WAFUGAJI WATAJWA KUWA KINARA UTEKELEZAJI DIRA YA MAENDELEO 2050

Waziri wa Mifugo na Uvuvi Mhe. Balozi Dkt. Bashiru Ally Kakurwa amesema wizara hiyo imeanza mchakato wa kufanya mapitio ya sera ya mifugo ya mwaka 2006 na kuandaa mkakati mahususi utakaofanikisha utekelezaji wa Dira ya Taifa ya Maendeleo 2050.

Balozi Dkt. Bashiru amesema hayo Chalinze Mkoani Pwani kwenye Maonesho na Mnada wa Mifugo yanayofanyika katika Ranchi ya Mbogo Farm kuanzia Juni 19 hadi 22  na kueleza kuwa mikakati hiyo itasaidia kuwa na uwiano wa vipaumbele vya wizara na Dira ya Maendeleo 2050.

“Kwa mujibu wa Dira, sekta binafsi inatarajiwa kuchangia katika uchumi wa nchi kwa asilimia 70 ifikapo 2050 na wafugaji ndio sekta binafsi tangu kuzaliwa kwa ufugaji, kwahiyo wao ndio watakuwa wa kwanza kuifikia hiyo asilimia 70” amesema Balozi Dkt. Bashiru.

Aidha, ameleza kuwa Serikali imeendelea kushirikiana na sekta binafsi katika kuimarisha na kuendeleza sekta ya mifugo nchini akitolea mfano Mbogo Ranchi ambayo imekuwa ikishirikiana na Wizara ya Mifugo na Uvuvi katika uzalishaji wa mbegu na malisho na uimarishaji wa mbegu za mifugo bora.

Maonesho hayo yanendelea leo eneo la Ubena Zomozi Chalinze, Pwani kwenye Ranchi za Mbogo Farm ikiwa ni Siku ya Pili baada kuzinduliwa hapo jana na Waziri Mkuu wa Tanzania Mhe. Dkt. Mwigulu Lameck Nchemba ambapo wadau wanaendelea kujifunza teknolojia mbalimbali za ufugaji uzalishaji wa malisho na vyakula vya wanyama, mbinu za bora za ufugaji.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma