SERIKALI: WAKULIMA NA WAFUGAJI WAMECHANGIA UHIMILIVU WA UCHUMI, USALAMA WA CHAKULA

Serikali imeeleza kuwa Wakulima na Wafugaji wamechangia kuleta  uhimilivu wa uchumi na usalama wa chakula kutokana na uzalishaji wa mazao ya kilimo na mifugo yanayotosheleza mahitaji ya nchi hatua ambayo imetajwa kulifanya taifa kuwa na utulivu wakati huu ambao kuna vita kubwa za kiuchumi duniani.

Kauli hiyo ya Serikali imetolewa na Waziri wa Mifugo na Uvuvi, Mhe. Balozi Dkt. Bashiru Ally Kakurwa  wakati wa kufungua Kongamano la Kitaifa la Wakulima Wadogo na Mkutano Mkuu wa 31 wa Mtandao wa Vikundi vya Wakulima  (MVIWATA) itakayofanyika kwa siku tatu kuanzia Leo 29 Septemba hadi Oktoba Mosi , 2026 Mkoani Morogoro.

Balozi Dkt. Bashiru amesema nchi inajivunia kuwa na wakulima na wafugaji wanaozalisha chakula cha kutosha ambao wamekuwa nguzo muhimu katika kuimarisha usalama wa chakula na kueleza umuhimu wa kujadili changamoto zinazowakabili wakulima wadogo, ikiwemo uhakika wa ardhi, kilimo ikolojia na masoko ya mazao, katika jitihada za kuelekea uhuru wa chakula. 

Aidha, ametumia jukwaa hilo kutoa onyo kwa wakulima na wafugaji kuacha kujichukulia sheria mkononi na kusababisha uhasama unaoweleta madhara baina yao ikiwemo kujeruhiana na vifo huku akiitaka MVIWATA kutafuta taarifa sahihi kuhusu tahadhari na namna ya kukabiliana na Mvua za El Nino, hatua itakayopunguza upotoshaji unaowapa hofu wakulima na wafugaji.

Katika hatua nyingine, ameupongeza MVIWATA kwa kutimiza miaka 33 tangu kuanzishwa kwake mwaka 1993 na kuendelea kufanya mikutano yake mikuu kila mwaka tangu kusajiliwa rasmi mwaka 1995.

Baadhi ya Wananchi ambao ni Wanamchama wa MVIWATA wametoa kero zao zinazohitaji utatuzi wa haraka, ambapo Mhe. Balozi Dkt. Bashiru ameahidi kuipeleka serikalini kwa ajili ya kufanyiwa kazi.

Mwenyekiti anayemaliza Muda wake wa Mtandao wa Vikundi vya Wakulima Tanzania (MVIWATA) Bw. Apollo Chamwela ameomba serikali kwa kushirikiana na wadau kuangalia namna ya kuwakopesha ng'ombe wa maziwa wakulima wadogo ili waweze kuongeza tija katika uzalishaji wa mazao na usalama wa chakula kwa ujumla.

Akijibu Ombi la Mwenyekiti wa MVIWATA anayemaliza muda wake, Waziri wa Mifugo na Uvuvi, Mhe. Balozi Dkt. Bashiru Ally Kakurwa amesema serikali kwa kushirikiana na  Benki, Viwanda vya maziwa zinazotekeleza mradi wa Kopa Ng'ombe Lipa Maziwa ili kukaa na kujadili namna ya kupanua wigo wa  ukopeshaji wa ng'ombe wa maziwa ili kuongeza uzalishaji katika mazao kupitia mbolea itakayozalishwa na Ng'ombe.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akizungumza Wakati akifungua Kongamano la Kitaifa la Wakulima Wadogo na Mkutano Mkuu wa 31 wa Unaofanyika kuanzia Tarehe 29 hadi Oktoba Mosi, 2026, Mkoani Morogoro.

Wakulima wakiwa kwenye shangwe baada ya Waziri wa Mifugo na Uvuvi, Mhe. Balozi Dkt. Bashiru Ally Kakurwa kuwasili katika ukumbi wakati wa kufungua Kongamano la Kitaifa la Wakulima Wadogo na Mkutano Mkuu wa 31 wa linalofanyika kuanzia Tarehe 29 hadi Oktoba Mosi, 2026, Mkoani Morogoro.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akionesha Zawadi ya Fulana aliyopewa na Wanachama wa MVIWATA baada ya kufungua Kongamano la Kitaifa la Wakulima Wadogo na Mkutano Mkuu wa 31 wa linaofanyika kuanzia Tarehe 29 hadi Oktoba Mosi, 2026, Mkoani Morogoro.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akipokea zawadi kutoka kwa Mwenyekiti wa MVIWATA Taifa Bw. Apollo Chewela kwa niaba ya wananchama Wakati Ufunguzi wa Kongamano la Kitaifa la Wakulima Wadogo na Mkutano Mkuu wa 31 wa Unaofanyika kuanzia Tarehe 29 hadi Oktoba Mosi, 2026, Mkoani Morogoro

Wanachama wa Mtandao wa Vikundi vya Wakulima Tanzania (MVIWATA) wakiwa katika picha ya pamoja na Waziri wa Mifugo na Uvuvi, Mhe. Balozi Dkt. Bashiru Ally Kakurwa baada ya Waziri, kufungua Kongamano la Kitaifa la Wakulima Wadogo na Mkutano Mkuu wa 31 wa Unaofanyika kuanzia Tarehe 29 hadi Oktoba Mosi, 2026, Mkoani Morogoro.

Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma