MHE. KAMANI AWAONESHA FURSA WAWEKEZAJI SEKTA YA MIFUGO NA UVUVI

Naibu Waziri wa Mifugo na Uvuvi, Mhe. Ng’wasi Damas Kamani, amewataka wawekezaji wa ndani na nje ya nchi kutumia fursa zilizopo katika Sekta za Mifugo na Uvuvi, akiahidi ushirikiano wa Serikali katika kuhakikisha mazingira ya uwekezaji yanaendelea kuwa rafiki na wezeshi.

Mhe. Kamani ametoa kauli hiyo leo, Septemba 17, 2026, jijini Dar es Salaam, wakati wa ziara maalum ya kikazi ya kutembelea wawekezaji wanaofanya shughuli katika Sekta za Mifugo na Uvuvi.

Katika ziara hiyo, Naibu Waziri ametembelea Kampuni ya Alphakrust Limited pamoja na Kampuni ya Farmbase, ambapo amepata fursa ya kujionea shughuli mbalimbali za uzalishaji zinazofanyika katika sekta hizo.

Amesema Serikali imedhamiria kushirikiana kwa karibu na Sekta binafsi katika kukuza Sekta za Mifugo na Uvuvi, akieleza kuwa hatua hiyo ni sehemu ya utekelezaji wa maelekezo ya Rais wa Jamhuri ya Muungano wa Tanzania, Mhe. Dkt. Samia Suluhu Hassan.

Mhe. Kamani amesema Serikali inaendelea kuweka mifumo inayorahisisha ushirikiano kati ya Serikali na Sekta binafsi, ili kuongeza uzalishaji, kuchochea uwekezaji na kuimarisha mchango wa sekta hizo katika uchumi wa Taifa.

Aidha, amesema utekelezaji wa Dira ya Taifa ya Maendeleo ya 2050 unalenga kuongeza nafasi ya Sekta binafsi katika kujenga uchumi wa Taifa, ambapo Serikali imejipanga kushirikiana na wawekezaji kufikia malengo hayo.

“Serikali ipo bega kwa bega na Sekta binafsi kuhakikisha mazingira ya uwekezaji yanaendelea kuwa rafiki na wezeshi,” amesema Mhe. Kamani.

Amebainisha kuwa Tanzania ina fursa nyingi katika Sekta za Mifugo na Uvuvi, huku akiwataka wawekezaji kuzitumia fursa hizo katika kuongeza uzalishaji na thamani ya bidhaa zinazotokana na sekta hizo.

Mhe. Kamani pia ametoa shukrani kwa Serikali kwa kuendelea kuboresha mazingira ya uwekezaji, ikiwemo upatikanaji wa ardhi, mitaji pamoja na mifumo ya kodi inayolenga kuwezesha uwekezaji nchini.

Amesisitiza kuwa ushirikiano kati ya Serikali na Sekta binafsi utaendelea kuwa nguzo muhimu katika kukuza Sekta za Mifugo na Uvuvi na kuongeza manufaa yake kwa Taifa.

Naibu Waziri wa Mifugo na Uvuvi, Mhe. Ng'wasi Damas Kamani (aliyeshika kopo la dawa), akitazama bidhaa iliyozalishwa na Kampuni ya Farmbase Limited, mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 17, 2026 Jijini Dar es Salaam, wa kwanza kushoto ni na Mkurugenzi Mtendaji wa Kampuni ya Farmbase Limited, Bw. Suleiman Msellem.

Naibu Waziri wa Mifugo na Uvuvi, Mhe. Ng'wasi Damas Kamani (wa Tano kushoto), akimsikiliza Meneja wa uzalishaji Kampuni ya Alphakrust Limited, Bw. Sreejith kasavan (wa tatu kushoto), akielezea namna uchakataji wa pweza unavyofanyika, mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 17, 2026 Jijini Dar es Salaam, wa sita kushoto ni Mkurugenzi Mtendaji wa Kampuni hiyo, Bw. Sunny Solanki.

Naibu Waziri wa Mifugo na Uvuvi, Mhe. Ng'wasi Damas Kamani (kulia), akikabidhiwa tuzo na Mkurugenzi Mtendaji wa Kampuni ya Farmbase Limited, Bw. Suleiman Msellem (kushoto), mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 17, 2026 Jijini Dar es Salaam.

Naibu Waziri wa Mifugo na Uvuvi, Mhe. Ng'wasi Damas Kamani (anayepanda mti), akipanda mti nje ya eneo la Kampuni ya Farmbase Limited kama ishara ya kuwatakia mema Kampuni hiyo, mara baada ya kuwasili kwenye Kampuni hiyo ili kujionea shughuli za uzalishaji, wakati wa ziara yake ya kikazi katika kuwatembelea wawekezaji katika Sekta za Mifugo na Uvuvi, Septemba 17, 2026 Jijini Dar es Salaam.








Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma