SERIKALI YAONGEZA HAMASA YA UNYWAJI WA MAZIWA, WATOTO WAPEWA KIPAUMBELE

Serikali kupitia Bodi ya Maziwa Tanzania imeendelea kuhamasisha matumizi ya maziwa nchini kwa kutoa elimu kwa wananchi, wanafunzi na wadau wa sekta kuhusu umuhimu wa maziwa katika kuboresha afya na lishe.

Akizungumza wakati wa ugawaji wa paketi 2,110 za maziwa ya mililita 500 kwa wanafunzi wa shule sita za msingi mkoani Iringa, ikiwa ni sehemu ya maadhimisho ya Wiki ya 29 ya Maziwa Kitaifa yanayoendelea kuanzia Mei 25 hadi Juni 1, 2026, Msajili wa Bodi ya Maziwa nchini Prof. George Msalya, alisema serikali imejipanga kuhakikisha Watanzania, hususan watoto, wanapata virutubisho muhimu vinavyopatikana katika maziwa kwa ajili ya ukuaji bora wa mwili na akili.

Prof. Msalya alisema watoto wamepewa kipaumbele katika mkakati wa kuongeza matumizi ya maziwa nchini kutokana na mahitaji yao makubwa ya virutubisho vinavyopatikana kwenye maziwa.

Aidha Prof. Msalya ameeleza kuwa serikali imeanza kutekeleza mpango wa kupeleka maziwa shuleni mara kwa mara ili kuwajengea wanafunzi utamaduni wa kutumia maziwa kama sehemu ya lishe ya kila siku.

“Serikali inaendelea kushirikiana na walimu, wazazi, kamati za shule na wadau wa elimu ili kuhakikisha mpango huu unatekelezwa kwa ufanisi na watoto wanapata maziwa kwa manufaa ya afya zao,” alisema Prof. Msalya.

Katika hatua nyingine, alisema serikali kupitia Mradi wa Mageuzi ya Tasnia ya Maziwa na Mabadiliko ya Tabianchi inapanga kuanzisha vituo maalumu vya unywaji wa maziwa, vinavyojulikana kama baa za maziwa, katika maeneo mbalimbali nchini. 

Ameongeza kuwa vituo hivyo vitatoa aina mbalimbali za maziwa kwa lengo la kuongeza upatikanaji wake kwa wananchi.

Aidha, alibainisha kuwa serikali inaendelea kuhamasisha matumizi ya maziwa katika ofisi za umma na sekta binafsi, ambapo baadhi ya taasisi tayari zimeanza kutoa maziwa kwa watumishi wake kama njia ya kuimarisha afya na kuongeza tija kazini.

Kuhusu uzalishaji wa maziwa, Prof. Msalya alisema serikali inalenga kuongeza uzalishaji kutoka lita bilioni 4.2 za sasa hadi zaidi ya lita bilioni 13 katika miaka ijayo. Alisema zaidi ya Sh bilioni 500 zimetengwa kupitia Mradi wa Mageuzi ya Tasnia ya Maziwa kwa ajili ya kuboresha miundombinu, mifugo na maeneo mengine muhimu yatakayochochea ongezeko la uzalishaji.

Alisisitiza kuwa maziwa hayapaswi kutumiwa wakati wa ugonjwa pekee, bali yanapaswa kuwa sehemu ya lishe ya kila siku kwa watu wa rika zote ili kuimarisha afya na ustawi wa jamii.

Kwa upande wake, mwanafunzi wa shule ya mahitaji maalumu, Reina Mgimwa, aliipongeza serikali kwa mpango wa ugawaji wa maziwa shuleni na kuomba uendelezwe kutokana na mchango wake katika kuboresha afya na maendeleo ya wanafunzi.

Maadhimisho, ya Wiki ya Maziwa Kitaifa yanaendelea nchini yakiwa na lengo la kuongeza uelewa wa wananchi kuhusu umuhimu wa maziwa katika lishe, afya na maendeleo ya sekta ya mifugo nchini.

Msajili wa Bodi ya Maziwa nchini Prof. George Msalya (kushoto) akiwaeleza wanafunzi wa shule ya msingi Sabasaba umuhimu wa unywaji maziwa wakiwa shuleni ikiwa ni sehemu ya Maadhimisho ya kitaifa ya Siku ya unywaji maziwa Duniani yanayoendelea mkoani Iringa Mei 28,2026.




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma