SERIKALI KUIMARISHA TASNIA YA KUKU NCHINI

Na. Stanley Brayton

Serikali kupitia Wizara ya Mifugo na Uvuvi imepania kuimarisha Tasnia ya kuku kwa kushirikiana na wadau wa Tasnia hiyo katika kuleta mabadiliko yenye tija ili kuongeza uzalishaji nchini ambao utasaidia kuinua vipato vya wananchi na Taifa kiujumla.

Akizungumza leo Aprili 11, 2026 Jijini Dodoma katika Kikao cha Mkakati na Viongozi pamoja na wadau wa Mnyororo wa thamani wa kuku nchini, Waziri wa Mifugo na Uvuvi, Mhe. Balozi Dkt. Bashiru Ally Kakurwa, amesema Uzalishaji kuku ni miongoni mwa Sekta zinazotakiwa kupewa kipaumbele kwani ndio inagusa maisha ya kila mwananchi, na ndipo chakula chenye usalama kinapopatikana, na ni vyema kufanya mabadiliko katika Sekta hiyo ili iwe rasmi na kufuga kisasa kwa kuendana na Teknolojia mpya ya ufugaji kuku.

"Ili kunyanyua Uchumi wetu ni lazima kutanua wigo wa Sekta ya Mifugo katika Tasnia ya kuku kwa kutumia teknolojia mbalimbali, mana tunaweza zalisha kwa wingi mazao ya kuku na kwa ubora zaidi na kuuza nchi za nje na kupata fedha za kigeni pamoja na kukuza mashirikiano ya Kidiplomasia baina ya nchi yetu na nchi zingine." amesema Mhe. Balozi Dkt. Bashiru 

Aidha, Mhe. Balozi Dkt. Bashiru amesema ana uhakika kuwa Sekta ya Mifugo katika Tasnia ya kuku inaweza kuwa na Mkakati Mkubwa wa kiuzalishaji Mazao hayo na kuikuza Sekta hiyo ili kuwahudumia wananchi wengi, na ndio mana Wizara ipo katika Mapitio ya Sera za Mifugo ili kiziboresha na kuhakikisha zinaendana na Dira ya Taifa ya 2050.

Vilevile, Mhe. Balozi Dkt. Bashiru amesema kuwa Serikali inawapongeza wazalishaji wote wa chakula nchini ikiwemo wafugaji kuku, na amebainisha kuwa Serikali ipo katika kuhakikisha kuna usalama wa chakula nchi na ndio mana inawaleta wadau wote wa Tasnia ya kuku karibu ili kujua changamoto zao na kuzitatua kwa haraka.

Pia, Mhe. Balozi Dkt. Bashiru amewataka Wakala ya Maabara ya Veterinari Tanzania (TVLA) kujenga Maabara ya kupima vyakula vya Mifugo ili kuwezesha usalama wa chakula cha Mifugo na Wataalam na Wizara na Taasisi za Serikali kuendelea kukutana na wadau mbalimbali wa Tasnia ya kuku na kusaidiana nao katika kukuza Sekta ili kuongeza uzalishaji wa zao hilo nchini.

Kwa upande wake, Katibu Mkuu Wizara ya Mifugo na Uvuvi, Bi. Agnes Kisaka Meena, amesema tasnia ya kuku ni sehemu muhimu sana katika Sekta ya Mifugo hapa nchini na ndio mana Serikali inasimama kwa ukamilifu katika kuhakikisha Tasnia hiyo inakuwa kwa kasi na kuwanufaisha wananchi kuanzia kwenye chakula hadi kwenye kipato.

Bi. Meena amesema kikao cha leo kitasaidia sana katika kutatua changamoto za kuku na wafugaji ili waweze kufuga kwa urahisi na kupata chakula cha kuku kiurahisi na kwa bei nafuu.

Naye, Mwenyekiti wa Kamati ya Chama cha Kuku cha Tanzania (PAT), Bw. Costa Mrema ameelezea changamoto mbalimbali zinazowakumba wafugaji wa kuku, ikiwemo gharama kubwa ya Chakula cha kuku, changamoto ya uingizaji kinyemela wa vifaranga vya kuku, uhaba wa Wataalam kwenye Hachari na Mashamba ya kuku, Uwezeshaji wa wafugaji wa kuku kiuchumi, Takwimu na Masoko yake.

Bw. Mrema ameiomba Wizara kuwasaidia wafugaji wa kuku katika kutatua changamoto hizo ambazo zimekuwa ni changamoto zao za kudumu kwa wafugaji hao.

Waziri wa Mifugo na Uvuvi, Mhe. Balozi Dkt. Bashiru Ally Kakurwa, akihutubia wadau wa tasnia ya kuku, katika Kikao cha Mkakati wa viongozi na wadau wa mnyororo wa thamani wa kuku nchini, kilichofanyika  Makao Makuu ya Wizara ya Mifugo na Uvuvi - Mtumba, Aprili 11, 2026 Dodoma.

Katibu Mkuu Wizara ya Mifugo na Uvuvi, Bi. Agnes Kisaka Meena, akizungumza na wadau wa Tasnia ya kuku, katika Kikao cha Mkakati na Viongozi pamoja na wadau wa Mnyororo wa thamani wa kuku nchini, kilichofanyika katika Ukumbi wa Makao Makuu ya Wizara ya Mifugo na Uvuvi - Mtumba, Aprili 11, 2026 Dodoma.

Mwenyekiti wa Chama cha Wafugaji  Kuku wa Asili Tanzania (TIPA), Bw. Dominic Ndunguru, akielezea changamoto mbalimbali zinazowakumba wafugaji wa kuku Asili nchini, katika Kikao cha Mkakati na Viongozi pamoja na wadau wa Mnyororo wa thamani wa kuku nchini, kilichofanyika katika Ukumbi wa Makao Makuu ya Wizara ya Mifugo na Uvuvi - Mtumba, Aprili 11, 2026 Dodoma.

Meneja wa Kanda ya Kati Benki ya Maendeleo ya Kilimo (TADB) - Dodoma, Bw. Yodas Mwanakatwe, akielezea namna Benki hiyo inavyoshiriki katika kuendelea Tasnia ya kuku kwa kutoa mikopo na Mafunzo ya Ufugaji, katika Kikao cha Mkakati na Viongozi pamoja na wadau wa Mnyororo wa thamani wa kuku nchini, kilichofanyika katika Ukumbi wa Makao Makuu ya Wizara ya Mifugo na Uvuvi - Mtumba, Aprili 11, 2026 Dodoma.

Viongozi na wadau mbalimbali wa Tasnia ya kuku, wakimsikiliza Waziri wa Mifugo na Uvuvi, Mhe. Balozi Dkt. Bashiru Ally Kakurwa, katika Kikao cha Mkakati na Viongozi pamoja na wadau wa Mnyororo wa thamani wa kuku nchini, kilichofanyika katika Ukumbi wa Makao Makuu ya Wizara ya Mifugo na Uvuvi - Mtumba, Aprili 11, 2026 Dodoma.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

SERIKALI KURASIMISHA BIASHARA YA MABONDO

Picha
Na. Edward Kondela Serikali imesema itahakikisha inachukua hatua ya kuwepo kwa taratibu maalum zilizo wazi kwenye biashara ya mabondo ya samaki ili kujiridhisha upatikanaji wake hadi kufika viwandani kwa ajili ya kuchakatwa. Akizungumza (05.03.2024) jijini Mwanza na wamiliki wa viwanda vya kuchakata mazao ya uvuvi katika jiji hilo, wakati akimwakilisha Katibu Mkuu Wizara ya Mifugo Uvuvi Prof. Riziki Shemdoe, Mkurugenzi wa Idara ya Uvuvi Prof. Mohammed Sheikh amesema serikali itahakikisha inaweka utaratibu ili kujiridhisha namna ya upatikanaji wa mabondo. Prof. Sheikh amebainisha hayo baada ya baadhi ya wamiliki wa viwanda vya kuchakata mazao ya uvuvi kulalamika kuwa baadhi ya wavuvi wamekuwa wakivua samaki ambao wako chini ya viwango vinavyotakiwa viwandani wakiwa na lengo la kuuza mabondo kwenye viwanda vya kuchakata mabondo hayo na kuharibu mazalia ya samaki. Ameongeza kuwa lazima kuwepo utaratibu maalum kujua upatikanaji wa mabondo hadi kufika kwenye viwanda kwa ajili uchaka...
Endelea kusoma