DKT. BASHIRU AITAKA LITA KUENDELEA KUIMARISHA USHIRIKIANO NA KUFANYA MAGEUZI SEKTA YA MIFUGO

Waziri wa Mifugo na Uvuvi, Mhe. Balozi Dkt. Bashiru Ally Kakurwa ameitaka Taasisi ya Wakala wa Vyuo vya Mafunzo ya Mifugo Tanzania (LITA) kuendelea kuimarisha ushirikiano wa kisekta ili kufanya mageuzi katika sekta ya mifugo ikiwa ni pamoja na kuboresha utoaji wa huduma ya mafunzo ya Mifugo nchini.

Akizungumza leo Novemba 7, 2026, jijini Dodoma, wakati wa hafla ya Uzinduzi wa Bodi ya tano ya ushauri ya Taasisi ya LITA na utiaji saini wa makubaliano ya ushirikiano kati ya LITA na AKM Glitters, Dk. Bashiru amesema ni muhimu sana kuongeza ushirikiano na sekta binafsi katika kuhamasisha vijana na wanawake kuwekeza kwenye sekta ya mifugo, huku akibainisha kuwa ushirikiano wa taasisi hiyo na taasisi zingine kama kampuni ya AKM Glitters ni miongoni mwa hatua za kufikia azma hiyo. 

"Mhe. Rais Dkt. Samia Suluhu Hassan ameelekeza na maagizo hayo yanasimamiwa na Mhe. Waziri Mkuu kwamba wizara za kisekta zisifanye kazi kwa kutengana bali zifanye kazi kama timu moja" amesema Dkt. Bashiru 

Aidha, Dkt. Bashiru ameielekeza LITA kuwa inapaswa kushirikiana na sekta binafsi na kutumia maeneo ya uwekezaji kama vituo vya mafunzo kwa vitendo, huku wanafunzi na wakufunzi wakiongeza huduma za ushauri kupitia programu za mafunzo na ziara za uwandani. 

Vilevile, Dkt. Bashiru ameisisitiza LITA na taasisi zingine zilizopo chini ya wizara juu ya umuhimu wa kulinda maeneo yao dhidi ya uvamizi, na kuboresha miundombinu mbalimbali, kutoa mafunzo kwa wafugaji na kuongeza kasi ya kuwafikia wafugaji, hususan waishio vijijini, ambao kwa mujibu wa takwimu zilizotolewa wanaunda asilimia 62 ya kaya zinazofuga mifugo nchini.

Dkt. Bashiru amewataka wajumbe wa bodi hiyo walioteuliwa kwa kipindi kingine cha miaka mitatu kutumia uzoefu, weledi na uadilifu wao kusimamia kikamilifu utekelezaji wa majukumu ya LITA, kusimamia utoaji wa mafunzo ya muda mrefu na mfupi, huduma za ushauri kwa wafugaji, tafiti tumizi pamoja na uzalishaji wa mbegu bora za mifugo na malisho, na umuhimu wa kuweka mipango madhubuti ya uwekezaji inayoendana na Dira ya Taifa ya Maendeleo ya 2050.

Kwa upande wake, Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele amesema ni wajibu wa Bodi kuhakikisha inaweka mikakati katika kufikia azma iliyowekwa na kuhakikisha LITA inatoa mchango mkubwa katika sekta ya Mifugo pamoja na kutoa ushauri namna ya kuendesha Mafunzo ya Mifugo nchini.

Naye, Mwenyekiti wa Bodi ya tano ya ushauri ya Taasisi ya LITA ambaye pia ni Mkurugenzi Mkaazi wa Heifer International Tanzania, Bw. Mark Tsoxo, ameishukuru Wizara kwa kuaminiwa na kuweka bayana kuwa wao kama wajumbe wa Bodi wameipokea dhamana hiyo waliyopewa na wizara na kuahidi ushirikiano na kuwajibika kikamilifu hasa katika kuishauri wizara pamoja na LITA katika kufanya mageuzi katika Sekta ya Mifugo ili kukuza uchumi wa wafugaji na wananchi.

Mtendaji Mkuu wa Taasisi ya LITA, Dkt. Pius Lazaro Mwambene, amesema LITA ina mpango wa kuongeza vyuo kumi ili kuendelea kutoa mafunzo ya ufugaji kwa wananchi na vilevile inaendelea kushirikiana na sekta binafsi na za serikali katika kuhakikisha sekta ya Mifugo inakuwa zaidi na kuongeza tija katika uzalishaji.

Waziri wa Mifugo na Uvuvi, Mhe. Balozi Dkt. Bashiru Ally Kakurwa, akihutubia wadau wa Sekta za Mifugo, katika hafla ya Uzinduzi wa Bodi ya tano ya ushauri ya Taasisi ya Wakala wa Vyuo vya Mafunzo ya Mifugo Tanzania (LITA) na utiaji saini wa makubaliano ya ushirikiano kati ya LITA na AKM Glitters, uliyofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele, akizungumza na wadau wa Sekta za Mifugo, katika hafla ya Uzinduzi wa Bodi ya tano ya ushauri ya Taasisi ya Wakala wa Vyuo vya Mafunzo ya Mifugo Tanzania (LITA) na utiaji saini wa makubaliano ya ushirikiano kati ya LITA na AKM Glitters, uliyofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (kushoto), akimkabidhi nyaraka za utendaji kazi Mwenyekiti wa Bodi ya tano ya ushauri ya Taasisi ya Wakala wa Vyuo vya Mafunzo ya Mifugo Tanzania (LITA) ambaye pia ni Mkurugenzi Mkaazi wa Heifer International Tanzania, Bw. Mark Tsoxo (kulia), katika hafla ya Uzinduzi wa Bodi hiyo na utiaji saini wa makubaliano ya ushirikiano kati ya LITA na AKM Glitters, uliyofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Mtendaji Mkuu wa Taasisi ya Wakala wa Vyuo vya Mafunzo ya Mifugo Tanzania (LITA), Dkt. Pius Lazaro Mwambene (aliyekaa kulia akisaini), akisaini hati ya makubaliano ya ushirikiano na Mkurugenzi wa Kampuni AKM Glitters Co. Ltd, Bi. Elizabeth Swai (aliyekaa kushoto akisaini), katika hafla ya Uzinduzi wa Bodi ya tano ya ushauri ya Taasisi ya LITA na utiaji saini wa makubaliano ya ushirikiano kati ya LITA na AKM Glitters, uliyofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Mtendaji Mkuu wa Taasisi ya Wakala wa Vyuo vya Mafunzo ya Mifugo Tanzania (LITA), Dkt. Pius Lazaro Mwambene (kulia), na Mkurugenzi wa Kampuni AKM Glitters Co. Ltd, Bi. Elizabeth Swai (kushoto), wakionesha hati ya makubaliano ya ushirikiano mara baada ya kuisaini, katika hafla ya Uzinduzi wa Bodi ya tano ya ushauri ya Taasisi ya LITA na utiaji saini wa makubaliano ya ushirikiano kati ya LITA na AKM Glitters, uliyofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Picha ni wadau mbalimbali wa Sekta ya Mifugo wakimsikiliza Waziri wa Mifugo na Uvuvi, Mhe. Balozi Dkt. Bashiru Ally Kakurwa (aliyesimama kushoto), katika hafla ya Uzinduzi wa Bodi ya tano ya ushauri ya Taasisi ya Wakala wa Vyuo vya Mafunzo ya Mifugo Tanzania (LITA) na utiaji saini wa makubaliano ya ushirikiano kati ya LITA na AKM Glitters, kilichofanyika katika Ukumbi wa Hoteli ya Edema - Kisasa, Novemba 7, 2026, Dodoma.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (katikati), akiwa kwenye picha ya pamoja na wajumbe wa Bodi ya tano ya ushauri ya Taasisi ya Wakala wa Vyuo vya Mafunzo ya Mifugo Tanzania (LITA), katika hafla ya Uzinduzi wa Bodi hiyo na utiaji saini wa makubaliano ya ushirikiano kati ya LITA na AKM Glitters, kilichofanyika katika Ukumbi wa Hoteli ya Edema - Kisasa, Novemba 7, 2026, Dodoma.


Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma