TANZANIA YAPATA HESHIMA KUWA MWENYEJI KUANDAA KONGAMANO LA KIMATAIFA LA UKUZAJI VIUMBEMAJI

Na. Stanley Brayton

◾Dkt. Bashiru azindua Bodi ya Wakurugenzi ya Shirika la Uvuvi Tanzani (TAFICO) na Kitabu cha Mapishi ya Samaki.

Tanzania imepata heshima ya kuwa mwenyeji wa Kongamano la Kimataifa la Ukuzaji Viumbemaji Duniani (WA26T) na Kongamano la Ukuzaji Viumbemaji Afrika (AFRAQ26), baada ya Serikali ya Jamhuri ya Muungano wa Tanzania na Jumuiya ya Wakuzaji Viumbemaji Duniani (WAS) kusaini hati ya makubaliano ya maandalizi ya kongamano hilo litakalofanyika nchini Jijini Dar es Salaam katika Ukumbi wa Kituo cha Mikutano cha Kimataifa cha Julius Nyerere (JNICC), kuanzia Desemba 1 hadi 4, 2026.

Makubaliano hayo yamesainiwa leo Julai 13, 2026 Jijini Dar es Salaam na Waziri wa Mifugo na Uvuvi, Mheshimiwa Balozi Dkt. Bashiru Ally Kakurwa, kwa niaba ya Serikali, huku WAS ikiwakilishwa na Mwenyekiti wa Tawi la Afrika (AFRAQ), Prof. Julius Manyala.

Akizungumza baada ya utiaji saini huo, Mheshimiwa Balozi Dkt. Bashiru alisema uteuzi wa Tanzania kuwa mwenyeji wa kongamano hilo ni matokeo ya mafanikio makubwa yaliyopatikana katika sekta ya ukuzaji viumbemaji, hususan ongezeko la uzalishaji kwa zaidi ya asilimia 300 ndani ya kipindi cha miaka mitano.

Alifafanua kuwa uzalishaji wa viumbemaji umeongezeka kutoka tani 44,700 katika mwaka wa fedha 2020/2021 hadi tani 181,535.76 mwaka 2025/2026, hatua aliyoeleza kuwa imechangiwa na sera za Serikali za kuboresha mazingira ya uwekezaji, kuimarisha tafiti, kuendeleza matumizi ya teknolojia na kuongeza ushiriki wa sekta binafsi.

"WAS imeionesha Tanzania imani kubwa kwa kuipa fursa ya kuwa mwenyeji wa kongamano hili, na hii ni nafasi muhimu ya kuitangaza nchi yetu na kuonesha mafanikio tuliyoyapata katika sekta ya ukuzaji viumbemaji na Uchumi wa Buluu," alisema.

Alisema kongamano hilo linatarajiwa kushirikisha zaidi ya wajumbe 2,000 kutoka zaidi ya mataifa 100, wakiwemo watafiti, wawekezaji, watunga sera, wabunifu wa teknolojia na washirika wa maendeleo.

Kwa mujibu wa Waziri huyo, mkutano huo utafungua fursa za kuvutia uwekezaji, kuimarisha ushirikiano wa kimataifa, kubadilishana teknolojia na kuongeza masoko ya bidhaa za sekta ya uvuvi na ukuzaji viumbemaji.

Aliwataka wadau wote, wakiwemo vyuo vikuu, taasisi za utafiti, sekta binafsi, taasisi za fedha na mamlaka za serikali za mitaa, kushiriki kikamilifu katika maandalizi ya kongamano hilo ili kuhakikisha linafanikiwa na kuleta manufaa kwa taifa.

Katika hafla hiyo, Mheshimiwa Balozi Dkt. Bashiru pia alizindua Bodi mpya ya Wakurugenzi ya Shirika la Uvuvi Tanzania (TAFICO), yenye wajumbe wanane, pamoja na Kitabu cha Mapishi ya Samaki – Tanzania kilichoandaliwa kwa ushirikiano wa Serikali, WorldFish na Aquatic BioSolutions Tanzania (ABiST) kupitia Mradi wa PROFISHBLUE.

Alisema kitabu hicho kitasaidia kuhamasisha ulaji wa samaki, kuboresha lishe ya wananchi, kuongeza thamani ya mazao ya uvuvi na ukuzaji viumbemaji, pamoja na kupanua fursa za masoko ya bidhaa za sekta hiyo.

Kwa upande wake, Mwakilishi wa Katibu Mkuu Wizara ya Mifugo na Uvuvi, ambaye ni Naibu Katibu Mkuu wa Wizara hiyo (Uvuvi), Prof. Mohamed Ali Sheikh amesema Serikali imejiandaa vizuri kwa kuhakikisha Kongamano hilo linakuwa la kihistoria hapa nchini.

Naye, Mwakilishi wa WAS, ambaye ni Mwenyekiti wa AFRAQ, Prof. Julius Manyala ameishukuru Tanzania kwa kukubali kuwa Mwenyeji na Muandaaji wa Kongamano hilo.

Waziri wa Mifugo na Uvuvi, Mhe. Balozi Dkt. Bashiru Ally Kakurwa, akihutubia wadau wa Sekta ya Uvuvi, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Naibu Katibu Mkuu Wizara ya Mifugo na Uvuvi (Uvuvi), Prof. Mohamed Sheikh, akizungumza na wadau wa Sekta ya Uvuvi, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Mkurugenzi wa Idara ya Ukuzaji Viumbe Maji Nchini, Dkt. Nazael Madalla, akitoa neno la Utangulizi, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Mwenyekiti wa AFRAQ, Prof. Julius Manyala, akitoa neno la Shukrani kwa Jamhuri ya Muungano wa Tanzania kukubali kuwa Mwenyeji wa Kongamano la Ukuzaji Viumbemaji Duniani, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Naibu Katibu Mkuu Wizara ya Mifugo na Uvuvi (Uvuvi), Prof. Mohamed Sheikh (kulia) na Mwenyekiti wa AFRAQ, Prof. Julius Manyala (kushoto), wakikabidhiana hati za Makubaliano ya Tanzania kukubali kuwa Mwenyeji wa Kongamano la Ukuzaji Viumbemaji Duniani, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (katikati), akizindua Kitabu cha Mapishi ya Samaki, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam, kushoto ni Mwenyekiti wa Bodi ya Wakurugenzi TAFICO, Prof. Yunus Mgaya.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (wa tatu kushoto), akiwa na Viongozi mbalimbali wakiwa wameshikilia Vitabu vya Mapishi ya Samaki, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (kulia), akimkabidhi nyaraka za Utendaji kazi Afisa Mtendaji Makuu wa Shirika la Uvuvi Tanzania (TAFICO), CPA Shaibu Matessa (kushoto), katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Wadau wa Sekta ya Uvuvi wakiwa katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Waziri wa Mifugo na Uvuvi, Mhe. Balozi Dkt. Bashiru Ally Kakurwa (wa Sita kushoto), akiwa katika picha ya pamoja na wadau wa Sekta ya Uvuvi, katika Hafla ya Uzinduzi na Utiaji Saini wa Makubaliano ya Tanzania kuwa Mwenyeji na Muandaaji wa Kongamano la Ukuzaji Viumbemaji Duniani kwa mwaka 2026 (WA26T) na Kongamano la Ukuzaji Viumbemaji Afrika (AFRAQ26) pamoja na Uzinduzi wa Bodi ya Wakurugenzi wa Shirika la Uvuvi Tanzania (TAFICO), iliyofanyika katika Ukumbi wa TAFICO - Kigamboni, Julai 13, 2026 Dar es Salaam.

Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma