WAZIRI WA MIFUGO NA UVUVI AHIMIZA MATUMIZI BORA YA ARDHI KUMALIZA MIGOGORO YA WAKULIMA NA WAFUGAJI RUFIJI

Na. Daudi Nyingo

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amesema Serikali imejipanga kupata suluhisho la kudumu la migogoro kati ya wakulima na wafugaji kwa kuimarisha mipango ya matumizi bora ya ardhi na kuhamasisha ufugaji wa kisasa, ili sekta hizo ziendelee kuchangia usalama wa chakula na ukuaji wa uchumi wa Taifa.

Mhe. Dkt. Kakurwa alitoa kauli hiyo Julai 20, 2026 wakati wa ziara yake ya kikazi katika Wilaya ya Rufiji mkoani Pwani, ambapo alitembelea wafugaji na wakulima wa Kijiji cha Chumbi, kukagua maendeleo ya mpango wa Ranchi Ndogo, Vitalu vya Kilimo vya Kijiji cha Nyamwage na baadaye kufanya mkutano wa hadhara katika Tarafa ya Ikwiriri kwa lengo la kusikiliza na kutatua changamoto zinazowakabili.

“Wakulima na wafugaji ni nguzo muhimu za maendeleo ya Taifa kwani ndiyo wanaohakikisha upatikanaji wa chakula na malighafi za mifugo, hivyo migogoro baina yao inapaswa kutatuliwa kwa njia ya mazungumzo na usimamizi mzuri wa ardhi.” 

"Bila wakulima na wafugaji, Taifa haliwezi kuwa na usalama wa chakula. Kadri idadi ya watu, wakulima na wafugaji inavyoongezeka, ndivyo mahitaji ya ardhi yanavyoongezeka, wakati ukubwa wa ardhi hauongezeki. Suluhisho ni kupanga matumizi ya ardhi na kuhakikisha kila mmoja anaheshimu maeneo yaliyotengwa kwa shughuli zake," alisema Mhe. Balozi Dkt. Kakurwa.

Alieleza kuwa Wizara ya Mifugo na Uvuvi kwa kushirikiana na Ofisi ya Rais – TAMISEMI pamoja na Wizara ya Ardhi, Nyumba na Maendeleo ya Makazi itapeleka timu ya wataalamu kupitia mipango ya matumizi ya ardhi katika maeneo yenye changamoto ili kurekebisha kasoro zilizopo na kupanga maeneo ambayo hayajapangwa vizuri.

Aidha, aliwataka wafugaji kuachana na utegemezi wa malisho ya asili pekee kwa kuanza kuzalisha malisho yao wenyewe, kuyavuna na kuyahifadhi wakati wa masika ili yaweze kutumika kipindi cha kiangazi.

"Mfugaji wa kisasa anatakiwa azalishe malisho yake kama mkulima anavyozalisha chakula chake. Serikali ipo tayari kuwasaidia wafugaji kufanikisha jambo hili ili kuongeza tija katika uzalishaji wa mifugo," alisisitiza.

Awali, Mkuu wa Wilaya ya Rufiji, Mhe. Luteni Kanali Frederick Komba, alisema tangu mwaka 2023 wilaya hiyo imeanzisha vitalu 371 vya Ranchi Ndogo, ambapo vitalu 334 tayari vimegawiwa wafugaji na baadhi yao wameanza kuvitumia.

Alisema pamoja na mafanikio hayo bado zipo changamoto zinazotokana na baadhi ya wafugaji kuchelewa kukubali kuacha mfumo wa ufugaji wa kuhamahama na kuhamia mfumo wa ufugaji wa kukaa eneo moja, lakini elimu inayoendelea kutolewa imeongeza mwitikio wa wafugaji wengi kujiunga na mpango huo.

Mhe. Komba alisema Serikali ya Wilaya itaendelea kutoa elimu kuhusu faida za Ranchi Ndogo pamoja na kufuatilia viashiria vyote vinavyoweza kusababisha migogoro kati ya wakulima na wafugaji ili kudumisha amani, usalama na maendeleo ya wananchi.

Kwa upande wake, Mwenyekiti wa Chama Cha Mapinduzi (CCM) Wilaya ya Rufiji, Ndugu Rajabu Mbonde, alimpongeza Waziri kwa kufika wilayani humo na kusikiliza changamoto za wananchi, akisema viongozi wa chama na Serikali wamejizatiti kuhakikisha wakulima na wafugaji wanaendelea kuishi kwa amani.

Alisisitiza kuwa pamoja na umuhimu wa uzalishaji wa nyama na maziwa, uzalishaji wa mazao ya chakula unapaswa kulindwa kwa kuhakikisha kila mmoja anazingatia matumizi sahihi ya ardhi.

"Tunahitaji nyama, tunahitaji maziwa, lakini tunahitaji chakula zaidi. Hatuwezi kukubali kuona mkulima na mfugaji wanaingia kwenye migogoro. Tunataka ng'ombe wabaki kwenye maeneo ya ranchi na wakulima wafanye kilimo katika maeneo yaliyotengwa kwa shughuli hiyo," alisema Ndugu Mbonde.

Ziara ya Waziri wa Mifugo na Uvuvi ni sehemu ya juhudi za Serikali za kuimarisha usimamizi wa matumizi ya ardhi, kuhamasisha ufugaji wa kisasa kupitia mfumo wa Ranchi Ndogo na kutafuta suluhisho la kudumu la migogoro kati ya wakulima na wafugaji ili sekta zote mbili ziendelee kuchangia maendeleo ya uchumi na usalama wa chakula nchini.





Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma