DKT. BASHIRU AZINDUA BODI YA TAFIRI, ATAKA TAFITI ZA UVUVI ZENYE SULUHISHO

Waziri wa Mifugo na Uvuvi, Balozi Dkt. Bashiru Ally, ameitaka Bodi Mpya ya Wakurugenzi ya Taasisi ya Utafiti wa Uvuvi Tanzania (TAFIRI) kuhakikisha tafiti zinazofanywa na Taasisi hiyo zilenge kutatua changamoto halisi zinazoikabili Sekta ya Uvuvi, hususani katika ukuzaji wa viumbe maji na kusisitiza kipaumbele kinapaswa kuwa tafiti za uzalishaji wa mbegu bora na chakula bora cha samaki ili kuongeza uzalishaji.

 Akizungumza leo Septemba 05, 2026 katika Hoteli ya Gerwill Jijini Dodoma wakati wa kuzindua Bodi hiyo, Balozi Dkt. Bashiru ameitaka TAFIRI kuanzisha na kusimamia kwa uthabiti programu ya kuboresha mbari za samaki (breeding program), pamoja na kufanya tafiti na uhaulishaji wa teknolojia zinazotumika katika ufugaji wa samaki kwa vizimba katika maji baridi na baharini.

“Bodi hii iisimamie TAFIRI kufanya tafiti zenye suluhisho katika Sekta ya Uvuvi,  kusimamia sheria na utawala bora, ili Taasisi iweze kutekeleza majukumu yake kwa ufanisi na kutoa mchango mkubwa katika maendeleo ya sekta ya uvuvi na ukuzaji viumbe maji,” amesema Dkt. Bashiru. 

Kwa upande wake, Katibu Mkuu wa Wizara ya Mifugo na Uvuvi, Bi. Agnes Kisaka Meena, amemshukuru Balozi Dkt. Bashiru kwa usimamizi wake tangu apewe dhamana hiyo na  kueleza kuwa ana imani kubwa na wajumbe wa Bodi ya TAFIRI aliyowateua na kwamba kutokana na weledi na uzoefu wao watasaidia kuisimamia Taasisi hiyo kutekeleza majukumu yake.

Naye Mkurugenzi Mkuu wa Taasisi ya Utafiti wa Uvuvi Tanzania (TAFIRI), Dkt. Ismael Kimirei, amesema TAFIRI ilianzishwa mwaka 1980 na kwa sasa ina jumla ya vituo vitano na watumishi 211 na kuahidi kuwa Taasisi hiyo itaendelea kushirikiana na Bodi katika kuhakikisha majukumu ya Taasisi yanatekelezwa kwa kuzingatia sheria, taratibu na miongozo ya Serikali.

Kwa upande wake, Mwenyekiti wa Bodi ya TAFIRI, Alhaj Yahya Ibrahim Mgawe, amemshukuru Rais wa Jamhuri ya Muungano wa Tanzania, Dkt. Samia Suluhu Hassan, kwa kumteua kuwa mwenyekiti wa Bodi  hiyo na kuahidi kuwa mwenyekiti wa bodi hiyo na kuahidi kutekeleza maelekezo na maagizo ya Waziri wa Mifugo na Uvuvi ya kuhakikisha bodi hiyo inaisimamia TAFIRI kutekeleza majukumu yake kwa kuzingatia sheria, taratibu na misingi ya utawala bora.

Bodi ya TAFIRI ina jumla ya wajumbe saba na itaiongoza Taasisi hiyo kwa kipindi cha miaka mitatu.

Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa; wa tatu kutoka kulia ni Katibu Mkuu wa Wizara ya Mifugo na Uvuvi, Bi. Agnes Meena; na wa kwanza kutoka kulia ni Mwenyekiti wa Bodi ya Taasisi ya Utafiti wa Uvuvi Tanzania (TAFIRI), Alhaj. Yahaya Mgawe, wakiwa pamoja na Wajumbe wa Bodi ya TAFIRI.

Waziri wa Mifugo na Uvuvi Mh.Balozi Dkt Bashiru Ally Kakurwa, Akizungumza na Wajumbe wa  Bodi ya Taasisi ya Utafiti wa Uvuvi Tanzania (TAFIRI) wakati wa uzinduzi wa Bodi hiyo, Uliofanyika Jijini Dodoma Septemba 05,2026.

Wajumbe wa Bodi ya Taasisi ya Utafiti wa Uvuvi Tanzania (TAFIRI), wakimsikiliza Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, wakati wa uzinduzi wa Bodi ya TAFIRI uliofanyika katika Ukumbi wa Mikutano wa Hoteli ya Gerwill, Jijini Dodoma Septemba 05,2026.

Mwenyekiti wa Bodi ya Taasisi ya Utafiti wa Uvuvi Tanzania (TAFIRI), Alhaj. Yahya Ibrahim Mgawe, akizungumza mbele ya Mh. Waziri wa Mifugo na Uvuvi, Balozi Dkt. Bashiru, Ally Kakurwa,Menejimenti ya TAFIRI na Wajumbe wa bodi, mara baada ya kuzinduliwa kwa Bodi ya TAFIRI, Septemba 5, 2026, Jijini Dodoma.

Katibu Mkuu wa Wizara ya Mifugo na Uvuvi, Bi. Agnes Meena, akizungumza Septemba 5, 2026, wakati akimkaribisha Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, kuzungumza na Menejimenti ya Taasisi ya Utafiti wa Uvuvi Tanzania (TAFIRI) pamoja na Wajumbe wa Bodi ya TAFIRI, katika Hoteli ya Gerwill, Jijini Dodoma.

Mkurugenzi Mkuu wa Taasisi ya Utafiti wa Uvuvi Tanzania (TAFIRI), Dkt. Ismael Kimirei, akitoa salamu kwa Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, kabla ya utambulisho wa Bodi ya Taasisi ya Utafiti wa Uvuvi Tanzania (TAFIRI), Septemba 5, 2026, Jijini Dodoma.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma