HABARI WIZARA YA MIFUGO NA UVUVI

Waziri wa Mifugo na Uvuvi Mhe. Balozi Dkt. Bashiru Ally Kakurwa amekutana na Mabalozi Wateule wa Tanzania kwa lengo la kuwafahamisha fursa zilizopo katika sekta za mifugo na uvuvi ili kwenda kuzinadi kwenye Nchi walizopangiwa kuiwakilisha Tanzania  ikiwa ni sehemu ya kuimarisha diplomasia ya uchumi kimataifa. Mhe. Dkt. Bashiru amekutana na Mabalozi hao katika Ukumbi wa Mikutano wa Ofisi ya Waziri Mkuu Jijini Dodoma leo Aprili 13, 2026 na kuwaeleza kuwa sekta za mifugo na uvuvi zinahitaji kupanua wigo wa masoko ya kimataifa yatakayochochea uzalishaji na ukuaji wa uchumi wa wananchi. “Kama ambavyo mtakavyokuwa  makini na sekta zingine za kiuchumi kama maliasili na utalii, pia sekta za mifugo na uvuvi ni eneo muhimu, nchi yetu bado tuna nafasi ya kujikomboa kiuchumi kutokana na Kilimo, Mifugo na Uvuvi, kwa hiyo uwakilishi wenu unakuwa na mchango mkubwa katika diplomasia ya uchumi” alisema Mhe. Dkt. Bashiru. Aidha, Mhe. Dkt. Bashiru ameongeza kuwa Wizara bado inahitaji mashirikian...

Na. Stanley Brayton, WMUV Taasisi ya Wakala wa Vyuo vya Mafunzo ya Mifugo Tanzania (LITA) na Taasisi ya Utafiti wa Mifugo Tanzania (TALIRI) zilizopo chini ya Wizara ya Mifugo na Uvuvi zimeendelea kutoa Mafunzo ya nadharia na vitendo kwa wafugaji wa ng’ombe wa Maziwa ili kukuza Tasnia ya Maziwa kwa kuongeza uzalishaji wa maziwa nchini. Akizungumza kwa niaba ya Katibu Mkuu Wizara ya Mifugo na Uvuvi leo Aprili 13, 2026 Jijini Tanga katika Ufunguzi wa Semina ya Wafugaji wa ng'ombe Bora wa Maziwa kupitia Mradi wa Maziwa Faida, Mkurugenzi wa Idara ya Utafiti, Mafunzo na Ugani Wizara ya Mifugo na Uvuvi (DRTE), Ndg. Samwel Mdachi amesema lengo la mafunzo hayo ni kuongeza uzalishaji wa maziwa nchini na kuweza kuwafikia wafugaji 3,000 ndani ya miaka Mitano (5) ya utekelezaji wa Mradi huo, ambapo hadi sasa wafugaji 1,888 wamefikiwa. "Uboreshaji wa uzalishaji wa ng’ombe wa maziwa mlionao utasaidia kuongeza kiwango cha uzalishaji wa maziwa bora na hivyo kuongeza kipato katika kaya zenu, na...

Wizara ya Mifugo na Uvuvi kupitia Taasisi ya Bodi ya Maziwa, Ofisi ya Mkuu wa Mkoa na Chama cha Ushirika wa Wazalishaji Maziwa Mkoa wa Tanga (TDCU) inaendelea na utatuzi wa changamoto za Kiwanda cha Kusindika Maziwa cha Tanga (Tanga Fresh) ambacho kina uwezo wa kusindika maziwa lita 120,000 kwa siku.  Hayo yameelezwa leo Aprili 13, 2026 Bungeni Jijini Dodoma na Naibu Waziri wa Mifugo na Uvuvi, Mhe. Ng’wasi Kamani wakati akijibu swali la Mbunge wa Korogwe Vijijini (CCM) Mhe. Timotheo Paul Mnzava wakati wa Kipindi cha Maswali na Majibu cha Bunge la Kumi na Tatu (13), Mkutano wa Tatu (3), Kikao cha Saba (7). Swali hilo lilihoji juu ya mkakati wa serikali wa kuwasaidia wafugaji wa Korogwe Vijijini na Mkoa wa Tanga kwa ujumla kupata soko na bei ya uhakika ya maziwa, ambapo Naibu Waziri Mhe. Kamani amesema kuwa Wizara kwa kushirikiana na wadau wa maziwa zikiwemo taasisi za fedha imeshaanza kuzitafutia ufumbuzi changamoto hizo ili kiwanda hicho kiendelee na uzalishaji. “Mheshimiwa Mwenyek...

Na. Edward Kondela Maabara ya Taifa ya Uvuvi nchini (NFQCLAB), Kituo cha Dar es Salaam, kupitia Mradi wa Kukuza Usimamizi Endelevu wa Uvuvi na Ukuzaji Viumbe Maji wa Bahari Tanzania (TASFAM), yafanya kikao maalum kupata miongozo 24 ya kuwezesha maabara hiyo kuwa na mfumo wa kimataifa ili kupata ithibati ya ISO/IEC 17025.  Kikao hicho kinafanyika Mjini Morogoro, ambapo baadhi ya wataalamu wanakutana kwa wiki moja kuanzia Tarehe 8 hadi 15 Aprilii 2026 kwa ajili ya kuandaa mfumo huo ili kujiweka katika mazingira mazuri ya kupata ithibati na kuifanya kuaminika kimataifa kwa kuthitibitisha ubora wa mazao ya uvuvi na kukubalika katika masoko ya kimataifa.  ISO/IEC 17025 ni Kiwango cha Kimataifa kinachotumika kwa maabara za upimaji (testing) na upimaji sahihi/ugezi (calibration) ili kuthibitisha kuwa maabara zinafanya uchunguzi na kutoa majibu sahihi yanayokubalika kimataifa, hivyo kuongeza imani kwa wadau na kurahisisha biashara ya kimataifa.

Na. Stanley Brayton Serikali kupitia Wizara ya Mifugo na Uvuvi imepania kuimarisha Tasnia ya kuku kwa kushirikiana na wadau wa Tasnia hiyo katika kuleta mabadiliko yenye tija ili kuongeza uzalishaji nchini ambao utasaidia kuinua vipato vya wananchi na Taifa kiujumla. Akizungumza leo Aprili 11, 2026 Jijini Dodoma katika Kikao cha Mkakati na Viongozi pamoja na wadau wa Mnyororo wa thamani wa kuku nchini, Waziri wa Mifugo na Uvuvi, Mhe. Balozi Dkt. Bashiru Ally Kakurwa, amesema Uzalishaji kuku ni miongoni mwa Sekta zinazotakiwa kupewa kipaumbele kwani ndio inagusa maisha ya kila mwananchi, na ndipo chakula chenye usalama kinapopatikana, na ni vyema kufanya mabadiliko katika Sekta hiyo ili iwe rasmi na kufuga kisasa kwa kuendana na Teknolojia mpya ya ufugaji kuku. "Ili kunyanyua Uchumi wetu ni lazima kutanua wigo wa Sekta ya Mifugo katika Tasnia ya kuku kwa kutumia teknolojia mbalimbali, mana tunaweza zalisha kwa wingi mazao ya kuku na kwa ubora zaidi na kuuza nchi za nje na kupata fe...

Naibu Waziri wa Mifugo na Uvuvi, Mhe. Ng’wasi Kamani amesema serikali inaendelea kutekeleza Programu ya Jenga Kesho Iliyobora (Building Better Tomorrow - BBT) ambapo katika mwaka wa fedha 2025/2026 wizara hiyo imepokea shilingi bilioni 30.7 (Sekta ya uvuvi shilingi bilioni 25.9 na sekta ya mifugo shilingi  bilioni 4.75) kwa ajili ya kuwawezesha wavuvi wadogo pamoja na vijana katika maeneo mbalimbali hapa nchini.  Mhe. Kamani amesema hayo leo Aprili 10, 2026 Bungeni Jijini Dodoma wakati akijibu swali la Mbunge wa Vitimaalum, Mhe. Maryam Azan Mwinyi, kwenye Kipindi cha Maswali na Majibu cha Bunge la 13, Mkutano wa Tatu, Kikao cha Sita. Swali la Mbunge huyo lilihoji hatua inayochukuliwa na serikali kuwawezesha Wananchi hususani Vijana na Wavuvi wadogo kushiriki kikamilifu katika uchumi wa Bluu. “ Mheshimiwa Spika, Kupitia programu ya BBT, vijana 308 wamepatiwa mikopo isiyo na riba na yenye masharti nafuu kwa ajili ya utekelezaji wa miradi ya ufugaji wa samaki kwenye vizimba, ufug...

Na. Stanley Brayton, WMUV Wizara ya Mifugo na Uvuvi inayotekeleza Mradi wa miaka mitano wa Jenga Kesho Iliyo Bora (BBT) ya Unenepeshaji wa Mbuzi na Kondoo katika eneo la Kituo cha Taasisi ya Utafiti wa Mifugo Tanzania (TALIRI) iliyopo Wilayani Kongwa, imepanga kuwawezesha vijana 200 wa Kitanzania kupata Mafunzo hayo ikiwa na lengo la kuongeza ushiriki wa vijana na wanawake katika ujasiliamali wa Biashara ya Mifugo. Akizungumza leo Aprili 9, 2026 Wilayani Kongwa Jijini Dodoma kwa Niaba ya Katibu Mkuu wa Wizara ya Mifugo na Uvuvi, wakati wa warsha ya utambulisho wa Mradi huo, Naibu Katibu Mkuu Wizara ya Mifugo na Uvuvi (Mifugo), Dkt. Fabian Madele, amesema mradi huo wenye thamani ya takribani shilingi Billioni 81, unalenga kuwawezesha vijana kupitia shughuli za unenepeshaji wa mbuzi na kondoo kibiashara, uzalishaji wa malisho na mbegu za malisho, uchakataji wa vyakula vya mifugo, pamoja na matumizi ya teknolojia za kisasa. "Walengwa wakuu wa mradi huu ni vijana, ambao kupitia utekel...