VIJANA 85 RUVUMA WAPATIWA MAFUNZO YA UWEKEZAJI NA UFUGAJI WA KISASA

 Vijana  kutoka halmashauri mbalimbali za Mkoa wa Ruvuma wamepatiwa mafunzo ya uwekezaji na ufugaji wa kisasa kupitia Programu ya Uwezeshaji Vijana Kiuchumi, inayoratibiwa na Serikali kupitia  Wizara ya Mifugo na Uvuvi leo Agosti 3, 2026.

Akifungua mafunzo hayo yaliyofanyika katika Ukumbi wa Manispaa ya Songea, Mwakilishi wa Katibu Tawala wa Mkoa wa Ruvuma ambaye pia ni Afisa Uvuvi wa Mkoa, Bw. Basil Amuli, amewataka vijana kutumia kikamilifu mafunzo na mikopo watakayopata kwa kuanzisha na kuendesha miradi yenye tija itakayowawezesha kujiongezea kipato na kujiajiri.

"Serikali imeendelea kuweka mazingira wezeshi kwa vijana kupitia programu mbalimbali za uwezeshaji kiuchumi, hivyo ni wajibu wa wanufaika kuhakikisha wanatumia fursa hizo kwa malengo yaliyokusudiwa ili kupata matokeo chanya na kuwa mfano kwa vijana wengine." amesema Bw. Amuli

Aidha, amewahimiza washiriki kutekeleza kwa vitendo maarifa watakayoyapata wakati wa mafunzo hayo ili kuongeza uzalishaji, kuboresha maisha yao na kuchangia maendeleo ya uchumi wa Mkoa wa Ruvuma na taifa kwa ujumla.

Kwa upande wake Mratibu wa Mafunzo ya Wanufaika Kanda ya Kusini, Dkt. Justinian Lutatina, alisema mafunzo hayo yamelenga kuwajengea vijana uwezo wa kutumia kwa ufanisi mikopo watakayopata kupitia Programu ya Uwezeshaji Vijana Kiuchumi.

Vilevile ameeleza kuwa vijana hao wamepatiwa mafunzo kuhusu usimamizi wa fedha na mapato, uanzishaji na uendeshaji wa miradi yenye tija pamoja na mbinu bora za ufugaji wa kisasa wa nguruwe, mbuzi na kuku ili kuwawezesha kuendesha miradi yenye tija na endelevu.

Dkt. Lutatina amebainisha kuwa wanufaika 85 kutoka halmashauri zote za Mkoa wa Ruvuma wanatarajiwa kunufaika na programu hiyo, huku kila mmoja akipatiwa maarifa yanayozingatia sekta ya mifugo aliyoichagua kuwekeza.

Pia amesisitiza kuwa matumizi sahihi ya mikopo yatasaidia kuongeza uzalishaji, kukuza ajira, kuinua kipato cha vijana na kuchochea maendeleo ya uchumi wa taifa.

Baadhi ya vijana walioshiriki mafunzo hayo wamesema mafunzo  yamewapa maarifa mapya kuhusu ufugaji wa kisasa, usimamizi wa miradi na matumizi sahihi ya mikopo, huku wakieleza kuwa elimu hiyo itawasaidia kuongeza uzalishaji na kuboresha kipato chao.

Vijana hao pia wametoa wito kwa wenzao kujitokeza kutumia fursa zinazotolewa na Serikali kupitia mafunzo na mikopo ya uwezeshaji kiuchumi ili kujenga maisha bora na kushiriki kikamilifu katika maendeleo ya taifa.




Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma