MHE. MACHA AWATAKA VIJANA KUTUMIA MIKOPO KWA USAHIHI ILI KUJENGA UCHUMI IMARA

Mkuu wa Mkoa wa Simiyu, Mhe. Anamringa Macha, leo Agosti 5, 2026, amefungua mafunzo ya Programu ya Uwezeshaji Vijana Kiuchumi na kuwataka vijana walionufaika na mikopo ya Serikali kuitumia kwa malengo yaliyokusudiwa ili iwe chachu ya kujikwamua kiuchumi na kuchochea maendeleo ya Taifa.

Akizungumza wakati wa ufunguzi wa mafunzo hayo, Mhe. Macha amesema kuwa mafanikio ya vijana katika miradi ya mifugo na uvuvi yanategemea utayari wao wa kujifunza, kufanya kazi kwa bidii na kuzingatia ushauri wa wataalamu. Amesema vijana wanapaswa kujifunza kutoka kwa wataalamu wa mifugo pamoja na wafugaji wenye uzoefu wa ufugaji wa kisasa ili wapate maarifa na mbinu bora zitakazowawezesha kuongeza uzalishaji na kuendesha miradi yao kwa ufanisi.

"Ninawasihi mtumie mikopo hii kwa malengo yaliyokusudiwa na mjifunze kutoka kwa wataalamu wa mifugo pamoja na wafugaji wenye uzoefu ili muweze kuendesha miradi yenu kwa ufanisi. Msiwe na haraka ya kutafuta mafanikio, kwani yanahitaji uvumilivu, nidhamu na usimamizi mzuri. Pia, hakikisheni mnarejesha mikopo kwa wakati ili vijana wengine nao wanufaike na fursa hii iliyotolewa na Serikali chini ya uongozi wa Mhe. Dkt. Samia Suluhu Hassan," amesema Mhe.  Macha.

Kwa upande wake, Katibu Tawala wa Mkoa wa Simiyu, Bi. Prisca Kayombo, amewataka vijana kuhakikisha mikopo waliyopewa inatumika kikamilifu katika shughuli zilizokusudiwa, huku akisisitiza umuhimu wa usimamizi mzuri wa miradi ili kufikia malengo ya Programu ya Uwezeshaji Vijana Kiuchumi.

Mafunzo hayo yanawawezesha wanufaika kupata ujuzi wa usimamizi wa miradi, matumizi sahihi ya mikopo pamoja na mbinu bora za uzalishaji katika sekta za mifugo na uvuvi. Mafunzo hayo yanatolewa na wataalamu kutoka Wizara ya Mifugo na Uvuvi kwa kushirikiana na Benki ya Maendeleo ya Kilimo Tanzania (TADB), yakilenga kuwawezesha vijana kujenga uchumi endelevu kupitia miradi yenye tija.

Mkuu wa Mkoa wa Simiyu, Mhe. Anamringa Macha, akizungumza na wanufaika wa Programu ya Uwezeshaji Vijana Kiuchumi leo, Agosti 5, 2026, katika Ukumbi wa Ofisi ya Mkuu wa Mkoa wa Simiyu. Amewahimiza kutumia mikopo kwa malengo yaliyokusudiwa na kuendesha miradi yao kwa bidii ili kupata matokeo yenye tija.

Katibu Tawala wa Mkoa wa Simiyu, Bi. Prisca Kayombo, akizungumza na wanufaika wa Programu ya Uwezeshaji Vijana Kiuchumi leo, Agosti 5, 2026, katika Ukumbi wa Ofisi ya Mkuu wa Mkoa wa Simiyu. Amewasisitiza kutumia mikopo kwa malengo yaliyokusudiwa ili kufanikisha utekelezaji wa miradi yao na kujiongezea kipato.

Afisa Uvuvi Mkuu kutoka Wizara ya Mifugo na Uvuvi, Bw. Bugomba akizungumza na wanufaika wa Programu ya Uwezeshaji Vijana Kiuchumi leo, Agosti 5, 2026, katika Ukumbi wa Ofisi ya Mkuu wa Mkoa wa Simiyu. Mafunzo hayo yanalenga kuwaongezea vijana ujuzi wa usimamizi wa miradi, matumizi sahihi ya mikopo na mbinu bora za uzalishaji.

Afisa Miradi kutoka Benki ya Maendeleo ya Kilimo Tanzania (TADB), Bw. Elias Gamba, akitoa mafunzo kwa wanufaika wa Programu ya Uwezeshaji Vijana Kiuchumi leo, Agosti 5, 2026, katika Ukumbi wa Ofisi ya Mkuu wa Mkoa wa Simiyu. Mafunzo hayo yalijikita katika matumizi sahihi ya mikopo na usimamizi wa miradi ili kuhakikisha uwekezaji wenye tija na endelevu.

Mkuu wa Mkoa wa Simiyu, Mhe. Anamringa Macha, ( katikati mstari wa mbele), akiwa katika picha ya pamoja na wanufaika wa Programu ya Uwezeshaji Vijana Kiuchumi baada ya ufunguzi wa mafunzo yaliyofanyika leo, Agosti 5, 2026.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma