MABALOZI WATEULE WAHIMIZWA KUZINADI FURSA ZA MIFUGO NA UVUVI KIMATAIFA

Waziri wa Mifugo na Uvuvi Mhe. Balozi Dkt. Bashiru Ally Kakurwa amekutana na Mabalozi Wateule wa Tanzania kwa lengo la kuwafahamisha fursa zilizopo katika sekta za mifugo na uvuvi ili kwenda kuzinadi kwenye Nchi walizopangiwa kuiwakilisha Tanzania  ikiwa ni sehemu ya kuimarisha diplomasia ya uchumi kimataifa.

Mhe. Dkt. Bashiru amekutana na Mabalozi hao katika Ukumbi wa Mikutano wa Ofisi ya Waziri Mkuu Jijini Dodoma leo Aprili 13, 2026 na kuwaeleza kuwa sekta za mifugo na uvuvi zinahitaji kupanua wigo wa masoko ya kimataifa yatakayochochea uzalishaji na ukuaji wa uchumi wa wananchi.

“Kama ambavyo mtakavyokuwa  makini na sekta zingine za kiuchumi kama maliasili na utalii, pia sekta za mifugo na uvuvi ni eneo muhimu, nchi yetu bado tuna nafasi ya kujikomboa kiuchumi kutokana na Kilimo, Mifugo na Uvuvi, kwa hiyo uwakilishi wenu unakuwa na mchango mkubwa katika diplomasia ya uchumi” alisema Mhe. Dkt. Bashiru.

Aidha, Mhe. Dkt. Bashiru ameongeza kuwa Wizara bado inahitaji mashirikiano na mataifa mengine katika maeneo ya teknolojia na miundombinu ya uzalishaji, mitaji, uwekezaji katika uzalishaji wa vyakula vya mifugo na samaki, afya ya mifugo, kuimarisha mbari (mbegu bora) za mifugo, masoko ya mazao ya mifugo na uvuvi pamoja na mafunzo na utaalam katika sekta hizo, mambo ambayo yatavutia uwekezaji.

Kwa upande wake, Balozi wa Tanzania Nchini Saudi Arabia Mhe. Eng. Zena Ahmed Saidi akizungumza katika kikao hicho ameiomba serikali kupitia wizara ya mifugo na uvuvi kushirikiana kwa karibu na balozi hizo ikiwa ni pamoja na kuwapatia vielelezo vyote vinavyohusiana na sekta ya mifugo na uvuvi ili kupata nguvu ya kuzitangaza sekta hizo kwa wawekezaji wa kimataifa.

Waziri wa Mifugo na Uvuvi Mhe. Balozi Dkt. Bashiru Ally Kakurwa(Katikati) akiwa kwenye picha ya pamoja na Mabalozi Wateule wa Tanzania baada ya kufanya mazungumzo ya kuzitangaza fursa za sekta za Mifugo na Uvuvi yaliyofanyika Ofisi ya Waziri Mkuu Mjini Dodoma leo Aprili 13, 2026. Wengine ni Naibu Waziri Mhe. Ng’wasi Kamani, Katibu Mkuu Bi. Agnes Meena na Naibu Katibu Mkuu (Mifugo) Dkt. Fabian Madele.

Waziri wa Mifugo na Uvuvi Mhe. Balozi Dkt. Bashiru Ally Kakurwa (Wasita kulia) akizungumza na Mabalozi Wateule wa Tanzania kuhusu fursa zilizopo kwenye Sekta za Mifugo na Uvuvi wakati wa mazungumzo yaliyofanyika Ofisi ya Waziri Mkuu Mjini Dodoma leo Aprili 13, 2026.

Balozi wa Tanzania Nchini Saudi Arabia Mhe. Eng. Zena Ahmed Saidi akizungumza wakati wa Kikao cha Waziri wa Mifugo na Uvuvi pamoja na Mabalozi Wateule kilichofanyika Ofisi ya Waziri Mkuu Mjini Dodoma 13 Aprili 2026

Mabalozi Wateule wa Tanzania wakimsikiliza Waziri wa Mifugo na Uvuvi  wakati wa mazungumzo yaliyofanyika Ukumbi wa Ofisi ya Waziri Mkuu iliyopo Mjini Dodoma leo 13 Aprili 2026.

Naibu Waziri wa Mifugo na Uvuvi, Mhe. Ng’wasi Kamani (kushoto) akichangia jambo wakati wa Mazungumzo ya Waziri wa Mifugo na Uvuvi na Mabalozi Wateule wa Tanzania yaliyofanyika Ofisi ya Waziri Mkuu Mjini Dodoma leo Aprili 13, 2026.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma