BANDARI ALIYOAHIDI MHE. DKT. SAMIA SASA IPO TAYARI – MHE. TELACK

Na Kilwa, Lindi

Mkuu wa Mkoa wa Lindi, Mhe. Zainab Telack, amesema Bandari ya Uvuvi ya Kilwa Masoko, ambayo iliahidiwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, ipo tayari kuanza kutoa huduma baada ya kufikia hatua za mwisho za ukamilishaji wake.

Akizungumza leo Juni 25, 2026, wilayani Kilwa mkoani Lindi wakati wa zoezi la kihistoria la majaribio ya mitambo na miundombinu mbalimbali ya bandari hiyo, Mhe. Telack amesema kiwango cha ukamilishaji wa mradi huo kimefikia asilimia 99.99, huku hatua iliyobaki ikiwa ni kuwasha na kuthibitisha utendaji wa mitambo mbalimbali.

Amesema miongoni mwa majaribio yaliyofanyika leo ni pamoja na kuwasha mitambo  ya kuzalisha barafu, ambayo inauwezo wa kuzalisha barafu tani 100 kwa siku mitambo hiyo inauwezo wa kugandisha barafu kwa nyuzi joto 3 sentigredi.

“Hii ni ishara kuwa Bandari yetu sasa iko tayari kuanza kazi, Mheshimiwa Dkt. Samia Suluhu Hassan ameandika historia kwa kujenga Bandari ya kwanza ya kisasa ya uvuvi nchini, ambayo itafungua fursa nyingi za kiuchumi kwa wananchi na wadau wa sekta ya uvuvi,” amesema Mhe. Telack.

Ameeleza kuwa lengo la ziara hiyo lilikuwa kujionea kwa vitendo utendaji na ubora wa mitambo pamoja na miundombinu iliyojengwa katika bandari hiyo, mitambo iliyofanyiwa majaribio ni pamoja na mitambo ya kuzalisha barafu, mitungi ya kuhifadhia mafuta na vifaa vingine muhimu vitakavyotumika katika shughuli za bandari.

Mhe. Telack amesema ameridhishwa na ubora wa kazi iliyofanyika pamoja na ufanisi wa mitambo iliyowekwa, huku akimpongeza Rais Dkt. Samia Suluhu Hassan kwa maono yake ya kuidhinisha zaidi ya shilingi bilioni 280 kwa ajili ya ujenzi wa mradi huo mkubwa wa kimkakati.

Aidha, ameipongeza Wizara ya Mifugo na Uvuvi chini ya uongozi wa Waziri wa Mifugo na Uvuvi, Mhe. Balozi Dkt. Bashiru Ally Kakurwa, kwa usimamizi madhubuti wa utekelezaji wa mradi huo hadi kufikia hatua ya mwisho ya ukamilishaji wake.

Mhe. Telack pia amewahimiza wavuvi na wadau wote wa sekta ya uvuvi kuanza kujipanga kutumia fursa zitakazotokana na uwepo wa bandari hiyo ya kisasa, akieleza kuwa mradi huo utarahisisha shughuli za uvuvi, uhifadhi na biashara ya mazao ya uvuvi katika soko la ndani na nje ya nchi.

Kwa upande wake, Katibu Mkuu wa Wizara ya Mifugo na Uvuvi, Bi. Agnes Kisaka Meena, amesema Bandari ya Uvuvi ya Kilwa Masoko ni miongoni mwa miradi muhimu inayolenga kuongeza uzalishaji, uchakataji na thamani ya mazao ya uvuvi nchini.

Amefafanua kuwa lengo kuu la ujenzi wa bandari hiyo ni kuimarisha mnyororo wa thamani wa mazao ya uvuvi kwa kuwezesha uhifadhi bora, uchakataji wa kisasa na upatikanaji wa masoko yenye tija zaidi.

Naye Mkurugenzi wa Uendelezaji wa Miundombinu kutoka Wizara ya Mifugo na Uvuvi, Mhandisi George Kwandu, amesema matokeo ya majaribio yanaonesha kuwa mitambo yote inafanya kazi kwa ufanisi mkubwa na kukidhi viwango vilivyokusudiwa.

Amesema mradi huo unatarajiwa kukamilika baada ya Majaribio ya Mitambo na Miundombinu mbalimbali ya Bandari hiyo, kabla ya kuanza kutoa huduma kwa wananchi na wadau wa sekta ya uvuvi.

Mkuu wa Mkoa wa Lindi, Mhe. Zainab Telack (wa pili kulia), akikagua ubora wa Barafu na Mtambo wa kuzalisha Barafu kwenye chumba cha kuzalisha barafu, wakati wa zoezi la kihistoria la majaribio ya Mitambo na Miundombinu mbalimbali katika Bandari ya Uvuvi ya Kilwa Masoko, Juni 25, 2026 Kilwa - Lindi, wa kwanza kushoto ni Naibu Katibu Mkuu wa Wizara ya Mifugo na Uvuvi (Uvuvi), Prof. Mohamed Sheikh.

Mkuu wa Mkoa wa Lindi, Mhe. Zainab Telack (wa nne kulia), akikagua ubora wa Mtambo wa kusafisha na kuchakata bidhaa za Uvuvi, wakati wa zoezi la kihistoria la majaribio ya Mitambo na Miundombinu mbalimbali katika Bandari ya Uvuvi ya Kilwa Masoko, Juni 25, 2026 Kilwa - Lindi.

Mkuu wa Mkoa wa Lindi, Mhe. Zainab Telack (aliyeshikilia kitufe cha Mtambo wa Umeme), akikagua ubora wa Miundombinu hiyo, wakati wa zoezi la kihistoria la majaribio ya Mitambo na Miundombinu mbalimbali katika Bandari ya Uvuvi ya Kilwa Masoko, Juni 25, 2026 Kilwa - Lindi, wa kwanza kulia ni Katibu Mkuu wa Wizara ya Mifugo na Uvuvi, Bi. Agnes Kisaka Meena.

Wadau mbalimbali wa Sekta ya Uvuvi pamoja na Viongozi wa Serikali, wakishuhudia jinsi miundombinu ya kamera za Ulinzi na Mawasiliano (CCTV Camera) zinavyofanya kazi, wakati wa zoezi la kihistoria la majaribio ya Mitambo na Miundombinu mbalimbali katika Bandari ya Uvuvi ya Kilwa Masoko, Juni 25, 2026 Kilwa - Lindi.














Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma