mkurugenzi wake ilieleza kuwa mwaka 2014/15 ilichukua Mkopo katika Benki ya Equity wenye thamani ya shilingi bilioni 4.8, hata hivyo mkopo huo haukuiwezesha kampuni kuanza uzalishaji hivyo kushindwa kurejesha hadi deni hilo likakua kufikia Bilioni 10.5. Pia, Chobo Investments iliwasilisha c...

Matukio ya picha, Sehemu ya ufunguzi wa Ofisi za Wizara, Taasisi za Serikali Katika Mji wa Serikali Mtumba yaliyozinduliwa na Mheshimiwa Dkt. Samia Suluhu Hassan, Rais wa Jamhuri ya Muungano wa Tanzania akiwa na mgeni wake, Mhe. João Manuel Conçalves Lourenço, Rais wa Jamhuri ya Angola. Ufunguzi Majengo hayo umefanyika leo Oktoba 30, 2026, Mtumba Jijini Dodoma.

Serikali kupitia Wizara ya Mifugo na Uvuvi chini ya ufadhili wa Shirika lisilo la Serikali la OHDI imeandaa mkakati wa kuratibu afya na ustawi viumbe maji ikiwa unaolenga kulinda afya ya walaji pia. Akizungumza katika uzinduzi wa rasimu ya mkakati huo uliofanyika Oktoba 29,2026 jijini Dar-es-Salaam Naibu Katibu Mkuu wa Wizara hiyo anayeshughulikia sekta ya Uvuvi Prof. Mohammed Sheikh amesema kuwa Tanzania ni miongoni mwa nchi chache ulimwenguni ambazo zina ithibati ya kusafirisha samaki kwenye masoko makubwa na mpaka sasa hakuna tatizo lolote lililoripotiwa kutokana na changamoto ya afya ya samaki kwa binadamu. “Ni matumaini yetu kuwa mkakati huu unaongeza thamani kwenye mnyororo wa biashara ya samaki na mazao yake kwani Serikali ina mategemeo makubwa katika tasnia ya ukuzaji viumbe maji na tunaamini itatusaidia kupunguza upungufu wa mahitaji ya samaki uliofikia karibu asilimia 50 mpaka sasa ” Amesema Prof. Sheikh. Kwa upande wake Mkurugenzi wa Ukuzaji Viumbe Maji nchini Dkt. Nazael Ma...

Na. Edward Kondela Ujumbe kutoka Benki ya Dunia umeendelea kufanya tathmini ya utekelezaji wa Mradi wa Kukuza Usimamizi Endelevu wa Uvuvi na Ukuzaji Viumbe Maji Bahari Tanzania (TASFAM) ili kuhakikisha mradi huo unawafikia walengwa. Ujumbe huo ukiongozwa na Bw. Mirko Ivo Serkovic umekutana na uongozi wa TASFAM jijini Dar es Salaam Oktoba 27, 2026 katika makao makuu ya ofisi ya Shirika la Uvuvi Tanzania (TAFICO) na kupeana mrejesho wa hatua ambazo zimefikiwa na ambazo zinatarajiwa kufikiwa ili kuhakikisha mradi huo wa miaka mitano (2025-2030) unafikia malengo. Aidha, katika kikao hicho Mratibu wa Mradi wa TASFAM Tanzania Bara Dkt. Nichrous Mlalila ameuhakikishia ujumbe wa Benki ya Dunia kuwa jitihada zinafanywa kuhakikisha mipango yote inatekelezwa na hatimaye mradi ufikie malengo yaliyokusudiwa na kuacha alama kwa wavuvi na wakuzaji viumbe maji katika mikoa ya Ukanda wa Bahari ya Hindi. Awali ujumbe wa Benki ya Dunia ulipata fursa kutembelea Mkoa wa Tanga katika Wilaya ya Pangani, kwen...