WATAALAMU WAJADILI VIGEZO VYA KUTATHMINI UWEZO WA MAABARA ZA MIFUGO TANZANIA BARA NA ZANZIBAR

Na Daudi Nyingo - Kibaha

WATAALAMU wa sekta ya mifugo kutoka Tanzania Bara na Zanzibar wamekutana kupitia zana zitakazotumika kutathmini miundombinu na uwezo wa maabara zilizochaguliwa za Wakala ya Maabara ya Veterinari Tanzania (TVLA) na Zanzibar kwa lengo la kukubaliana kuhusu vigezo vitakavyotumika na vitakavyoachwa katika tathmini kwa kuzingatia malengo ya Mradi wa Mageuzi ya Tasnia ya Maziwa na Mabadiliko ya Tabianchi (C-SDTP).

Akizungumza wakati akifungua kikao hicho kilichofanyika Novemba 9 hadi 11, 2026, katika ukumbi wa Taasisi ya Chanjo Tanzania (TVI), Kibaha mkoani Pwani, Mkurugenzi wa Huduma za Mifugo kutoka Wizara ya Mifugo na Uvuvi, Dkt. Benezeth Lutege, amesema tathmini hiyo itasaidia kubaini mapungufu na kupanga vipaumbele vya kuimarisha maabara ili zitambue magonjwa kwa haraka na kuwezesha hatua za udhibiti kuchukuliwa kwa wakati.

“Katika kufanya jambo hili tunategemea angalau mambo matatu: kutokomeza magonjwa yenye athari kwa biashara na afya ya binadamu, kuondoa vikwazo vya kufikia masoko ya kikanda na kimataifa, na kuimarisha uwezo wetu wa ndani wa kukabiliana na matukio yenye athari kwa afya na uzalishaji wa mifugo, ambayo baadaye yanaweza kuathiri afya ya binadamu,” amesema Dkt. Lutege.

“Huwezi kuyafikia haya kama huna maabara yenye uwezo wa kutambua magonjwa kwa haraka. Ukitambua kwa haraka, inakusaidia kuchukua hatua kwa haraka na kuwa na uwezo wa kudhibiti. Tunahitaji kufanya uchambuzi wa kina ili fedha zilizopo ziweze kuziba mapungufu yatakayobainika,” ameongeza.

Kwa upande wake, Mtendaji Mkuu wa Wakala ya Maabara ya Veterinari Tanzania (TVLA), Dkt. Stella Bitanyi, amesema TVLA na Maabara Kuu ya Veterinari Zanzibar zimehusishwa katika mradi huo ili kuimarisha huduma za uchunguzi na utambuzi wa magonjwa. Ameeleza kuwa tathmini inayotarajiwa kufanyika itaangalia hali ya maabara hizo, viwango vilivyopo na maeneo yanayohitaji maboresho.

Dkt. Bitanyi amesema wataalamu walioshirikishwa wanatarajia kupitia zana za kutathmini na kuandaa orodha ya vipengele vya ukaguzi itakayoongoza ukusanyaji wa taarifa. Ameongeza kuwa matokeo ya tathmini hiyo yatawawezesha kutoa mapendekezo kuhusu hatua zinazopaswa kuchukuliwa kuboresha miundombinu na uwezo wa maabara kwa kuzingatia malengo ya mradi.

Kikao hicho kimehudhuriwa na wawakilishi wa TVLA, Ofisi ya Mkurugenzi wa Huduma za Mifugo Tanzania Bara, Taasisi ya Utafiti wa Kilimo na Mifugo Zanzibar (ZALIRI), Ofisi ya Lishe ya Wizara ya Mifugo na Uvuvi, pamoja na Ofisi ya Mkurugenzi wa Mifugo Zanzibar kutoka Wizara ya Kilimo, Umwagiliaji, Maliasili na Mifugo. Makubaliano kuhusu zana na vigezo vya tathmini yataweka msingi wa kubaini mahitaji halisi na kupanga maboresho ya huduma za maabara za mifugo Tanzania Bara na Zanzibar.

Mkurugenzi wa Huduma za Mifugo kutoka Wizara ya Mifugo na Uvuvi, Dkt. Benezeth Lutege, akizungumza wakati akifungua kikao kazi cha kupitia zana na kukubaliana kuhusu vigezo vya kutathmini miundombinu na uwezo wa maabara za mifugo zilizochaguliwa Tanzania Bara na Zanzibar, Novemba 9, 2026, katika ukumbi wa Taasisi ya Chanjo Tanzania (TVI), Kibaha mkoani Pwani.

Mtendaji Mkuu wa Wakala ya Maabara ya Veterinari Tanzania (TVLA), Dkt. Stella Bitanyi, akifafanua lengo la kikao kazi cha wataalamu wa sekta ya mifugo kutoka Tanzania Bara na Zanzibar, kabla ya kumkaribisha Mkurugenzi wa Huduma za Mifugo kutoka Wizara ya Mifugo na Uvuvi, Dkt. Benezeth Lutege, kufungua rasmi Novemba 9, 2026, katika ukumbi wa Taasisi ya Chanjo Tanzania (TVI), Kibaha mkoani Pwani. Kikao hicho, kinachofanyika Novemba 9-11, 2026.

Mkurugenzi wa Idara ya Utafiti na Maendeleo ya Teknolojia wa Wakala ya Maabara ya Veterinari Tanzania (TVLA), Dkt. Jelly Chang’a, akiwasilisha mada inayotoa muhtasari wa Mradi wa Mageuzi ya Tasnia ya Maziwa na Mabadiliko ya Tabianchi (C-SDTP) pamoja na tathmini ya miundombinu na uwezo wa maabara za mifugo kwa washiriki wa mafunzo, Novemba 9, 2026, katika ukumbi wa Taasisi ya Chanjo Tanzania (TVI), Kibaha mkoani Pwani.


Mkurugenzi wa Huduma za Mifugo kutoka Wizara ya Mifugo na Uvuvi, Dkt. Benezeth Lutege, akiwa katika picha ya pamoja na Mtendaji Mkuu wa Wakala ya Maabara ya Veterinari Tanzania (TVLA), Dkt. Stella Bitanyi, pamoja na washiriki wa kikao kazi kilichofanyika Novemba 9, 2026, katika Taasisi ya Chanjo Tanzania (TVI), Kibaha mkoani Pwani.




Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma