SIKU YA CHAKULA DUNIANI: MAPINDUZI USALAMA WA CHAKULA, LISHE BORA

◼️Bodi ya Maziwa vinara wa jumla Taasisi za Serikali

Siku 7 za Maadhimisho ya Wiki ya Chakula duniani yaliyokuwa yakifanyika kwenye Viwanja vya Shule ya Sekondari Usagara mkoani Tanga zimehitimishwa rasmi leo Oktoba 16,2026 huku simulizi isiyofutika vichwani mwa wengi ikiwa ni mtindo wa hamasa ya vyakula vya protini itokanayo na wanyama na samaki iliyofanywa na 

Wizara ya Mifugo na Uvuvi kupitia Taasisi zake.

Katika hotuba yake ya kuhitimisha Maadhimisho hayo iliyosomwa kwa niaba yake na Mkuu wa Mkoa wa Tanga Mhe. Batilda Buriani, Waziri wa Mifugo na Uvuvi Mhe. Balozi Dkt. Bashiru Ally Kakurwa amewaasa wakulima, wafugaji na wavuvi kuendelea kuzalisha mazao yanayopewa kipaunbele upande wa lishe na kuzingatia ushauri na maelekezo ya wataalam ili kuwa na uzalishaji endelevu na kuepuka upotevu wa mazao.

“Lengo la Maadhimisho haya mbali na kuboresha afya ya jamii ni kujenga uelewa kuhusu uzalishaji na matumizi ya makundi mbalimbali ya vyakula, matumizi ya pembejeo na mbinu bora za shughuli za ugani”  Amesema Mhe. Balozi Dkt. Bashiru.

Kwa upande wa Mwakilishi Mkazi wa Shirika la Chakula na kilimo la Umoja wa Mataifa nchini (FAO) Bi. Tipo Nyabenyi mbali na kuipongeza Serikali kwa kuwasaidia wakulima, wafugaji na wavuvi mazingira wezeshi  amebainisha kuwa siku ya Chakula Duniani sio tu inakumbusha jamii juu ya matumizi ya mlo uliokamilika bali inahamsisha ubunifu unaojumuisha teknolojia za kisasa za uzalishaji na ujuzi wa ndani unaokubalika na jamii yote na usiomuacha yoyote nyuma.

Katika Maadhimisho hayo, Wizara ya Mifugo na Uvuvi kupitia Mamlaka ya Uvuvi wa Bahari Kuu (DSFA) ilitoa kiasi cha kilo 130 za samaki aina ya Jodari na kilo 120 za nyama ambazo ziliandaliwa na kupikwa katika mitindo tofauti na kugawiwa kwa wananchi wote waliohudhuria kwenye viwanja vya Usagara huku Bodi ya Maziwa ikiandaa jumla ya pakiti 2400 za maziwa na kuzigawa kwa wananchi na shule 8 za Msingi zilizopo mkoani humo.






Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma