MHE. KAMANI AITAKA TADB KUENDELEA KUTOA MIKOPO NA KUFANYA UFUATILIAJI WA KINA KWA WANUFAIKA WA MRADI WA BBT

◾ Aitaka TADB kuanzisha Mfumo wa Taarifa za Wanufaika.

◾ Aitaka TADB kuendelea kutoa mikopo kwa vijana.

Naibu Waziri wa Mifugo na Uvuvi, Mhe. Ng’wasi Damas Kamani, ameitaka Benki ya Maendeleo ya Kilimo Tanzania (TADB) kuendelea kutoa mikopo kwa vijana wanaonufaika wa Mradi wa Jenga Kesho Iliyo Bora (BBT) Mifugo na Uvuvi, huku ikifanya ufuatiliaji wa kina na tathmini ya miradi inayotekelezwa ili kuhakikisha mikopo hiyo inaleta tija na matokeo yaliyokusudiwa.

Mhe. Kamani ametoa agizo hilo leo, Septemba 12, 2026, jijini Mwanza, alipofanya ziara maalum ya kikazi katika Ofisi ya TADB Kanda ya Ziwa, ziara ambayo ni sehemu ya siku tatu za ufuatiliaji wa utekelezaji wa maelekezo yaliyotolewa na Waziri wa Mifugo na Uvuvi, Mhe. Balozi Dkt. Bashiru Ally Kakurwa.

Katika ziara hiyo, Mhe. Kamani ameitaka TADB kuhakikisha inapatikana takwimu sahihi kuhusu idadi ya vijana wanaonufaika na Mradi wa BBT pamoja na thamani ya miradi yao, hatua ambayo itasaidia Serikali kupima mafanikio ya programu hiyo na kufanya maboresho yanayohitajika.

Amesema ufuatiliaji na tathmini ya miradi hiyo ni muhimu katika kuhakikisha vijana wanapata tija inayotarajiwa, jambo ambalo litasaidia kujenga imani na kuwawezesha vijana wengine kunufaika na mikopo hiyo kwa wingi zaidi.

“Miradi hii ya Serikali isikopewe na Taasisi yoyote, ili kuweza kurahisisha marejesho na kutopoteza fedha za Umma kiurahisi,” amesema Mhe. Kamani.

Aidha, Mhe. Kamani ameitaka TADB kuendelea kutoa mikopo kwa vijana wanaojihusisha na shughuli za vizimba, ili kuwawezesha kuongeza uzalishaji na kujenga kipato endelevu kupitia shughuli za uvuvi.

Pamoja na hilo, ameitaka TADB kuanzisha Mfumo wa Taarifa utakaowezesha kuhifadhi na kutoa taarifa muhimu kuhusu mikopo inayotolewa pamoja na taarifa za vijana wanaonufaika na programu ya BBT.

Kwa upande wake, Kaimu Meneja wa TADB Kanda ya Ziwa Mwanza, Bw. Charles Mbelwa, amesema mfumo huo unatarajiwa kuwa tayari na kuanza kufanya kazi ifikapo Desemba mwaka huu.

Amesema mfumo huo utasaidia kuweka kumbukumbu muhimu na takwimu sahihi za wanufaika, hivyo kurahisisha ufuatiliaji na tathmini ya miradi inayotekelezwa kupitia mikopo hiyo.

Naibu Waziri wa Mifugo na Uvuvi, Mhe. Ng'wasi Damas Kamani, akizungumza na Watendaji wa Benki ya Maendeleo ya Kilimo nchini (TADB) Kanda ya Ziwa (hawapo pichani), mara baada ya kupokea Taarifa ya utekelezaji wa Utoaji Mikopo kwa Vijana wanufaika wa Mradi wa Jenga Kesho Iliyo Bora (BBT), kikao kilichofanyika katika Ofisi za TADB Kanda ya Ziwa, wakati wa ziara yake ya kikazi Jijini Mwanza, Septemba 12, 2026.

Kaimu Meneja Benki ya Maendeleo ya Kilimo nchini (TADB) Kanda ya Ziwa, Bw. Charles Mbelwa, akitoa maelezo kwa Naibu Waziri wa Mifugo na Uvuvi, Mhe. Ng'wasi Damas Kamani (hayupo pichani) kuhusu Utekelezaji wa ujumla wa TADB katika kuwawezesha mikopo kwa vijana, wakati wa ziara ya kikazi ya Naibu Waziri huyo Jijini Mwanza, kikao kilichofanyika katika Ofisi za TADB Kanda ya Ziwa, Septemba 12, 2026.

Afisa Masoko Benki ya Maendeleo ya Kilimo nchini (TADB) Kanda ya Ziwa, Bi. Glacia Marugujo (wa pili kulia), akitoa taarifa ya utekelezaji wa Utoaji Mikopo kwa Vijana wa Mradi wa Jenga Kesho Iliyo Bora (BBT) Mifugo na Uvuvi kwa Naibu Waziri wa Mifugo na Uvuvi, Mhe. Ng'wasi Damas Kamani (wa kwanza kushoto), wakati wa ziara ya kikazi ya Naibu Waziri huyo Jijini Mwanza, kikao kilichofanyika katika Ofisi za TADB Kanda ya Ziwa, Septemba 12, 2026.

Naibu Waziri wa Mifugo na Uvuvi, Mhe. Ng'wasi Damas Kamani (katikati), akiwa kwenye picha ya pamoja na Watendaji wa Wizara ya Mifugo na Uvuvi, Watendaji wa Ofisi ya Mkuu wa Mkoa wa Mwanza na Watendaji wa Benki ya Maendeleo ya Kilimo nchini (TADB) Kanda ya Ziwa, mara baada ya kikao kifupi, kilichofanyika katika Ofisi za TADB Kanda ya Ziwa, wakati wa ziara yake ya kikazi Jijini Mwanza, Septemba 12, 2026.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma