TDB YAKARIBISHA VIONGOZI WA CHAMA CHA MIFUGO TANZANIA (TSAP), YAIMARISHA USHIRIKIANO KATIKA TASNIA YA MAZIWA

Bodi ya Maziwa Tanzania (TDB) imewakaribisha viongozi wa Chama cha Wataalam wa Mifugo Tanzania (TSAP) katika ofisi za Bodi, hatua inayolenga kuimarisha ushirikiano na kubadilishana uzoefu katika kuendeleza Tasnia ya Maziwa nchini.

Mkutano huo uliwakutanisha Viongozi hao chini ya  Mwenyekiti wa TSAP, Dkt. Zabron Nziku, pamoja na Msajili wa TDB, Prof. George Msalya, ambapo walijadili masuala mbalimbali yanayohusu maendeleo ya Tasnia ya Maziwa na Sekta ya Mifugo kwa ujumla.

Akizungumza katika mkutano huo Septemba 24, 2026, Dkt. Zabron Nziku alisisitiza umuhimu wa kuendelea kuimarisha ushirikiano kati ya TSAP na TDB, hususani katika maeneo ya kitaalam, utafiti, ubunifu na kubadilishana maarifa yatakayosaidia kuongeza tija na ushindani katika Tasnia ya Maziwa nchini.

Kwa upande wake, Prof. George Msalya alieleza kuwa TDB ipo tayari kuendelea kushirikiana na TSAP pamoja na wadau wengine wa Sekta ya Mifugo katika kutafuta na kutekeleza mikakati itakayochochea ukuaji endelevu wa Tasnia ya Maziwa. 

Alibainisha kuwa ushirikiano wa kitaalam ni muhimu katika kukabiliana na changamoto zinazoikabili Tasnia hiyo na kutumia fursa zilizopo kuongeza uzalishaji, ubora na upatikanaji wa maziwa nchini.

Aidha, mkutano huo umeweka msingi wa kuimarisha mahusiano kati ya taasisi hizo mbili kupitia utekelezaji wa shughuli za pamoja zikiwemo tafiti, uhamasishaji, mafunzo ya kitaalam, ubadilishanaji wa taarifa na uzoefu, pamoja na kushirikiana katika masuala mbalimbali yenye maslahi kwa maendeleo ya Tasnia ya Maziwa.

Ushirikiano huo unatarajiwa kuongeza nguvu katika juhudi za Serikali na wadau wa Sekta ya Mifugo katika kuendeleza Tasnia ya Maziwa, kuongeza tija kwa wafugaji na wazalishaji, kuboresha ubora wa maziwa na kuongeza mchango wa Tasnia hiyo katika uchumi wa Taifa.


Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma