DKT. LUTEGE: MAFUNZO YA MADAKTARI WA MIFUGO YATAIMARISHA FURSA ZA MASOKO YA NJE

Wizara ya Mifugo na Uvuvi imeendelea kuimarisha uwezo wa wataalamu wa mifugo nchini kwa kuwapatia mafunzo yanayolenga kukidhi viwango vya kimataifa katika sekta ya mifugo, hatua itakayochangia kuongeza fursa za masoko ya mifugo na mazao yake ndani na nje ya nchi.

Akizungumza katika hafla ya kuhitimu mafunzo kwa Madaktari wa Mifugo iliyofanyika leo Juni 25, 2026 katika Ukumbi wa Royal Hotel jijini Dodoma, Mkurugenzi wa Huduma za Mifugo nchini, Dkt. Benezeth Lutege, amesema mafunzo hayo yamekuja kufuatia tathmini iliyofanywa na Shirika la Afya ya Wanyama Duniani (WOAH) ili kubaini kama wataalamu wa mifugo nchini wanaendana na viwango vya kimataifa vinavyohitajika katika biashara ya mifugo na mazao ya mifugo.

"Kupitia ushirikiano kati ya Shirika la Afya ya Wanyama Duniani na Chuo Kikuu cha Minesota, Tanzania imepata fursa ya kushiriki katika mafunzo hayo ambapo wataalamu tisa (9)wamehitimu, huku wataalamu wengine 26 wakitarajiwa kuanza mafunzo kwa njia ya mtandao." Amesema Dkt. Lutege 

Aidha, Dkt. Lutege amesema mafunzo hayo yataendelea kutolewa kwa madaktari wa wanyama nchini kote ili kuongeza ufanisi katika usimamizi wa afya ya mifugo na usalama wa chakula, jambo litakaloisaidia Tanzania kufungua masoko zaidi ya kimataifa kutokana na kuongezeka kwa uaminifu wa bidhaa za mifugo zinazozalishwa nchini.

Kwa upande wake, mmoja wa wahitimu wa mafunzo hayo, Dkt. Nyalekwa Mashimo kutoka Halmashauri ya Wilaya ya Kilwa, ameishukuru Wizara ya Mifugo na Uvuvi kwa kuwezesha mafunzo hayo, akisema yamewaongezea uwezo wa kufanya tafiti na kutoa elimu kwa jamii kuhusu usalama wa chakula pamoja na namna ya kushirikisha wadau mbalimbali katika kuboresha afya ya mifugo na maendeleo ya sekta hiyo.






Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma