DKT. BASHIRU AKUTANA NA GATSBY AFRICA KUJADILI MKAKATI WA UZALISHAJI WA CHAKULA CHA SAMAKI NA KUKU

Serikali imeendelea kuimarisha ushirikiano na wadau wa maendeleo katika kuongeza tija ya sekta za mifugo na uvuvi, ikiwa ni sehemu ya jitihada za kukuza uzalishaji, kuimarisha usalama wa chakula na kuongeza mchango wa sekta hizo katika uchumi wa Taifa.

Katika hatua hiyo, Waziri wa Mifugo na Uvuvi, Mhe. Balozi Dkt. Bashiru Ally Kakurwa, leo Julai 24, 2026 amekutana na timu ya wataalam kutoka Taasisi ya Gatsby Africa katika Ofisi za Wizara ya Mifugo na Uvuvi zilizopo Mji wa Serikali Mtumba, jijini Dodoma, na kujadiliana kuhusu uwekezaji katika ukuzaji wa viumbemaji na kuongeza upatikanaji wa chakula cha samaki na kuku.

Mazungumzo hayo yalijikita katika namna Serikali na Gatsby Africa zinavyoweza kushirikiana kuendeleza sekta za mifugo na uvuvi kupitia uwekezaji katika uzalishaji wa malighafi za chakula cha mifugo, matumizi ya teknolojia za kisasa na kuimarisha mnyororo wa thamani wa uzalishaji.

Akizungumza katika kikao hicho, Dkt. Bashiru alisema Serikali inaendelea kuweka mazingira wezeshi kwa wadau wa maendeleo na sekta binafsi kuwekeza katika miradi yenye tija itakayoongeza uzalishaji, ajira na kipato cha wafugaji pamoja na wafugaji wa samaki.

Alisema upatikanaji wa chakula bora na cha gharama nafuu kwa samaki na kuku ni msingi muhimu wa kuongeza tija katika uzalishaji, hivyo ushirikiano na taasisi mbalimbali una mchango mkubwa katika kufanikisha malengo ya Serikali ya kuendeleza sekta hizo.

Kwa upande wake, Mkurugenzi wa programu hizo kutoka Taasisi ya Gatsby Africa, Bw. Yisambi Mwanshemele alielezea kuwa mradi unaopendekezwa unalenga kuimarisha uzalishaji wa chakula cha samaki na kuku kwa kutumia zao la Soya kwa kupitia uwekezaji katika uzalishaji wa malighafi, matumizi ya teknolojia bunifu, kujenga uwezo wa wazalishaji na kuvutia ushiriki mkubwa wa sekta binafsi.

Aidha, alibainisha kuwa utekelezaji wa mradi huo unatarajiwa kuongeza upatikanaji wa chakula bora cha samaki na kuku, kupunguza gharama za uzalishaji, kuongeza ushindani wa bidhaa za mifugo na uvuvi katika soko, pamoja na kuchochea ukuaji wa uchumi na ajira, ambapo Taasisi hiyo imejipanga kuwafikia wafugaji 300,000.

Pande hizo mbili zilikubaliana kuandaa Mpango Mkakati mzuri wa Uzalishaji wa Vyakula hivyo, na kuendelea na mazungumzo ya kitaalamu yatakayoweka msingi wa utekelezaji wa maeneo ya ushirikiano kwa lengo la kuimarisha maendeleo ya sekta za mifugo na uvuvi nchini.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (wa kwanza kushoto), akimsikiliza Mtaalam kutoka Taasisi ya Gatsby Africa (hayupo pichani), katika kikao kifupi cha kujadili kuhusu uwekezaji katika ukuzaji wa viumbemaji na kuongeza upatikanaji wa chakula cha samaki na kuku, kikao kilichofanyika katika Ofisi za Wizara ya Mifugo na Uvuvi zilizopo Mji wa Serikali - Mtumba, Julai 24, 2026 Dodoma.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (wa kwanza kushoto), akizungumza na Wataalam wa Taasisi ya Gatsby Africa, katika kikao kifupi cha kujadili kuhusu uwekezaji katika ukuzaji wa viumbemaji na kuongeza upatikanaji wa chakula cha samaki na kuku, kikao kilichofanyika katika Ofisi za Wizara ya Mifugo na Uvuvi zilizopo Mji wa Serikali - Mtumba, Julai 24, 2026 Dodoma.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma