WATAALAM WA MIFUGO WANA FURSA KUBWA KUINUA SEKTA KUPITIA C-SDTP

Na Chiku Makwai; Mbeya

Naibu Katibu Mkuu wa Wizara ya Mifugo na Uvuvi (Mifugo), Dkt. Fabian Madele, amesema wataalam wanaopatiwa mafunzo kupitia Mradi wa Mageuzi ya Sekta ya Maziwa na Mabadiliko ya Tabianchi (C-SDTP) wana nafasi kubwa ya kuchochea mageuzi na kuinua sekta ya mifugo nchini.

Dkt. Madele ameyasema hayo leo Oktoba 5, 2026, katika Chuo cha Mafunzo ya Mifugo Uyole, mkoani Mbeya, wakati akizindua Mafunzo ya Wawezeshaji wa Mashamba Darasa ya Ng’ombe wa Maziwa yanayotekelezwa kupitia mradi wa C-SDTP, amesisitiza  kuwa wataalam wanapaswa kuhakikisha maarifa na teknolojia wanazozitoa zinaendana na mazingira uwezo wa mfugaji pamoja na rasilimali zinazopatikana katika eneo husika.

“Kutibu mifugo siyo sifa nzuri pekee kwa mtaalam; sifa kubwa ni kuzuia magonjwa ya mifugo ili kuhakikisha tunapata maziwa bora na salama yenye viwango vinavyokubalika katika masoko ya ndani na nje ya nchi,” amesema Dkt. Madele.

Ameongeza kuwa mafunzo hayo yanalenga kuwajengea wataalam uwezo wa kubaini aina na mifugo inayofaa kulingana na mazingira ya mfugaji, pamoja na kuimarisha matumizi ya lishe bora ili kuongeza uzalishaji na tija katika sekta ya maziwa.

Kwa upande wake, Mtendaji Mkuu wa Wakala wa Vyuo vya Mafunzo ya Mifugo (LITA), Dkt. Pius Mwambene, amesema LITA imepewa jukumu la kuendesha mafunzo kwa wafugaji wadogo wa ng’ombe wa maziwa kupitia mfumo wa Shamba Darasa, unaowezesha wafugaji kujifunza kwa vitendo kwa kushirikiana katika vikundi.

Amesema mfumo huo unawapa wafugaji fursa ya kutambua changamoto zinazowakabili, kuchagua suluhisho, kufanya majaribio na kutathmini matokeo kwa lengo la kuboresha uzalishaji na kuongeza kipato.

Naye Mtaalam wa Mabadiliko ya Tabianchi na Mazingira wa C-SDTP, akizungumza kwa niaba ya Mratibu wa Mradi, Ndg. Joseph Kihaule, ameipongeza LITA kwa kasi nzuri ya utekelezaji wa mafunzo hayo na kusisitiza umuhimu wa kuweka utaratibu madhubuti wa kuwafuatilia wataalam baada ya kumaliza mafunzo, ili kuhakikisha maarifa wanayopata yanawafikia wafugaji na kuleta matokeo yaliyokusudiwa.


Mtendaji Mkuu wa Wakala wa Vyuo vya Mafunzo ya Mifugo Lita Dkt. Pius Mwambane akizungumza jambo wakati wa uzinduzi wa mafunzo ya wawezeshaji wa shamba darasa ya Ng’ombe wa maziwa kupitia C-SDTP uliofanyika Oktoba 5, 2026 Mati Uyole mkoani Mbeya.

Mtaalam wa Mabadiliko ya Tabianchi na Mazingira wa C-SDTP, akizungumza kwa niaba ya Mratibu wa Mradi, Ndg. Joseph Kihaule akichangia jambo wakati wa uzinduzi wa mafunzo ya wawezeshaji wa shamba darasa ya Ng’ombe wa maziwa kupitia C-SDTP uliofanyika Oktoba 5, 2026 Mati Uyole mkoani Mbeya.




Mkurugenzi Idara ya Utafiti, Mafunzo na Ugani (DRTE), Bw. Samwel Mdachi akizungumza jambo wakati wa uzinduzi wa mafunzo ya wawezeshaji wa shamba darasa ya Ng’ombe wa maziwa kupitia C-SDTP uliofanyika Oktoba 5, 2026 Mati Uyole mkoani Mbeya.

Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma