CHUO CHA MAFUNZO YA MIFUGO KUJENGWA SAMUNGE NGORONGORO

 Na. Stanley Brayton, WMUV

Wizara ya Mifugo na Uvuvi kupitia Taasisi ya Wakala wa Vyuo vya Mafunzo ya Mifugo Tanzania (LITA) pamoja na kikundi rika cha jamii ya wafugaji wa kata ya Samunge (Erumasidai) wamekuja na Mkakati mpya wa kujenga Chuo cha Mafunzo ya Mifugo katika Wilaya ya Ngorongoro, mkoani Arusha, ikiwa ni sehemu ya jitihada za kuimarisha elimu na huduma za kitaalam kwa wafugaji katika eneo hilo.

Chuo hicho kinatarajiwa kuwa kituo muhimu cha mafunzo kwa wafugaji, vijana na wadau wa sekta ya mifugo, kwa kuwapatia ujuzi wa kisasa kuhusu ufugaji bora, afya ya mifugo, lishe, uzalishaji pamoja na namna ya kukabiliana na changamoto mbalimbali zinazowakabili wafugaji.

Akizungumza Agosti 24, 2026 Wilayani Ngorongoro jijini Arusha wakati wa ziara yake ya kutembelea wafugaji wa eneo la Ngorongoro, Mtendaji Mkuu wa LITA, Dkt. Pius Lazaro Mwambene, amesema mpango huo unalenga kusogeza elimu ya mifugo karibu na wafugaji na kuhakikisha wanapata maarifa yatakayowawezesha kuongeza tija na kuboresha maisha yao.

Aidha, Dkt. Mwambene amesema Serikali imeridhia kikundi hicho kujenga Chuo kwani uwepo wa chuo hicho utasaidia kujenga kizazi cha wafugaji wenye uelewa mpana wa matumizi ya teknolojia na mbinu bora za ufugaji, huku akisisitiza umuhimu wa kushirikisha jamii katika hatua zote za utekelezaji wa mpango huo.

“Tunataka elimu ya mifugo iwafikie wafugaji moja kwa moja, kujenga chuo katika eneo hili kutatoa fursa kwa vijana na wafugaji kupata mafunzo bila kulazimika kwenda mbali kutafuta ujuzi, na lengo la Serikali ni kuona ufugaji unakuwa wa kisasa, wenye tija na unaozingatia mazingira,” amesema Dkt. Mwambene

Vilevile, Dkt. Mwambene amewapongeza wanakikundi hicho kwa kufikia uamuzi huo, na kuwataka wazingatie matakwa ya ujengaji wa Chuo hicho kwa kufuata taratibu zote za uanzishwaji Chuo, pamoja na uwepo wa uwepo wa madarasa, maabara ya Mifugo, kliniki ya Mifugo, Hosteli za wanafunzi, maeneo ya wanafunzi kujifunzia upandaji wa malisho, jengo la Utawala na sehemu ya kulia chakula na huduma ya kwanza.

Dkt. Mwambene amebainisha kuwa serikali itakuwa nao bega kwa pega katika kuhakikisha Chuo hicho kinakamilika kwa wakati na kwa ubora zaidi unaokidhi vigezo ili kuweza kutoa elimu Bora kwa Vijana na wafugaji.

Kwa upande wake, Kiongozi wa rika la jamii ya mfugaji wa Samunge (Erumasidai), Bw. Elisante Shoide, amesema wao kama wanakikundi wanahitaji uwepo wa Chuo hicho katika eneo hilo na wamejipanga vyema katika kujenga Chuo hicho ili kuacha alama na mazingira mazuri kwa wafugaji ili waweze kupata elimu ya kisasa ya ufugaji.

“Sisi wafugaji tunahitaji elimu na wataalam walio karibu nasi, na tukipata maarifa sahihi kuhusu afya ya mifugo, malisho na namna bora ya kufuga, tutakuwa na uwezo wa kuongeza uzalishaji na kuboresha maisha yetu,” amesema Bw. Shoide

Bw. Shoide amesema uwepo wa chuo hicho utawapa vijana wa eneo la Ngorongoro fursa ya kupata ujuzi na ajira, huku ukisaidia kuongeza idadi ya wataalam wa mifugo wanaopatikana katika maeneo ya wafugaji.

Mpango huo unakuja wakati ambapo sekta ya mifugo nchini inaendelea kuhitaji wataalam na wafugaji wenye ujuzi wa kukabiliana na mabadiliko ya teknolojia, magonjwa ya mifugo, changamoto za lishe pamoja na athari za mabadiliko ya tabianchi.

Endapo mpango huo utatekelezwa, Chuo cha Mafunzo ya Mifugo Ngorongoro kinaweza kuwa miongoni mwa vituo muhimu vya kukuza ujuzi wa ufugaji na kuongeza tija kwa wafugaji katika eneo hilo na maeneo jirani.

Picha ni baadhi ya kundi rika la jamii ya wafugaji wa Samunge (Erumasidai), wakiwa kwenye kikao na Watendaji wa Wizara ya Mifugo na Uvuvi pamoja na Watendaji wa Halmashauri ya Wilaya ya Ngorongoro wakijadili namna watakavyotekeleza ujenzi wa Chuo cha Mifugo katika kata hiyo ya Samunge, Agosti 24, 2026, Ngorongoro - Arusha.

Mtendaji Mkuu wa Taasisi ya Wakala wa Vyuo vya Mafunzo ya Mifugo Tanzania (LITA), Dkt. Pius Lazaro Mwambene, akizungumza na kikundi rika cha wafugaji wa Samunge (Erumasidai) juu ya ujenzi wa Chuo cha Mifugo katika kata hiyo, katika Ziara yake ya kikazi wilayani Ngorongoro, Agosti 24, 2026, Arusha.

Kiongozi wa Kikundi rika la jamii ya wafugaji wa Samunge (Erumasidai), Bw. Elisante Shoide, akielezea namna jinsi walivyojipanga katika kuhakikisha Ujenzi wa Chuo cha Mifugo unakamilika kwa ubora zaidi katika kata hiyo ya Samunge, Agosti 24, 2026, Ngorongoro - Arusha.

Picha ni eneo ambalo kitajengwa Chuo cha Mifugo katika  kata ya Samunge, Agosti 24, 2026, Ngorongoro - Arusha.

Maoni

Chapisha Maoni

Machapisho maarufu kutoka blogu hii

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma