SERIKALI YATOA ONYO DHIDI YA UVAMIZI WA ARDHI YA MIFUGO NCHINI

Waziri wa Mifugo na Uvuvi, Mhe. Balozi Dkt. Bashiru Ally Kakurwa, ametoa onyo kwa wananchi wanaovamia ardhi ya Karantini ya Mifugo yenye ukubwa wa ekari 2,176 iliyopo Makuyuni, Halmashauri ya Wilaya ya Monduli mkoani Arusha, akisisitiza kuwa eneo hilo lilitengwa na Serikali kwa ajili ya shughuli za ufugaji wa kisasa.

Mhe. Balozi Dkt. Bashiru ametoa onyo hilo leo Juni 6, 2026, baada ya kutembelea na kukagua eneo hilo na kueleza kuwa kati ya eneo hilo, ekari 510 tayari zimetolewa kwa Halmashauri ya Monduli kwa ajili ya upanuzi wa Mji wa Makuyuni pamoja na ujenzi wa machinjio ya kisasa yatakayochochea ukuaji wa uchumi wa halmashauri hiyo.

“Tunataka kutumia maeneo yetu kufanya maendeleo ya kisasa ya sekta ya mifugo, wapo baadhi ya watu wanaochochea migogoro kati ya wafugaji na watumiaji wengine wa ardhi. Ardhi ya mifugo iliyotengwa inapaswa kutumika kwa ajili ya maendeleo ya sekta ya mifugo kisasa,” amesema Balozi Dkt. Bashiru.

Kwa upande wake, Mbunge wa Jimbo la Monduli, Mhe. Isaac Joseph, alisema kuwa wakazi wengi wa Monduli wanategemea shughuli za ufugaji, hivyo wameomba sehemu ya eneo hilo ili kuendeleza shughuli zao za kiuchumi.

Naye Mkuu wa Wilaya ya Monduli, Mhe. Gloriana Kimath, alisema kuwa asilimia 80 ya shughuli za kiuchumi katika wilaya hiyo zinategemea ufugaji na kubainisha kuwa miongoni mwa changamoto anazoshughulikia ni migogoro kati ya wafugaji na watumiaji wengine wa ardhi ambapo amependekeza kikundi cha wanawake 90 wa Kijiji cha Makuyuni kipatiwe eneo kwa ajili ya uzalishaji wa malisho.

Akijibu ombi la wananchi la kupewa sehemu ya eneo hilo, Balozi Dkt. Bashiru alisema Serikali itafanya tathmini ili kubaini matumizi bora ya eneo husika lakini haitaruhusu matumizi holela ya maeneo yaliyotengwa kwa ajili ya mifugo kutumika kwa shughuli zingine.

“Wafugaji furaha yao, maendeleo yao ni mifugo, tusiwanyanyapae wafugaji na wafugaji fuateni sheria, haiwezekani kila ardhi ya mifugo ikatumika kwa huduma nyingine za kijamii tutapoteza maeneo muhimu kwa maendeleo ya sekta hiyo,” alisisitiza Balozi Dkt. Bashiru.

Waziri Balozi Dkt. Bashiru yupo Mkoani Arusha kwa ziara ya kikazi ya Siku mbili inayolenga kukagua utekelezaji wa sekta za mifugo na uvuvi ambapo msisitizo wake umekuwa kulinda maeneo yaliyotengwa kwa ajili ya mifugo ili kuhakikisha sekta hiyo inaendelea kuchangia ukuaji wa uchumi, ajira na ustawi wa wananchi.

Waziri wa Mifugo na Uvuvi Mhe. Balozi Dkt. Bashiru Ally Kakurwa akizungumza na wafugaji na wananchi wa Makuyuni Wilayani Monduli mkoa wa Arusha leo Juni 06, 2026.

Mbunge wa Jimbo la Monduli Mhe. Isaac Joseph akizungumza na wananchi wa Makuyuni wakati wa ziara ya Waziri wa Mifugo na Uvuvi katika eneo karantini ya Mifugo leo Juni 06, 2026

Mkuu wa Wilaya ya Monduli Mhe. Gloriana Kimath akieleza hatua mbalimbali zinazochukuliwa na Wilaya hiyo kukabiliana na changamoto za wafugaji wakati wa ziara ya Waziri wa Mifugo na Uvuvi Mhe. Balozi Dkt. Bashiru Ally Kakurwa wilayani humo Juni 06 2026

Muonekano wa Shule ya Msingi iliyopo ndani ya eneo la Wizara ya Mifugo na Uvuvi ambapo ekari 510 zilitolewa kwa halmashauri ya Monduli kupanua mji wa Makuyuni.

Wananchi wa Makuyuni wakisikiliza Mkutano huo.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma