NARCO YAZINDUA "BULLDOZER " KUIMARISHA SEKTA YA MIFUGO

 Kampuni ya Ranchi za Taifa (NARCO) imezindua "bulldozer" lenye thamani ya Shilingi milioni 450 katika Ranchi ya NARCO Ruvu, hatua inayolenga kuimarisha usimamizi wa Ranchi hiyo, na kuongeza upatikanaji wa malisho, maji pamoja na kukuza uzalishaji wa mifugo nchini.

Akizungumza Leo Julai 20, 2026 wakati wa hafla ya uzinduzi huo, Mwenyekiti wa Bodi ya Wakurugenzi wa NARCO, Balozi Dkt. Aziz Ponary Mlima, amesema ununuzi wa "bulldozer" hilo ni sehemu ya utekelezaji wa malengo ya DIRA ya Taifa ya 2050, huku akibainisha kuwa litasaidia kukabiliana na changamoto za malisho na maji ambazo zinawakabili wafugaji nchini.

"Bulldozer hili litatumika kuchimba visima vya maji, kuondoa vichaka vinavyozuia ukuaji wa malisho na kutengeneza mipaka ya Ranchi ili kudhibiti uvamizi, na Ranchi hii ya NARCO Ruvu ndiyo ya kwanza kunufaika na matumizi ya mashine hii ambayo pia itasaidia kuboresha mazingira ya uwekezaji ndani ya ranchi za taifa." Amesema Dkt. Mlima

Balozi Dkt. Mlima ameongeza kuwa NARCO itaendelea kuwawezesha wawekezaji waliopo ndani ya Ranchi kwa kuwapatia huduma mbalimbali ikiwemo ukodishaji wa mitambo, hatua itakayoongeza tija ya uzalishaji na kuchangia kuongezeka kwa mapato ya Serikali. 

Pia, Dkt. Mlima amewahimiza wafugaji kuwekeza katika mbegu bora za mifugo, madume bora, teknolojia ya uhimilishaji na matumizi ya viini tete ili kuongeza uzalishaji.

Kwa upande wake, Mkurugenzi Mtendaji wa Kampuni ya Ranchi za Taifa (NARCO), Mohamedi Zuberi Mbwana, amesema malengo makuu ya ununuzi wa "bulldozer" hilo ni kuongeza na kuboresha nyanda za malisho, kukuza uzalishaji wa nyama kwa ajili ya masoko ya ndani na nje ya nchi pamoja na kusaidia wafugaji kukabiliana na changamoto za malisho wakati wa kiangazi.

Aidha Mkurugenzi Mbwana, ametoa Rai Kwa wafugaji na wawekezaji kutumia "Bulldozer" hilo la NARCO ili waweze kubadili mfumo wao wa ufugaji Kwa kupanda malisho na kuondoa  vichaka. Vilevile Serikali imeazimia kuongeza tani za uuzaji wa nyama nje ya nchi kutoka tani 14000 Kwa sasa mpaka tani 50000 ifikapo mwaka 2030, NARCO inajukumu la kuongeza uuzaji huo wa nyama nje ya nchi.

Naye, mmoja wa wawekezaji katika Ranchi ya NARCO Ruvu, Bw. Mbambile Kisanjo, ameipongeza Serikali kwa kuleta "bulldozer" hilo akisema litasaidia kuboresha upatikanaji wa malisho, kutatua changamoto za mipaka, kuondoa vichaka na kuongeza upatikanaji wa maji kwa ajili ya mifugo, mambo ambayo yataongeza tija kwa wawekezaji na wafugaji wanaotumia ranchi hiyo.

Uzinduzi wa "bulldozer" hilo unaonyesha dhamira ya Serikali kupitia NARCO katika kuendelea kuwekeza katika miundombinu ya kisasa ya ufugaji ili kuongeza tija, uzalishaji na mchango wa sekta ya mifugo katika ukuaji wa uchumi wa taifa, sambamba na kufanikisha malengo ya DIRA ya Taifa ya 2050.

Mwenyekiti wa Bodi ya Wakurugenzi wa Kampuni ya Ranchi za Taifa (NARCO), Balozi Dkt. Aziz Ponary Milima (katikati), akikata utepe kuashiria uzinduzi rasmi wa "bulldozer" lenye thamani ya Shilingi milioni 450 katika Ranchi ya NARCO Ruvu. Uzinduzi huo unalenga kuimarisha upatikanaji wa malisho na maji, kuboresha miundombinu ya ranchi pamoja na kuongeza uzalishaji wa mifugo nchini. Hafla hiyo ilifanyika Julai 20, 2026 katika Ranchi ya NARCO Ruvu, mkoani Pwani.

Mwenyekiti wa Bodi ya Wakurugenzi wa Kampuni ya Ranchi za Taifa (NARCO), Balozi Dkt. Aziz Ponary Mlima, akizungumza na wawekezaji waliopo katika Ranchi ya NARCO Ruvu wakati wa hafla ya uzinduzi wa "bulldozer" lenye thamani ya Shilingi milioni 450, lililonunuliwa kwa lengo la kuboresha upatikanaji wa malisho na maji, kuimarisha miundombinu ya ranchi na kuongeza uzalishaji wa mifugo nchini. Hafla hiyo ilifanyika Julai 20, 2026 katika Ranchi ya NARCO Ruvu, mkoani Pwani.

Mkurugenzi Mtendaji wa Kampuni ya Ranchi za Taifa (NARCO), Mohamedi Zuberi Mbwana, akizungumza na wawekezaji wakati wa hafla ya uzinduzi wa "bulldozer" lenye thamani ya Shilingi milioni 450 katika Ranchi ya NARCO Ruvu. Amesema ununuzi wa bulldozer hilo unalenga kuongeza na kuboresha nyanda za malisho, kukuza uzalishaji wa nyama kwa ajili ya masoko ya ndani na nje ya nchi pamoja na kusaidia wafugaji kukabiliana na changamoto za ukame na kiangazi. Hafla hiyo ilifanyika Julai 20, 2026 katika Ranchi ya NARCO Ruvu, mkoani Pwani.


Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma