BARAZA LA KISEKTA LA MAWAZIRI AFRIKA MASHARIKI LA KILIMO NA USALAMA WA CHAKULA LAKUTANA

Baraza la Kisekta la Mawaziri wa Kilimo na Usalama wa Chakula la Jumuiya ya Afrika Mashariki (EAC) limekutana jijini Dar es Salaam kujadili masuala mbalimbali yanayolenga kuimarisha ushirikiano wa kikanda na kuleta mageuzi katika sekta za kilimo, mifugo na uvuvi kwa lengo la kuongeza uzalishaji, kuimarisha usalama wa chakula na kuboresha lishe katika ukanda wa Afrika Mashariki.

Akizungumza wakati wa Mkutano wa 19 wa Baraza hilo uliofanyika Julai 2, 2026, Naibu Katibu Mkuu wa Wizara ya Mifugo na Uvuvi (Uvuvi), Prof. Mohammed Sheikh, amesema wajumbe walijadili taarifa ya utekelezaji wa maazimio ya mikutano iliyopita, hali ya usalama wa chakula na lishe katika ukanda wa Afrika Mashariki, utekelezaji wa Mpango wa Maendeleo ya Sekta ya Mifugo na Uvuvi, pamoja na maendeleo ya utekelezaji wa Mpango wa Maendeleo ya Kilimo katika Bara la Afrika (CAADP).

Prof. Sheikh amesema Baraza hilo pia lilijadili mikakati mbalimbali ya kuimarisha maendeleo ya sekta hizo, ikiwemo Mkakati wa Kuendeleza Zao la Mpunga katika Jumuiya ya Afrika Mashariki, afua za kuwawezesha vijana kushiriki kikamilifu katika mifumo ya kilimo na usalama wa chakula, maendeleo ya utekelezaji wa Mpango wa Hatua za Afya ya Mimea, Wanyama na Usalama wa Chakula (EAC SPS Programme), uoanishaji wa viwango na taratibu za pembejeo za kilimo, pamoja na Mradi wa Kuwezesha na Kuimarisha Huduma za Ugani Endelevu katika Jumuiya ya Afrika Mashariki.

Aidha, Prof. Sheikh amebainisha maeneo mengine ambayo wamejadili, ikiwemo Biashara za mipakani ya mazao ya chakula, mifugo na uvuvi, kuongeza thamani kwa mazao hasa mpunga na Takwimu kwa mazao ya chakula, mifugo na samaki.

Vilevile, Prof. Sheikh amesema maamuzi yatakayotekelezwa kupitia mikakati hiyo yanatarajiwa kuongeza tija katika uzalishaji, kuimarisha biashara ya mazao na bidhaa za mifugo na uvuvi, pamoja na kuchochea maendeleo ya uchumi wa nchi wanachama wa Jumuiya ya Afrika Mashariki.

Mkutano huo wa 19 wa Baraza ulitanguliwa na Mkutano wa Makatibu Wakuu pamoja na Kikao cha Wataalamu, vilivyofanyika kuanzia Juni 30 hadi Julai 1, 2026, kwa lengo la kupitia na kuandaa mapendekezo yaliyowasilishwa mbele ya Baraza la Mawaziri kwa ajili ya maamuzi.

Mkutano huo ulihudhuriwa na viongozi na wataalamu kutoka sekta za kilimo, mifugo, uvuvi, sera na mipango kutoka nchi wanachama za Kenya, Uganda, Burundi, Jamhuri ya Kidemokrasia ya Congo (DRC), Sudan Kusini na Jamhuri ya Muungano wa Tanzania.








Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma