DKT. BASHIRU: CHUO CHA KAOLE KITOVU CHA ELIMU YA KILIMO NA MIFUGO

Waziri wa Mifugo na Uvuvi, Mhe. Balozi Dkt. Bashiru Ally Kakurwa, amekitaja Chuo cha Kilimo na Mafunzo ya Mifugo Kaole kilichopo Bagamoyo Mkoani Pwani kuwa ni mfano wa mafanikio ya mageuzi kutoka kuwa eneo la harakati za ukombozi wa Afrika hadi kuwa kitovu cha kuzalisha wataalamu wa kilimo na mifugo wanaochangia maendeleo ya uchumi wa Taifa.

Akizungumza katika Mahafali ya Kumi ya Chuo hicho iliyofanyika leo Agosti 6, 2026, Mhe. Balozi Dkt. Bashiru  alisema kabla ya kuwa taasisi ya elimu, eneo la Kaole lilitumika kama kambi ya mafunzo ya wapigania uhuru wa Msumbiji kupitia Chama cha FRELIMO  ambapo baada ya nchi hiyo kupata uhuru mwaka 1975, eneo hilo lilikabidhiwa kwa Serikali ya Jamhuri ya Muungano wa Tanzania na baadaye kusimamiwa na Jumuiya ya Wazazi Tanzania kwa lengo la kuendeleza elimu na mafunzo ya ufundi stadi.

"Kaole imebadilika kutoka kuwa kitovu cha mapambano ya ukombozi wa kisiasa na sasa ni kitovu cha mapambano ya maendeleo ya kiuchumi kupitia elimu inayolenga kuongeza uzalishaji, kuimarisha usalama wa chakula, kupunguza umaskini na kuwawezesha vijana kujiajiri na kuajiri wengine" alisema Balozi Dkt. Bashiru.

Aidha, alieleza kuwa Serikali ya Awamu ya Sita chini ya Mhe. Rais Dkt. Samia Suluhu Hassan imeendelea kuwekeza katika elimu ya ujuzi, sayansi na teknolojia ikiwa ni pamoja na utoaji wa mikopo kwa wanafunzi kwa kutambua kuwa maendeleo ya Taifa yanategemea ubora wa rasilimali watu wake.

Kwa upande wake, Katibu Mkuu wa Jumuiya ya Wazazi ya Chama cha Mapinduzi (CCM) Tanzania Bara, Ndugu Ally Salum Hapi alisema chama hicho kitaendelea kukisimamia Chuo cha Kaole ili kuendelea kuzalisha wataalam wa sekta za kilimo na mifugo kwani sekta  hizo zinazowagusa wananchi wengi na zinaimarisha wa usalama wa chakula.

Kwa upande wake, Mkuu wa Chuo hicho Bw. Yeremiah Samson amesema tangu kuanzishwa kwake Mwaka 2012, Chuo hicho kimekuwa kikizalisha wataalam  wenye weledi wa kuhudumu katika sekta  za uzalishaji wa Kilimo na Mifugo ambapo idadi ya wanafunzi imeongezeka kutoka 33 wa mwanzo hadi zaidi ya 225 kwa sasa, huku risala ya wahitimu ikatoa mapendekezo ya kuboreshewa miundombinu ya kujifunzia kwa kuzingatia mageuzi ya teknolojia ili kuwa mafunzo yenye tija.

Aidha, Mahafali hayo yameenda sambamba na Uzinduzi wa Jengo la Kulala Wanafunzi waosoma chuoni hapo ambapo uzinduzi huo umefanywa na Waziri wa Mifugo na Uvuvi Mhe. Balozi. Dkt. Bashiru Ally Kakurwa ambaye yeye binafsi aliahidi kutoa mifuko 200 ya Saruji na shilingi Milioni 2 na kisha kuendesha harambee ya kuchangia fedha kwa ajili ya uboreshaji wa miundombinu ya kujifunza na kufundishia ili chuo hicho kiendelee kuzalisha wataalam wa kilimo na mifugo.

Waziri wa Mifugo na Uvuvi Mhe. Balozi Dkt. Bashiru Ally Kakurwa akizungumza wakati wa Mahali ya 10 ya Chuo cha Kilimo na Mifugo Kaole kilichopo Bagamoyo Mkoani Pwani Agosti, 06, 2026.

Waziri wa Mifugo na Uvuvi, Mhe. Balozi Dkt. Bashiru Ally Kakurwa(watatu kutokea kulia) akiwa kwenye maandamano ya Mahafali ya 10 ya Chuo cha Kilimo na Mifugo Kaole Kilochopo Bagamoyo mkoani Pwani leo Agosti 06, 2026, kushoto kwake ni Katibu Mkuu wa Jumuiya ya Wazazi Taifa (Bara) Ndg. Ally Salum Hapi.

Wahitimu wa Stashahada ya Sayansi ya Mifugo kutoka Chuo cha Kilimo na Mifugo Kaole wakila kiapo cha kwenda kutumikia taaluma hiyo kwa wananchi Wakati wa mahafali ya 10 ya Chuo hicho kilichopo Bagamoyo mkoani Pwani Agosti 6, 2026.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akikata utepe kuzindua Bweli la Wanafunzi Wavulana wakati wa Mahafali ya 10 ya Chuo hicho iliyofanyika leo Agosti 06, 2026 Bagamoyo Pwani.

Katibu Mkuu wa Jumuiya ya Wazazi Taifa (Bara) Ndugu Ally Salum Hapi akizungumzia Jinsi Chama cha Mapinduzi kitakavyosimamia maendeleo ya Chuo cha Kilimo na Mifugo Kaole wakati wa Mahafali ya 10 ya chuo hicho iliyofanyika leo Agosti 6, 2026 Bagamoyo Pwani.

Waziri wa Mifugo na Uvuvi, Mhe. Balozi Dkt. Bashiru Ally Kakurwa akiwa kwenye picha ya pamoja na baadhi ya wahitimu wa Chuo cha Kilimo na Mifugo Kaole cha Bagamoyo Mkoani Pwani wakati wa Mahafali ya 10 ya Chuo hicho leo Agosti 6, 2026.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma