SERIKALI NA BROOKE EAST AFRICA KUIMARISHA USTAWI NA ULINZI WA PUNDA NCHINI

Serikali kupitia Wizara ya Mifugo na Uvuvi inaendelea kuimarisha mikakati na hatua mbalimbali zinazolenga kuboresha ustawi wa punda nchini, ikiwemo upatikanaji wa lishe bora, maji, huduma za afya, ulinzi pamoja na matumizia salama ya wanyama hao.

Akizungumza leo Juni 9, 2026 jijini Dodoma wakati wa kikao na Mkurugenzi wa Kanda wa Shirika la Brooke East Africa, Dkt. Raphael Kinoti, pamoja na watendaji wa shirika hilo na Wizara ya Mifugo na Uvuvi, Waziri wa Mifugo na Uvuvi, Mhe. Balozi Dkt. Bashiru Ally Kakurwa, amesema Serikali imejipanga kuhakikisha ustawi na usalama wa mifugo akiwemo punda unaendelea kuimarika kwa kuzingatia viwango vya kitaifa na kimataifa vya ustawi wa wanyama.

Ameongeza kuwa Serikali inaendelea kufanya maboresho ya sera, sheria na kanuni zinazosimamia sekta ya mifugo ili kuendana na mahitaji ya sasa ya maendeleo na kufanikisha utekelezaji wa Dira ya Taifa ya Maendeleo.

“Serikali ipo katika mchakato wa kuboresha mfumo wa sera na sheria zinazolinda mifugo ili kuendana na kasi ya maendeleo ya sekta na kuchangia kikamilifu katika utekelezaji wa Dira ya Taifa,” amesema Dkt. Bashiru.

Aidha, Waziri huyo amesema sekta ya mifugo ni miongoni mwa sekta za kimkakati zinazochangia ukuaji wa uchumi wa Taifa kupitia mnyororo mzima wa thamani wa mifugo na mazao yake, hivyo kuna umuhimu wa kuendelea kuimarisha ustawi wa wanyama ili kuongeza tija na uzalishaji.

Ameongeza kuwa Serikali itaendelea kushirikiana na wadau mbalimbali wa maendeleo katika kutekeleza programu na miradi inayolenga kulinda haki na ustawi wa wanyama, hususan punda ambao wana mchango mkubwa katika shughuli za kiuchumi na kijamii kwa wananchi wengi.

Kwa upande wake, Katibu Mkuu wa Wizara ya Mifugo na Uvuvi, Bi. Agnes Meena, amesema Wizara ipo tayari kuendeleza ushirikiano na Brooke East Africa katika kuandaa mitaala na programu za mafunzo zitakazosaidia kuongeza uelewa kuhusu ustawi wa punda pamoja na kuimarisha mifumo ya ukusanyaji wa takwimu ili kubaini idadi halisi ya punda nchini kwa ajili ya kuboresha utoaji wa huduma.

Naye Mkurugenzi wa Kanda wa Brooke East Africa, Dkt. Raphael Kinoti, ameipongeza Tanzania kwa hatua kubwa iliyofikia katika kuimarisha ustawi wa punda, akieleza kuwa nchi hiyo ni miongoni mwa









nchi zinazoongoza barani Afrika katika kuweka mifumo na miongozo ya matibabu na ustawi wa punda.

Amesema Brooke East Africa itaendelea kushirikiana na Serikali ya Tanzania katika kuimarisha mazingira wezeshi ya kulinda ustawi wa punda na kuhakikisha wanyama hao wanapata huduma stahiki zinazowawezesha kuchangia maendeleo ya kijamii na kiuchumi kwa ufanisi zaidi.


Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma