PROF. SHEIKH ASISITIZA NIDHAMU,KUJITUMA SHIMIWI 2026

Naibu Katibu Mkuu wa Wizara ya Mifugo na Uvuvi Prof. Mohammed Sheikh amewataka watumishi watakaoiwakilisha Wizara hiyo kwenye michuano ya SHIMIWI mwaka huu kuhakikisha wanadumisha nidhamu na wanajituma kwenye michezo yote watakayoshiriki kwenye michuano hiyo.

Prof. Sheikh amesema hayo wakati wa hafla fupi ya kuwaaga wachezaji hao iliyofanyika leo Septemba 18,2026 kwenye ofisi za Wizara hiyo zilizopo Mtumba jijini Dodoma ambapo amewataka wachezaji hao kuhakikisha wanarejea na vikombe vingi zaidi ya walivyotwaa mwaka jana mkoani mwanza.

“Najua mnalipwa posho lakini juhudi zenu za kujitoa ndio kubwa zaidi kuliko posho mlizolipwa na kwa hilo niwapongeze sana kwani sio kila mtu anaweza kujitoa kiasi hicho” Amesema Prof. Sheikh.

Aidha Prof. Sheikh amewataka wachezaji hao kudumisha furaha na amani wakati wote wa michuano hiyo huku akisisitiza umoja kwa wachezaji wote mbali na kila mtu kushiriki mchezo aliofanyia mazoezi.

Kwa upande wake katibu wa Michezo Wizarani hapo Bw. Salamala Masoud amesema kuwa takribani wachezaji 100 wa Wizara hiyo wanatarajiwa kushiriki michezo mbalimbali ikiwepo mchezo wa mpira wa miguu, kuvuta kamba,mbio ndefu na fupi,bao na kurusha vishale.

Michuano hiyo inatarajiwa kutimua vumbi kwa takribani wiki 3 kuanzia Septemba 20,2026 mkoani kilimanjaro.









Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma