DKT. MHINA AHIMIZA USHIRIKI WA SEKTA BINAFSI KATIKA KUIMARISHA MATUMIZI YA CHANJO ZA MIFUGO

Kaimu Katibu Mkuu wa Wizara ya Mifugo na Uvuvi ambaye pia ni Mkurugenzi wa Idara ya Utawala na Usimamizi wa Rasilimali Watu, Dkt. Charles Mhina, amesema kuwa matumizi sahihi ya chanjo ni moja ya nyenzo muhimu katika kudhibiti magonjwa ya mifugo, kuongeza uzalishaji na kuimarisha ushindani wa sekta ya mifugo nchini.

 Dkt. Mhina ameyasema hayo leo Juni 16, 2026 jijini Arusha wakati akifungua Mkutano wa Wadau wa Sekta ya Mifugo kuhusu Chanjo na Uchanjaji wa Mifugo ulioandaliwa kwa ushirikiano kati ya Wizara ya Mifugo na Uvuvi, GALVmed, FAO Tanzania na TAHO.

Akizungumza katika mkutano huo, Dkt. Mhina amesema sekta ya mifugo ina mchango mkubwa katika uchumi wa Tanzania kupitia usalama wa chakula na lishe, ajira, kipato cha kaya pamoja na mauzo ya bidhaa za mifugo ndani na nje ya nchi. 

Hata hivyo, amesema maendeleo ya sekta hiyo bado yanakabiliwa na changamoto za magonjwa mbalimbali ya mifugo yakiwemo Sotoka ya Mbuzi na Kondoo (PPR), Ugonjwa wa Midomo na Miguu (FMD), Brucellosis na Homa ya Mapafu ya Ng’ombe (CBPP), ambayo yanaweza kudhibitiwa kwa matumizi sahihi ya chanjo na kuimarisha biosecurity.

"Serikali imeendelea kuchukua hatua mbalimbali za kuimarisha mifumo ya afya ya wanyama ikiwemo maboresho ya sera, kuimarisha huduma za mifugo, ufuatiliaji wa magonjwa na utekelezaji wa Programu ya Kitaifa ya Chanjo na Utambuzi wa Mifugo.

Aidha, Dkt. Mhina amesema kupitia kampeni ya kitaifa ya chanjo iliyoanza mwaka 2025/2026, Serikali imekusudia kutumia zaidi ya shilingi bilioni 216 katika kipindi cha miaka mitano kudhibiti magonjwa ya kipaumbele na kuboresha huduma za chanjo katika mamlaka za serikali za mitaa nchini." Amesema Dkt. Mhina

Pia, Dkt. Mhina amesisitiza kuwa kaulimbiu ya mkutano huo inayosema “Kuongeza Matumizi ya Chanjo kwa Mifugo kwa Afya na Uzalishaji Endelevu wa Mifugo kupitia Ushiriki wa Sekta Binafsi” inaakisi umuhimu wa ushirikiano kati ya Serikali, sekta binafsi, watengenezaji wa chanjo, wasambazaji, wataalamu wa mifugo, vyama vya wafugaji na washirika wa maendeleo katika kuhakikisha chanjo zinapatikana kwa urahisi na zinawafikia wafugaji wote nchini.

Vilevile, Dkt. Mhina  amezindua rasmi awamu ya pili ya Mradi wa VETERINARY INNOVATION TRANSFORMING ANIMAL HEALTH AND LIVELIHOOD (VITAL 2) unaotekelezwa na GALVmed, unaolenga kuimarisha upatikanaji, usambazaji na matumizi ya chanjo za mifugo nchini. Uzinduzi huo unaonyesha dhamira ya Serikali na wadau wa maendeleo katika kuendelea kuwekeza kwenye afya ya mifugo ili kuongeza uzalishaji, kuboresha maisha ya wafugaji na kuchangia ukuaji wa uchumi wa taifa.

Kaimu Katibu Mkuu wa Wizara ya Mifugo na Uvuvi ambaye pia ni Mkurugenzi wa Idara ya Utawala na Usimamizi wa Rasilimali Watu, Dkt. Charles Mhina, (aliyekaa katikati), akiwa kwenye picha ya pamoja na GALVmed Team Katika  Warsha ya Wadau wa Chanjo za Mifugo Wakubwa na Wadogo  iliyofanyika Juni 16, 2026 katika Hoteli ya Mount Meru, jijini Arusha.

Kaimu Katibu Mkuu wa Wizara ya Mifugo na Uvuvi ambaye pia ni Mkurugenzi wa Idara ya Utawala na Usimamizi wa Rasilimali Watu, Dkt. Charles Mhina, (aliyekaa katikati), akiwa kwenye picha ya pamoja na washiriki wa Warsha ya Wadau wa Chanjo za Mifugo Wakubwa na Wadogo  iliyofanyika Juni 16, 2026 katika Hoteli ya Mount Meru, jijini Arusha.

Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma