DKT. BASHIRU APIGA MARUFUKU KUKAMATWA KWA MALI ZISIZOHUSIKA NA UVUVI HARAMU

◼️Aelekeza kufutwa “ubalozi” wa Uvuvi haramu ziwa Tanganyika

Waziri wa Mifugo na Uvuvi Mhe. Balozi. Dkt. Bashiru Ally Kakurwa amepiga marufuku wataalam kukamata mali zisizohusika wakati wa utekelezaji operesheni za udhibiti wa uvuvi usiofuata sheria kwenye maeneo yote nchini.

Balozi Dkt. Bashiru amesema hayo leo Juni 25,2026 Bungeni jijini Dodoma wakati wa kikao baina yake na wabunge wa mikoa ya Kigoma na Katavi ambacho kililenga kujadili zana za uvuvi wa ziwa Tanganyika.

“Nimeshamwelekeza Mkurugenzi wa Sheria Wizarani kwangu zifuatwe taratibu zote za kisheria ili vyombo na mali zote zilizokamatwa zirejeshwe kwa wahusika na kuanzia sasa wanaotekeleza operesheni hizo wakamate nyavu na wavuvi wanaojihusisha na Uvuvi huo usiofaa” Amesisitiza Balozi Dkt. Bashiru.

Aidha Balozi Dkt. Bashiru pia amewaelekeza wataalam kutowadhalilisha wavuvi hao wakati wa utekelezaji wa operesheni hizo ambapo amesisitiza kumchukulia hatua mtaalam yoyote atakayethibika kufanya hivyo.

Katika hatua nyingine Balozi Dkt. Bashiru amemwelekeza Mkurugenzi wa Uvuvi nchini kufuta na kuondoa cheo cha “balozi” wa uvuvi haramu kinachotumika kwa upande wa ziwa Tanganyika ambapo amesisitiza kuwa uongozi wake hautambui ubalozi wa aina hiyo.

Kwa upande wao wabunge wa mikoa ya Kigoma na Katavi mbali na kuipongeza Serikali kwa uamuzi wake wa kutofunga ziwa Tanganyika kwa sasa wamemuomba Balozi Dkt. Bashiru kupitia Wizara yake kuangazia fursa mbalimbali za sekta za Mifugo na Uvuvi zilizopo mkoani humo ikiwa ni pamoja na kuhamasisha ufugaji samaki kwa njia ya vizimba, ufugaji wa kuku na ng’ombe wa maziwa.





Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma