TVLA YATOA ELIMU YA AFYA YA MIFUGO KATIKA MAONESHO YA BIASHARA NA UWEKEZAJI MUFINDI

Na. Daudi Nyingo

WAKALA ya Maabara ya Veterinari Tanzania (TVLA) imetoa elimu kuhusu huduma mbalimbali zinazotolewa na Wakala, ikiwemo uchunguzi na utambuzi wa magonjwa ya mifugo, matumizi sahihi ya chanjo na uhakiki wa ubora wa vyakula vya mifugo, kwa wananchi na wadau wanaotembelea Maonesho ya Biashara na Uwekezaji ya Wilaya ya Mufindi yanayofanyika katika viwanja vya Shule ya Msingi Wambi, Mafinga Mjini, mkoani Iringa.

TVLA inashiriki katika maonesho hayo ya siku nane, yanayofanyika kuanzia Oktoba 16 hadi 23, 2026, kupitia Kituo chake cha Kanda ya Nyanda za Juu Kusini kilichopo Iringa, kinachohudumia mikoa ya Iringa, Njombe na Mbeya, ambapo imeweka banda maalumu na kupeleka wataalamu kwa ajili ya kutoa elimu kuhusu bidhaa na huduma zinazotolewa na Wakala.

Ushiriki wa TVLA katika maonesho hayo unaongozwa na Meneja wa Kanda ya Nyanda za Juu Kusini, Dkt. Geofrey Mbata, ikiwa ni sehemu ya jitihada za Wakala za kusogeza huduma zake karibu na wananchi, kuongeza uelewa kuhusu afya ya mifugo na kuimarisha ushirikiano na wadau wa sekta ya mifugo.

Katika banda hilo, wataalamu wa TVLA wanatoa elimu kuhusu umuhimu wa matumizi sahihi ya chanjo za mifugo katika kuzuia magonjwa, ikiwemo kuzingatia ratiba za uchanjaji, matumizi ya chanjo kulingana na aina ya mifugo na magonjwa yanayokingwa, pamoja na uhifadhi sahihi wa chanjo ili kudumisha ubora na ufanisi wake.

Aidha, wataalamu hao wanatoa elimu kuhusu umuhimu wa uchunguzi wa magonjwa ya mifugo katika maabara kwa ajili ya kupata utambuzi sahihi, uhakiki wa ubora wa vyakula vya mifugo, udhibiti wa ubora wa viuatilifu pamoja na huduma nyingine za kitaalamu zinazotolewa na TVLA kwa lengo la kuboresha afya ya mifugo na kuongeza tija katika uzalishaji.

Kupitia maonesho hayo, TVLA inaendelea kutumia fursa ya kukutana na wafugaji, wafanyabiashara na wadau mbalimbali ili kutangaza bidhaa na huduma zake, kuongeza uelewa wa wananchi na kupanua wigo wa masoko ya huduma zake katika maeneo mbalimbali nchini.

Maonesho hayo ya Biashara na Uwekezaji ya Wilaya ya Mufindi yamewakutanisha wadau kutoka sekta mbalimbali kwa lengo la kutangaza fursa za biashara na uwekezaji, kuimarisha ushirikiano na kuchochea maendeleo ya kiuchumi.



Naibu Waziri wa Nchi, Ofisi ya Rais, Mipango na Uwekezaji, Mhe. Dkt. Pius Stephen Chaya (kulia), akipata maelezo kuhusu bidhaa na huduma zinazotolewa na Wakala ya Maabara ya Veterinari Tanzania (TVLA) kutoka kwa Meneja wa TVLA Kanda ya Nyanda za Juu Kusini, Dkt. Geofrey Mbata (kushoto), alipotembelea banda la Wakala wakati wa ufunguzi wa Maonesho ya Biashara na Uwekezaji ya Wilaya ya Mufindi, Oktoba 16, 2026, katika viwanja vya Shule ya Msingi Wambi, Mafinga Mjini, mkoani Iringa. Maonesho hayo yanafanyika kuanzia Oktoba 16 hadi 23, 2026.

Meneja wa Wakala ya Maabara ya Veterinari Tanzania (TVLA) Kanda ya Nyanda za Juu Kusini, Dkt. Geofrey Mbata (kulia), akitoa elimu kwa wadau wa mifugo kuhusu huduma za uchunguzi na utambuzi wa magonjwa, matumizi sahihi ya chanjo na umuhimu wa kulinda afya ya mifugo, katika banda la TVLA kwenye Maonesho ya Biashara na Uwekezaji ya Wilaya ya Mufindi yanayofanyika  kuanzia Oktoba 16 hadi 23, 2026, katika viwanja vya Shule ya Msingi Wambi, Mafinga Mjini, mkoani Iringa.

Mtaalamu wa Maabara wa Wakala ya Maabara ya Veterinari Tanzania (TVLA), Bi. Shaharazade Haule (kushoto), akitoa elimu kwa wadau wa mifugo kuhusu huduma zinazotolewa na Wakala, ikiwemo uchunguzi wa magonjwa ya mifugo na umuhimu wa matumizi sahihi ya chanjo, katika banda la TVLA kwenye Maonesho ya Biashara na Uwekezaji ya Wilaya ya Mufindi yanayofanyika kuanzia Oktoba 16 hadi 23, 2026, katika viwanja vya Shule ya Msingi Wambi, Mafinga Mjini, mkoani Iringa.

Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma