WAZIRI DKT. BASHIRU AZINDUA BENKI YA USHIRIKA TAWI LA KAGERA

Waziri wa Mifugo na Uvuvi, Mhe. Dkt. Bashiru Ally Kakurwa, amezindua Benki ya Ushirika (COOP BANK) tawi la Mkoa wa Kagera  na kufanya benki hiyo kufikisha matawi saba nchi nzima tangu kuanzishwa kwake, matawi mengine ni pamoja na Mtwara, Tandahimba, Dodoma, Dar es Salaam, Moshi na Tabora.

Uzinduzi wa benki hiyo umefanyika leo Agosti 18, 2026, katika Manispaa ya Bukoba, lilikiwa ni tawi la kwanza kufunguliwa kwa Kanda ya Ziwa na kubainisha kuwa uchumi wa sasa unahitaji jitihada za pamoja kupitia ushirika  kwa kwamba benki hiyo itaufufua ushirika kupitia sekta za kilimo, mifugo na uvuvi.

Katika hatua nyingine ametoa rai kwa vyama vya ushirika kujikita zaidi katika sekta za uzalishaji hususan kuongeza thamani ya bidhaa na mazao ya kilimo, mifugo, uvuvi, maliasili, madini ili kuwa na tija ya kujikwamua kiuchumi, pamoja na kuondokan na umaskini huku akiwataka vijana na wanawake kuanzisha na kujiunga  na vyama vya ushirika katika sekta za mifugo na uvuvi.

"Katika dunia ya sasa ili mpige hatua ni lazima mshirikiane, kwa hiyo Coop Bank msaidie kuufufua ushirika ikiwemo katika mkoa huu wa Kagera ambao uchumi wake unategemea zaidi vyama vya ushirika, lakini pia nitoe rai kwa vijana na wanawake kujiunga na ushirika ili waweze kukopesheka na kupata mitaji. "

Vilevile, katika hotuba yake Mhe. Balozi Dkt. Bashiru ametoa rai  kwa Benki ya Ushirika (Coop Bank) kubuni miradi yenye tija na mikopo nafuu yenye masharti yanayoendana na uwezo wa wafugaji, wavuvi, wakulima na wadau wengine katika mnyororo wa thamani.

Kwa upande Mkuu wa mkoa wa Kagera Mhe. Kanali Yahya Ramadhani Kiddo, amesema mkoa huo una mazingira mzuri kwa ajili ya uwekezaji  na biashara na matarajio yao benki hiyo itawafikia wadau wengi zaidi katika sekta kilimo, mifugo na uvuvi.

Awali Mkurugenzi Mtendaji wa Benki ya Ushirika Bw. Godfrey Ng'urah amesema kuwa katika kipindi cha robo ya mwaka 2026, benki hiyo imetoa zaidi ya shilingi bilioni 76 ikiwa ni sawa asilimi 60 kwa vyama vya ushirika kuongeza thamani, kupata zana za kilimo, pembejeo na masoko ya mazao baada ya mavuno ambapo kati ya fedha hizo shilingi bilioni 6 zilitolewa kwa sekta za mifugo na uvuvi, ambapo shilingi bilioni 5 zilitolewa kwa ajili ya ufugaji wa samaki kwa vizimba na zaidi ya bilioni 2 kuongeza thamani ya maziwa na chakula huku lengo la benki hiyo ni kuwafikia watu milioni 10 na kuwahudumia kwa njia ya digitali ifikapo 2030.

Naye, Mwenyekiti wa Juhudi Amcos, Donald Emmanuel, amesema chama hicho kimenufaika na mikopo ya benki hiyo, ikiwemo shilingi bilioni 1.5 mwaka 2025 kwa ajili ya ukusanyaji wa kahawa na shilingi bilioni 5 mwaka 2026, ambapo asilimia 75 tayari imelipwa kwa wakulima.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (wa sita kutoka kulia) akikata utepe wakati wa kuzindua Benki ya Ushirika (COOP BANK) Tawi la Mkoa wa Kagera, hafla iliyofanyika Manispaa ya Bukoba, leo Agosti 18, 2026.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akizungumzia umuhimu wa ushirika kiuchumi wakati wa uzinduzi wa Benki ya Ushirika Tawi la Mkoa wa Kagera leo Agosti 18, 2026.

Mkuu wa Mkoa wa Kagera, Mhe. Kanali Yahaya Ramadhan Kido akieleza jinsi Mkoa huo ulivyotayari kwa uwekezaji na biashara wakati wa uzinduzi wa Benki ya Ushirika Tawi la Mkoa wa Kagera leo Agosti 18, 2026.

Mkurugenzi Mtendaji wa Benki ya Ushirika Bw. Godfrey Ng'urah akizungumzia juu ya hatua zinazofanywa na benki hiyo kuwa wezesha wakulima, wafugaji, wavuvi na wajasiariamali kupitia ushirika, wakati wa uzinduzi wa tawi la benki hiyo Manispaa ya Bukoba mkoani Kagera Agosti 18, 2026.

Baadhi ya Wananchi na wanachama wa vyama vya ushirika wakiwemo wanachama wa Benki ya Ushirika (COOP BANK) wakifuatilia hafla ya uzinduzi wa benki hiyo iliyofanyika Manispaa ya Bukoba mkoani Kagera Agosti 18, 2026.

Balozi wa Benki ya Ushirika Bw. Emanuel Mgaya maarufu kwa jina la ' Masanja Mkandamizaji akifurahia na Waziri wa Mifugo na Uvuvi, Mhe. Balozi Dkt. Bashiru Ally Kakurwa baada kupata zawadi (kuokota) kutoka kwa waziri wakati wa uzinduzi wa Benki ya Ushirika leo Agosti 18, 2026 Mkoani Kagera.



Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma