DKT. MADELE: LISHE DUNI YA PROTINI NI CHANZO KIKUU CHA UDUMAVU

 Na. Stanley Brayton, WMUV

Naibu Katibu Mkuu wa Wizara ya Mifugo na Uvuvi (Mifugo), Dkt. Fabian Magawa Madele, amesema ulaji mdogo wa vyakula vyenye protini ni miongoni mwa sababu kuu zinazochangia tatizo la udumavu, hususan kwa watoto, na kuwataka wananchi kuongeza matumizi ya bidhaa zitokanazo na mifugo na uvuvi ili kuboresha afya na ustawi wa jamii.

Dkt. Madele aliyasema hayo leo Agosti 7, 2026, katika Viwanja vya Ngongo mkoani Lindi wakati wa Maonesho ya Nanenane Kanda ya Kusini, alipokuwa akizungumza kwa niaba ya Katibu Mkuu wa Wizara ya Mifugo na Uvuvi katika shughuli za kuhamasisha ulaji wa bidhaa za mifugo na uvuvi.

Alisema bidhaa zinazotokana na mifugo, samaki na viumbe wengine wa majini zina mchango mkubwa katika kuboresha lishe, ukuaji wa watoto, kuongeza ufanisi wa kazi na kujenga taifa lenye nguvu kazi yenye afya na tija.

"Taifa lenye wananchi wenye afya bora lina uwezo mkubwa wa kuzalisha, kubuni na kupunguza gharama za matibabu zinazotokana na magonjwa yanayozuilika kwa lishe bora," alisema Dkt. Madele.

Alisisitiza kuwa lishe bora ni nguzo muhimu katika kuboresha afya ya mama na mtoto, kupunguza vifo vya wajawazito na watoto walio chini ya umri wa miaka mitano, pamoja na kupunguza tatizo la udumavu na ukuaji duni.

Akitoa takwimu za matumizi ya bidhaa za mifugo na uvuvi nchini, Dkt. Madele alisema kiwango cha ulaji bado hakijafikia viwango vinavyoshauriwa, na alieleza kuwa Mtanzania kwa wastani hula kilo 10.1 za samaki kwa mwaka badala ya kilo 20 zinazopendekezwa, kilo 18.4 za nyama badala ya kilo 50, mayai 132 badala ya 300, na lita 70.5 za maziwa badala ya lita 200 kwa mwaka.

Aidha, alisema Tanzania imejaliwa kuwa na rasilimali nyingi zinazowezesha maendeleo ya sekta ya mifugo na uvuvi, zikiwemo bahari, maziwa, mito, mabwawa na nyanda za malisho, lakini fursa hizo bado hazijatumika kikamilifu kuongeza uzalishaji wa bidhaa za asili ya wanyama.

Kutokana na hali hiyo, aliwahimiza wananchi kuwekeza katika ufugaji wa kuku wa kienyeji, mbuzi, ng'ombe wa maziwa, samaki, jongoo bahari, kilimo cha mwani na ukuzaji wa viumbe wengine wa majini ili kuongeza upatikanaji wa protini kwa gharama nafuu na kuboresha lishe ya familia.

Pia aliwataka wafugaji kushiriki kikamilifu katika kampeni ya chanjo na utambuzi wa mifugo ili kulinda afya ya mifugo na kuhakikisha uzalishaji wa nyama salama na yenye ubora kwa walaji.

Vilevile, Dkt. Madele alisema Serikali kupitia Wizara ya Mifugo na Uvuvi inaendelea kutekeleza programu ya Jenga Kesho Iliyo Bora (BBT), inayolenga kuwawezesha vijana na wanawake kujiajiri kupitia sekta za mifugo na uvuvi kwa kuwapatia mafunzo, mitaji yenye masharti nafuu na usimamizi wa kitaalamu.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele, akihutubia na kuhamasisha wadau wa Sekta za Mifugo, Uvuvi na Kilimo, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Mkuu wa Wilaya ya Kilwa, Mhe. Mohamed Nyundo, akitoa neno la utangulizi, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Picha ni wadau wa Sekta za Mifugo, Uvuvi na Kilimo, wakimsikiliza Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele (hayupo pichani), katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Afisa Uvuvi Mwandamizi wa Wizara ya Mifugo na Uvuvi, Bi. Fatuma Rajabu Juma (kushoto), akimuelezea Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele (kulia), juu ya ubora wa bidhaa zitokanazo na mwani, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Picha ni wadau wa Sekta za Mifugo, Uvuvi na Kilimo, wakiwa kwenye foleni kwa ajili ya kupata chakula kilichotokana na bidhaa za Mifugo na Uvuvi, baada ya kuhamasishwa Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele (hayupo pichani) juu ya ulaji wa Vyakula vyenye protini, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele, akilisha Samaki, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Naibu Katibu Mkuu Wizara ya Mifugo na Uvuvi (Mifugo), Dkt. Fabian Magawa Madele (wa tatu kushoto), akihamasisha uchanjaji wa Mifugo pamoja na utambuzi, katika Maonesho ya Nanenane Kanda ya Kusini, yaliyofanyika katika Viwanja vya Maonesho ya Ngongo, wakati wa uhamasishaji wa ulaji wa bidhaa zitokanazo na Mifugo na Uvuvi, Agosti 7, 2026, Lindi.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma