MHE. REGINA AITAMBUA WIZARA YA MIFUGO NA UVUVI KWA UBORA WA HUDUMA, AHIMIZA VIJANA KUNUFAIKA NA FURSA ZA SEKTA HIZO

 Na Chiku Makwai— Dodoma,

Naibu Waziri wa Ofisi ya Rais – UTUMISHI, Mhe. Regina Qwaray, ameipongeza Wizara ya Mifugo na Uvuvi kwa ushiriki wake mzuri katika Maadhimisho ya Kitaifa ya Wiki ya Utumishi wa Umma 2026, huku akieleza kuridhishwa na huduma, elimu na teknolojia mbalimbali zinazotolewa katika banda la wizara hiyo.

Mhe. Regina ametoa pongezi hizo leo Juni 22, 2026, wakati wa ziara yake ya kutembelea mabanda mbalimbali yaliyoshiriki katika Maadhimisho ya Kitaifa ya Wiki ya Utumishi wa Umma yanayoendelea katika viwanja vya Chinangali Park jijini Dodoma.

Akiwa katika banda la Wizara ya Mifugo na Uvuvi, Mhe. Regina alipata fursa ya kujionea huduma mbalimbali zinazotolewa na wataalamu wa wizara pamoja na taasisi zake, ikiwemo elimu kuhusu teknolojia za kisasa za ufugaji wa kuku na samaki, huduma za ugani, pamoja na fursa za kiuchumi zinazopatikana katika sekta za mifugo na uvuvi.

Aidha, amewahimiza wananchi, hususan vijana, kujitokeza kutembelea banda hilo ili kupata elimu, maarifa na taarifa sahihi kuhusu fursa zilizopo katika sekta hizo ambazo zina mchango mkubwa katika ajira, uzalishaji na maendeleo ya uchumi wa taifa.

"Vijana wanapaswa kutumia fursa hii kujifunza teknolojia za kisasa za ufugaji na uvuvi pamoja na huduma zinazotolewa na Serikali kupitia Wizara ya Mifugo na Uvuvi ili kujiongezea kipato na kuchangia maendeleo ya nchi," alisema Mhe. Regina.

Kwa upande wake, Afisa Rasilimali Watu Mkuu wa Wizara ya Mifugo na Uvuvi, Bi. Angeline Ungelle, ambaye alimkaribisha Naibu Waziri huyo katika banda la wizara, alieleza kuwa ushiriki wa wizara katika maadhimisho hayo unalenga kuwafikia wananchi kwa kutoa elimu, ushauri wa kitaalamu na kuhamasisha matumizi ya teknolojia za kisasa katika sekta za mifugo na uvuvi.

Bi. Ungelle aliongeza kuwa wataalamu kutoka wizara na taasisi zake wanaendelea kutoa huduma mbalimbali kwa wananchi wanaotembelea banda hilo, ikiwa ni pamoja na elimu kuhusu uzalishaji, afya ya mifugo, ufugaji wa samaki, uongezaji thamani wa mazao ya mifugo na uvuvi pamoja na fursa za uwekezaji zilizopo katika sekta hizo.








Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma