DKT. MADELE AVUTIWA NA JUHUDI ZA SEKTA BINAFSI UTEKELEZAJI DIRA 2025-2050

Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele amevutiwa na jitihada zinazoendelea kuchukuliwa na sekta binafsi kwenye kutafsiri kwa vitendo Dira ya Maendeleo ya mwaka 2025-2050.

Hayo yamejiri wakati wa ziara yake ya kutembelea Kiwanda cha kusindika maziwa cha Kilimanjaro na Shamba la Mwekezaji binafsi la kuzalisha malisho na maziwa la NURU mkoani Arusha Julai 18,2026 ambapo amewapongeza wadau hao kwa kuwa na maono yanayounga mkono juhudi za Serikali za kuendeleza sekta ya Mifugo.

Akiwa kwenye kiwanda cha Kilimanjaro Dkt. Madele amesema kuwa kiwanda hicho mbali na kuwa fursa ya kuwahamasisha wafugaji kuzalisha maziwa kwa wingi kimetekeleza kwa vitendo sehemu ya vipengele vilivyopo kwenye mradi wa Mageuzi ya Tasnia ya Maziwa na Mabadiliko ya tabia nchi kwa kuwakusanya wafugaji kwenye vikundi na kujenga vituo vya kukusanyia maziwa.

“Sisi kama Serikali kupitia mradi huo tumeanza  kuongeza nguvu kwenye matumizi ya teknolojia ya uhimilishaji ili kuhakikisha wafugaji wetu wanapata ng’ombe wanaozalisha maziwa kwa wingi kwa sababu mpaka sasa pamoja na uwekezaji mkubwa uliofanyika kwenye viwanda hivi bado asilimia kubwa vinazalisha chini ya nusu ya kiwango chake kilichosimikwa” Ameongeza Dkt. Madele.

Akiwa kwenye shamba la mwekezaji binafsi la kuzalisha malisho ya Mifugo na maziwa la Nuru lililopo Wilaya ya Arumeru,Dkt. Madele amempongeza mwekezaji huyo kwa kuwa na maono ya muda mrefu yanayoonesha namna alivyodhamiria kufanya mapinduzi kwenye ufugaji ambapo ameahidi kumsaidia kumuunganisha na Taasisi za fedha ili aweze kutekeleza azma yake.

“Changamoto kubwa inayokukabili hapa ni mtaji na mpaka sasa najiuliza mtu mwenye uwekezaji wa aina hii unawezaje kukosa mkopo wakati kuna watu wanapata mikopo wakiwa na “briefcase” tu mkononi, hili haliwezekani ntaenda kukaa na wataalam wetu tuone namna gani tunaweza kukufanikishia kupata mkopo unaohitaji” Amesisitiza Dkt. Madele.

Mbali na kutembelea wadau hao, Dkt. Madele pia alitembelea Wakala ya Mafunzo ya Mifugo (LITA) kampasi ya Tengeru ambapo alivutiwa na uwezo mkubwa wa mafunzo kwa vitendo walionao wanafunzi wa kampasi hiyo kisha akaelekea kwenye Kituo cha Taifa cha uhimilishaji (NAIC) ambako alifanya kikao na wataalam wa Taasisi hiyo na wahimilishaji waliopo mikoa ya Arusha na Kilimanjaro ili kujadili changamoto zinazowakabili na kuzipatia ufumbuzi.

Meneja wa uzalishaji wa kiwanda cha kusindika maziwa cha Kilimanjaro Dkt. Fidelis Madzorera (kushoto) akimueleza Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele (wa pili kulia) ubora wa maziwa wanayozalisha wakati wa ziara ya Dkt. Madele na wataalam wake kiwandani hapo Julai 18,2026, Arusha. Kulia ni Mratibu wa Taifa wa mradi wa Mageuzi ya Tasnia ya maziwa na Mabadiliko ya Tabia nchi Dkt. Lazaro Kapella.

Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele (kulia) akizungumza na wanafunzi wa Wakala ya Mafunzo ya Mifugo nchini  (LITA) kampasi ya Tengeru iliyopo mkoani Arusha (kulia) mara baada ya kufika hapo Julai 18,2026.

Mkufunzi wa Wakala ya Mafunzo ya Mifugo nchini (LITA) kampasi ya Tengeru iliyopo mkoani Arusha Bi. Theresia Teti akimuelezea Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele namna wanavyohakiki ubora wa maziwa yanayotarajiwa kuanza kusindikwa kwenye kampasi hiyo wakati wa ziara ya Dkt. Madele na timu yake ya wataalam Julai 18,2026.

Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele (katikati) alitoa maelekezo kwa wataalam wake kuunga mkono juhudi za Mwekezaji wa shamba la uzalishaji malisho ya mifugo na maziwa la NURU lililopo Wilaya ya Arumeru mkoani Arusha mara baada ya kufika shambani hapo Julai 18,2026.

Mkurugenzi wa Shamba la kuzalisha mifugo na Maziwa la NURU Bw. Livingstone Nguma (wa pili kulia) akimueleza Naibu Katibu Mkuu Wizara ya Mifugo na Uvuvi (Mifugo) Dkt. Fabian Madele (katikati) kuhusu uwekezaji alioufanya shambani hapo wakati wa ziara ya Dkt. Madele na wataalam wake shambani hapo Julai 18,2026, Arusha.

Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

WATAALAMU WATAKIWA KUKUSANYA TAKWIMU SAHIHI ZA KITAFITI

Picha
Waziri wa Kilimo, Umwagiliaji, maliasili na Mifugo Mhe. Shamata Saame amewataka wataalamwa Sekta ya Mifugo na Uvuvi kuhakikisha wanachukua   takwimu sahihi wakati wa kukusanyataarifa za kitafiti    ili ziweze kuisaidia Serikali katika kupanga mipango yake. Waziri   Shaame ameyasema hayo wakati akifunga Kongamano la 46 la Uzalishaji na Uendelezaji wa Mifugo na Mkutano   Mkuu wa 47 wa Mwaka wa Chama cha Wataalamu wa Uzalishaji na Uendelezaji wa Mifugo na Uvuvi (TSAP) lililofanyika kwenye Ukumbi wa Olasit Garden, Arusha   Oktoba 27, 2023. "Takwimu sahihi kuhusu taarifa za mifugo na uvuvi zitasaidia kutunga sera,   kunyoosha maono, fikra na miongozo ya ilani ya chama cha mapinduzi kuweza kufikia   malengo ya kuwainua wananchi   kupata mafanikio kwa haraka," alisema Aliongeza kwa kusema kuwa Serikali inawategemea sana wataam na hivyo watumie vizuri teknolojia walizonazo ili zikaboreshe tasnia nzima ya ufugaji ili kupata maendeleo. “Wizara ...
Endelea kusoma

TANZANIA DAIRY BOARD

TANZANIA DAIRY BOARD (TDB) Milk for Health and Wealth creation EMPLOYMENT OPPORTUNITY Tanzania Dairy Board (TDB) was established by the Dairy Industry Act Cap.262 of 2004 and is mandated to develop, regulate and promote the Dairy Industry in Tanzania mainland. The Board promotes production, collection, processing, marketing and consumption of quality milk and dairy products by facilitating stakeholders’ activities. In order to implements its objectives, TDB would like to invite suitably qualified Tanzanians to join its lean, entrepreneurial and dynamic team by filling the following vacancies: 1. Dairy Production Services Officer II– 1 Post i. Duty Station: Dar es Salaam ii. Reporting To: Dairy Technical Services Department Manager Dairy Production Services Officer will be responsible for advising the dairy stakeholders to ensure compliance to Dairy Industry Act and its regulation. She/he will be specifically responsible for dairy inspection, provision of advisory serv...
Endelea kusoma