DKT. KILEMILE AONGOZA KIKAO CHA KUIMARISHA MATUMIZI YA TEKNOLOJIA ZA KIDIJITI KATIKA HUDUMA ZA AFYA YA WANYAMA

Msajili wa Baraza la Veterinari Tanzania, Dkt. Amani Kilemile, ameongoza kikao cha kujadili namna bora ya kuboresha ukusanyaji wa taarifa za huduma za afya ya Wanyama nchini kwa kutumia teknolojia za kidijiti kikao hicho kimefanyika Julai 15, 2026, katika Ukumbi wa Wizara ya Mifugo na Uvuvi, jijini Dodoma.

Akiongoza majadiliano hayo, Dkt. Kilemile alisisitiza umuhimu wa matumizi ya mfumo wa kidijiti utakao endana na mifumo ya serikali kwa lengo la kuimarisha upatikanaji wa taarifa sahihi na kwa wakati. 

Katika kikao hicho washiriki walijadili fursa na changamoto zilizopo katika matumizi ya mfumo uliopo sasa ili  kubaini maeneo yanayohitaji maboresho katika kuandaa uandaaji wa mfumo mpya wa kidijitali. 

Majadiliano yalijikita katika uboreshaji wa mifumo ya taarifa za afya ya wanyama, usimamizi wa taarifa za wataalamu wa mifugo, utoaji wa huduma kwa njia za kidijiti pamoja na kuimarisha uratibu na ushirikiano kati ya taasisi mbalimbali zinazohusika na sekta ya afya ya wanyama.

Kikao hicho kiliwakutanisha wataalam kutoka Wizara ya Mifugo na Uvuvi, Baraza la Veterinari Tanzania pamoja na wadau wa maendeleo wakiwemo Shirika la Brooke East Africa, ASPA na INADES Formation-Tanzania, ambao walitoa uzoefu na mapendekezo yatakayosaidia kuendeleza mchakato wa kidijitali katika huduma za afya ya wanyama nchini.








Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma