MHE. KAMANI AWAITA WAWEKEZAJI KUWEKEZA SEKTA YA MIFUGO NA UVUVI

◾Ataka wawekezaji kuzingatia ustawi wa wafanyakazi wao. 

◾Ataka wataalam kutatua changamoto za uhaba wa chakula cha samaki na mifugo.

Naibu Waziri wa Mifugo na Uvuvi, Mhe. Ng’wasi Damas Kamani amewataka wawekezaji nchini kuendelea kuwekeza katika sekta ya mifugo na uvuvi, huku wakizingatia ustawi na usalama wa wafanyakazi wao pamoja na kuhakikisha wanazalisha kwa tija.

Mhe. Kamani ameyasema hayo leo, Septemba 14, 2026, wilayani Magu mkoani Mwanza, wakati wa ziara maalum ya kikazi ya kuwatembelea wawekezaji katika tasnia yaukuzaji viumbemaji, ikiwemo Tangreen Farming Company na M/S ROFI Farming Company Limited, kwa lengo la kujionea shughuli za uzalishaji zinazofanyika katika sekta hiyo.

Amesema uwekezaji katika sekta ya mifugo na uvuvi una umuhimu mkubwa katika kuongeza uzalishaji wa chakula, kutoa ajira na kukuza uchumi, hivyo wawekezaji wanapaswa kuhakikisha wafanyakazi wanapata mazingira salama na stahiki za msingi katika maeneo yao ya kazi.

Aidha, Mhe. Kamani amewataka wananchi kutumia fursa zinazotokana na uwekezaji kwa kujifunza ujuzi na teknolojia kutoka kwa wawekezaji, hatua ambayo itawawezesha kuongeza uzalishaji na kujiajiri katika shughuli za mifugo na uvuvi.

Katika hatua nyingine, amewataka wataalam wa serikali kuongeza jitihada za kutatua changamoto ya upatikanaji wa chakula cha samaki na mifugo, ikiwemo kuongeza uzalishaji wa chakula hicho kwa wingi na kwa gharama nafuu, ili kuwawezesha wafugaji na wafugaji wa samaki kuongeza uzalishaji.

Mhe. Kamani amesema serikali itaendelea kushirikiana na sekta binafsi pamoja na wadau mbalimbali wa tasnia ya ukuzaji viumbemaji, kwa lengo la kuongeza uzalishaji, kukuza ajira na kuimarisha mchango wa sekta hiyo katika uchumi wa nchi.

Ziara hiyo ni sehemu ya juhudi za serikali za kuimarisha ushirikiano na sekta binafsi pamoja na kuhakikisha fursa zinazotokana na uwekezaji katika sekta za mifugo na uvuvi zinawanufaisha wananchi.


Naibu Waziri wa Mifugo na Uvuvi, Mhe. Ng'wasi Damas Kamani (wa tatu kulia), akikagua miundombinu ya ukuzaji viumbemaji ya Kampuni ya M/S ROFI Farming Company Limited, baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.

Naibu Waziri wa Mifugo na Uvuvi, Mhe. Ng'wasi Damas Kamani (wa tatu kulia), akikagua miundombinu ya ukuzaji viumbemaji ya Tangreen Farming Company Limited, baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.

Naibu Waziri wa Mifugo na Uvuvi, Mhe. Ng'wasi Damas Kamani (wa tano kulia), akizungumza na Mkurugenzi wa Kampuni ya Tangreen Farming Company Limited, Bw. Cheng Chang (wa nne kulia) hususu hali ya uzalishaji na changamoto wanazokumbana nazo katika shughuli ukuzaji viumbemaji, mara baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.

Naibu Waziri wa Mifugo na Uvuvi, Mhe. Ng'wasi Damas Kamani (wa pili kushoto), akizungumza na Mkurugenzi wa Kampuni ya M/S ROFI Farming Company Limited, Bw. Ndungu Liu (wa pili kulia) hususu hali ya uzalishaji na changamoto wanazokumbana nazo katika shughuli ukuzaji viumbemaji, mara baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026 wa kwanza kushoto ni Mkuu wa Wilaya ya Magu, Mhe. Jubilate Lawuo.

Naibu Waziri wa Mifugo na Uvuvi, Mhe. Ng'wasi Damas Kamani, akilisha Samaki kwenye mabwawa ya Kampuni ya M/S ROFI Farming Company Limited, baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.

Naibu Waziri wa Mifugo na Uvuvi, Mhe. Ng'wasi Damas Kamani (aliyeshika MIC), akizungumza na Wafanyakazi wa Kampuni ya M/S ROFI Farming Company Limited, baada ya kusikiliza changamoto zinazowakabili, baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.

Naibu Waziri wa Mifugo na Uvuvi, Mhe. Ng'wasi Damas Kamani (wa kwanza kulia), akiwatajia namba za Huduma kwa Wateja za Wizara ya Mifugo na Uvuvi Wafanyakazi wa Kampuni ya M/S ROFI Farming Company Limited ili wakihitaji huduma Wizarani iwe rahisi zaidi kuhudumiwa kwa uharaka zaidi, baada ya kusikiliza changamoto zinazowakabili, baada ya kuwasili kwenye Kampuni hiyo ili kujionea shughuli za uzalishaji katika tasnia ya ukuzaji viumbemaji, wakati wa ziara yake ya kikazi ya wilayani Magu Jijini Mwanza, Septemba 14, 2026.





Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma