BILIONI 23 ZA MIKOPO ZAFUNGUA FURSA KWA VIJANA - MHE. KAMANI

Wizara ya Mifugo na Uvuvi imepokea Shilingi bilioni 23 kwa ajili ya kuwawezesha vijana kujiajiri kupitia mikopo isiyo na riba katika shughuli za mifugo na uvuvi, na katika awamu ya kwanza, vijana 917 wamenufaika na mikopo hiyo, huku zaidi ya asilimia 52, sawa na vijana zaidi ya 450, wakielekezwa kwenye ufugaji wa kuku, Mpango ambao umelenga kuwaondolea vijana changamoto ya mitaji na kuongeza ushiriki wao katika uzalishaji, usindikaji na biashara za mazao ya mifugo na uvuvi.

Akizungumza katika ufunguzi wa Maonesho ya kumi ya Kitaifa ya ndege wafugwao kwa mwaka 2026 yaliyofanyika leo Oktoba 16, 2026 jijini Dar es Salaam, Naibu Waziri wa Mifugo na Uvuvi, Ng’wasi Damas Kamani, amesema Mpango huo unafungua fursa kwa vijana, na mikopo hiyo ambayo imetolewa na Rais wa Jamhuri ya Muungano wa Tanzania, Mheshimiwa Dkt. Samia Suluhu Hassan inalenga vijana wenye umri wa miaka 18 hadi 35 na hutolewa kwa kipindi cha miaka mitano, na uwezeshaji katika ufugaji wa kuku unahusisha ujenzi wa mabanda, ununuzi wa vifaranga, chakula na dawa, pamoja na kuwaunganisha wafugaji na masoko, na amewataka vijana kufuatilia matangazo ya Wizara ili kunufaika na fursa hizo.

“Utekelezaji wa Mkakati wa Kitaifa wa Maendeleo ya Tasnia ya Kuku wa mwaka 2026–2036 unahitaji uwekezaji wa Shilingi trilioni 3.53 kwa miaka 10, ambapo sekta binafsi inatarajiwa kuchangia asilimia 60, wadau wa maendeleo asilimia 25 na serikali asilimia 15, na Mkakati huo unalenga kuongeza mchango wa sekta ya kuku katika pato la taifa kutoka asilimia 1.8 hadi asilimia 3, kuongeza uzalishaji wa mayai kutoka bilioni 7.1 hadi bilioni 17.3 kwa mwaka na nyama ya kuku kutoka tani 156,000 hadi tani 380,000, na serikali pia imeweka Shilingi bilioni 300 katika benki kwa ajili ya mikopo yenye riba nafuu kwa wakulima na wafugaji”. amesema Mhe. Kamani

Kwa upande wake, Naibu Katibu Mkuu wa Wizara ya Mifugo na Uvuvi (Mifugo), Dkt. Fabian Magawa Madele, amesema mafanikio ya maonesho hayo yanapaswa kuonekana kupitia biashara, uwekezaji na ushirikiano wenye matokeo yanayopimika, na maonesho ya mwaka huu yamevutia waoneshaji 72 kutoka ndani na nje ya nchi, yakitoa fursa ya kubadilishana teknolojia na uzoefu, na pia amehimiza taasisi za fedha kuongeza ushiriki katika kutoa mitaji na wakulima kuongeza uzalishaji wa soya na mahindi yanayotumika kutengeneza chakula cha kuku.

Naye, Mwakilishi wa Chama cha Wafugaji Kuku cha Tanzania (PAT), Bw. Sufian Zuberi Kyarua, amesema wafugaji bado wanakabiliwa na gharama kubwa za chakula na ugumu wa kupata mikopo yenye riba nafuu, na ameomba serikali kuimarisha utafiti wa kupunguza gharama za uzalishaji, kupanua mikopo kwa wadau wote na kuongeza bajeti pamoja na wataalamu wa sekta hiyo, na amependekeza mayai kuingizwa katika programu za chakula shuleni ili kila mwanafunzi apatiwe angalau mayai matatu kwa wiki, akisisitiza umuhimu wake katika kuboresha lishe ya watoto.

Naibu Waziri wa Mifugo na Uvuvi, Mhe. Ng'wasi Damas Kamani (katikati), wakishika tuzo na Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele (kushoto), mara baada ya kupokea tuzo hiyo kutoka kwa Mkurugenzi wa Kampuni ya Amsterdam Group ambaye pia ni Mwandaaji wa Tuzo ya Vinara wa Ufugaji Kuku Tanzania 2026, Bw. Joseph Joachim (kulia), kwa ajili ya kuwakabidhi vijana kama ishara ya kutambua mchango wao katika kuendeleza tasnia ya ndege wafugwao, wakati wa ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.

Naibu Waziri wa Mifugo na Uvuvi, Mhe. Ng'wasi Damas Kamani, akihutubia wadau wa Sekta ya Mifugo, wakati wa ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele, akizungumza na wadau wa Sekta ya Mifugo, wakati wa ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.

Naibu Waziri wa Mifugo na Uvuvi, Mhe. Ng'wasi Damas Kamani (wa kwanza kulia), akimkabidhi tuzo kijana mzalishaji wa kuku na mazao yake, kama ishara ya kutambua mchango wa vijana katika kuendeleza tasnia ya ndege wafugwao, wakati wa ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.

Picha ni wadau wa tasnia ya ndege wafugwao wakimsikiliza Naibu Waziri wa Mifugo na Uvuvi, Mhe. Ng'wasi Damas Kamani (hayupo pichani), wakati wa ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.

Naibu Waziri wa Mifugo na Uvuvi, Mhe. Ng'wasi Damas Kamani (katikati), akiwa kwenye picha ya pamoja na baadhi ya wadau wa tasnia ya ndege wafugwao, baada ya ufunguzi wa Maonesho ya Kitaifa ya ndege wafugwao kwa mwaka 2026, ufunguzi uliofanyika katika Ukumbi wa Ubungo Plaza, Oktoba 16, 2026 Dar es Salaam.










Maoni

Chapisha Maoni

Machapisho maarufu kutoka blogu hii

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

SHAMBA LA KITULO KUWA KITOVU CHA NG’OMBE BORA WA MAZIWA NCHINI

Picha
Waziri wa Mifugo na Uvuvi Mhe. Balozi Dkt. Bashiru Ally Kakurwa (Mb) amesema kwa sasa mahitaji ya maziwa  nchini yameongezeka, hivyo kuna haja ya serikali kuongeza Mitamba ya Ng’ombe wa Maziwa ili kuongeza uzalishaji utakaokidhi Soko la Maziwa. Katika ziara yake Kwenye Shamba la Kuzalisha Mifugo la Kitulo Mkoani Njombe Leo Mei 02, 2026 Mhe. Dkt. Bashiru amesema kwa sasa wafugaji wamepata mwamko wa kufuga kisasa lakini uhitaji wa mbegu bora za ng’ombe wa maziwa bado ni mkubwa ukilinganisha na uzalishaji. “Wananchi wamehamasika kufuga kisasa, sio wote lakini idadi iliyopo inaridhisha, eneo la ufugaji wa ngombe wa maziwa linavutia kwa sababu mahitaji ya maziwa hapa nchini ni makubwa kuliko uzalishaji wetu, lakini ili kuongeza uzalishaji wa maziwa hapa ndio tunaweza kupata suluhu kwenye eneo la mbegu bora hapa nchini, watu wanaenda Zambia, Kenya, Africa Kusini watu wanahangaika kupata mbegu bora” alisema Mhe. Balozi Dkt. Bashiru. Aidha, aliongeza kwa kumuagiza Mkurugenzi wa Uzalishaji ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma