SERIKALI YAWAHIMIZA WAWEKEZAJI KUTUMIA SAYANSI, TAFITI NA UBORA WA VIFARANGA KATIKA UFUGAJI SAMAKI

Serikali kupitia Wizara ya Mifugo na Uvuvi imeendelea kuwahamasisha wawekezaji katika sekta ya uvuvi kuzingatia matumizi sahihi ya Sayansi na Tafiti za uvuvi katika kusimamia ubora na uzalishaji wa vifaranga vya samaki ili kuwa na tija katika ufugaji wa samaki kwa njia ya vizimba..

Kauli ya Serikali imetolewa Agosti 10, 2026 na Waziri wa Mifugo na Uvuvi, Mhe. Balozi Dkt. Bashiru Ally Kakurwa wakati wa ziara yake mkoani Mwanza kwenye Shamba la Ufugaji Samaki kwa Njia ya Vizimba  la Big Best Company Limited lililopo Ilemela mkoani humo.

Alieleza kuwa serikali kupitia wizara anayoisimamia inaendelea kuwahamasisha wawekezaji wakubwa katika sekta ya uvuvi kuchangamkia fursa ya kuwekeza katika viwanda vya chakula cha samaki huku  na akasisitiza juu ya matumizi ya Sayansi, tafiti pamoja na vifaranga vyenye ubora katika ufugaji wa samaki.

"Wawekezaji wakubwa wa sekta ya uvuvi changamkieni fursa ya kuwekeza kwenye viwanda vya kuzalisha vyakula vya samaki, sekta hii ya ukuzaji viumbe maji ndio inakuwa hapa nchini, ni lazima uzalishaji wenu uzingatie matumizi sahihi ya Sayansi na tafiti, sasa taasisi yetu ya utafiti TAFIRI ishirikiane na wawekezaji kufanya tafiti za ubora wa vifaranga vyetu nchini" amesema Mhe. Balozi Dkt. Bashiru.

Katika hatua nyingine Balozi Dkt. Bashiru alieleza kuwa Serikali inakamilisha kanununi pamoja na sheria  ya kupiga marufuku kuvua, kuhifadhi, kusafirisha na kuuza samaki waliochini ya kiwango ambapo kwa sasa zoezi la utoaji wa elimu ya uvuvi endelevu kwa wavuvi linaendelea kabla ya kanuni na sheria hiyo kuanza kutumika.

Kwa upande wake, Kaimu Mwenyekiti wa Bodi ya Wakurugenzi ya Kampuni ya 'The Big Best Company Limited', Prof. Samwel Mchele Limbu amesema shamba hilo linauwezo wa kuzalisha vifaranga vya samaki milioni 8 na kwamba kampuni hiyo yenye thamani ya shilingi Bilioni 205 ina vizimba 250 vya kulelea samaki, vizimba 500 vya kuvunia samaki na tayari ipo kwenye mpango wa ujenzi wa Kiwanda  chenye uwezo wa kuzalisha tani 72,000 za chakula cha samaki kwa mwaka mkoani Mwanza.

Kwa Upande wake Mbunge wa Jimbo la Ilemela, Mhe. William Kafiti ameiomba serikali kupitia Wizara ya Mifugo na Uvuvi kuendelea na utambuzi na usimamizi mipaka ya maeneo ya uvuvi ili kuondoa migogoro baina ya watumiaji wa Ziwa Victoria, huku baadhi ya wananchi wamesema uwepo wa Shamba la ufugaji samaki kwa njia ya vizimba (TBB) sio tu umekuwa ukiwanufaisha kiuchumi bali pia  umekuwa ukiwasaidia kupatiwa huduma za kijamii.


Waziri wa Mifugo na Uvuvi, Mhe. Balozi Dkt. Bashiru Ally Kakurwa (Katikati)akitoa maelekezo baada ya kukagua uzalishaji wa Vifaranga vya Samaki katika shamba la Ufugaji Samaki kwa Njia ya Vizimba la The Big Best Company Limited wakati wa ziara yake mkoani Mwanza leo Agosti 10, 2026.


Waziri wa Mifugo na Uvuvi, Mhe. Balozi Dkt. Bashiru Ally Kakurwa (watatu kulia) akigaua ghala la kuhifadhia chakula cha samaki katika shamba la Ufugaji Samaki kwa Njia ya Vizimba la The Big Best Company Limited wakati wa ziara yake mkoani Mwanza leo Agosti 10, 2026.

Baadhi ya Mabwawa  ya kufugia Samaki katika Shamba la Ufugaji wa Samaki kwa njia ya Vizimba la The Big Best Company Limited yanayotumika kwa uzalishaji wa samaki




Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma