WIZARA YA MIFUGO NA UVUVI MBIONI KUANZISHA KITUO CHA HUDUMA KWA WATEJA

Wizara ya Mifugo na Uvuvi ipo katika hatua za mwisho za kuanzisha Kituo cha Huduma kwa Wateja kitakacholenga kupokea, kusikiliza na kushughulikia changamoto za wadau wa sekta ya mifugo na uvuvi, sambamba na kutoa taarifa na ufafanuzi kuhusu huduma mbalimbali zinazotolewa na Wizara.

Akizungumza kwa niaba ya Katibu Mkuu wa Wizara ya Mifugo na Uvuvi wakati wa ufunguzi wa mafunzo ya kuwajengea uwezo watumishi kuhusu utoaji wa huduma bora kwa wateja yaliyofanyika leo, Julai 8, 2026, jijini Dodoma, Mkurugenzi wa Idara ya Utawala na Usimamizi wa Rasilimali Watu wa Wizara ya Mifugo na Uvuvi, Dkt. Charles Mhina, amesema hatua hiyo ni sehemu ya jitihada za wizara kuboresha utoaji wa huduma kwa wafugaji, wavuvi na wadau wengine wa sekta hizo.

Dkt. Mhina amesema mafunzo hayo yanawahusisha wataalamu walioteuliwa kutoka idara na vitengo mbalimbali vya wizara, kwa lengo la kuwajengea uwezo na ujuzi katika utoaji wa huduma bora kwa wateja, ambao utakuwa msingi wa ufanisi wa Kituo cha Huduma kwa Wateja.

"Mafunzo haya yamejumuisha wataalamu walioteuliwa kutoka idara na vitengo mbalimbali vya wizara, lengo kuu ni kuwajengea uwezo watumishi hao kwa kuwapatia mafunzo ya utoaji wa huduma bora kwa wateja," amesema Dkt. Mhina.

Ameongeza kuwa timu hiyo haitajikita katika utoaji wa huduma kwa wateja pekee, bali pia itashiriki kushughulikia masuala mbalimbali yatakayochochea mageuzi ya kiutendaji ndani ya wizara na kuongeza tija katika sekta za mifugo na uvuvi, hatua itakayowanufaisha wafugaji, wavuvi na wadau wengine kwa kuongeza uzalishaji na kuboresha huduma.

Mkurugenzi wa Utawala na Usimamizi wa Rasilimali Watu Wizara ya Mifugo na Uvuvi, Dkt. Charles Mhina, akielezea na kufafanua lengo la Mafunzo ya Huduma kwa Wateja kwa Watumishi wa Wizara hiyo, wakati wa ufunguzi wa mafunzo ya kuwajengea uwezo watumishi wa Wizara hiyo kuhusu utoaji wa huduma bora kwa wateja, Mafunzo yaliyofanyika katika Ukumbi wa Wizara hiyo - Mtumba, Julai 8, 2026 Dodoma.

Afisa Tawala Mkuu Wizara ya Mifugo na Uvuvi, Bi. Wamoja Ayubu, akitoa neno la Utangulizi, wakati wa ufunguzi wa mafunzo ya kuwajengea uwezo watumishi wa Wizara hiyo kuhusu utoaji wa huduma bora kwa wateja, Mafunzo yaliyofanyika katika Ukumbi wa Wizara hiyo - Mtumba, Julai 8, 2026 Dodoma.

Mhadhiri Chuo cha Mipango ya Maendeleo Vijijini (IRDP) - Dodoma, Bw. Julius Tarimo, akielezea maana ya Huduma kwa Wateja na Sifa za Mhudumu Bora kwa Wateja, wakati wa mafunzo ya kuwajengea uwezo watumishi wa Wizara ya Mifugo na Uvuvi kuhusu utoaji wa huduma bora kwa wateja, Mafunzo yaliyofanyika katika Ukumbi wa Wizara hiyo - Mtumba, Julai 8, 2026 Dodoma.

Baadhi ya Watumishi wa Wizara ya Mifugo na Uvuvi wakiwa katika mafunzo ya kuwajengea uwezo kuhusu utoaji wa huduma bora kwa wateja, Mafunzo yaliyofanyika katika Ukumbi wa Wizara hiyo - Mtumba, Julai 8, 2026 Dodoma.





Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma