DKT. BASHIRU AVUTIWA NA UWEKEZAJI SEKTA YA MIFUGO LEMOTI - MONDULI

Waziri wa Mifugo na Uvuvi, Mhe. Balozi Dkt. Bashiru Ally Kakurwa amevutiwa na Mfugaji na Mwekezaji wa mfano Bw. Isaya Ole Mpekure anayemiliki ng'ombe zaidi ya 2,000 mitambo na ghala la kuhifadhia chakula cha mifugo ambapo shamba hilo limekuwa kitovu cha jamii ya wafugaji wa eneo hilo kuboresha mifugo yao na kufuga kwa tija.

Amesema serikali itaendelea na mikakati ya kuendeleza sekta ya mifugo ikiwa ni pamoja na utoaji wa huduma za chanjo na utambuzi wa mifugo ili kudhibiti magonjwa,usimamizi na uendelezaji wa ardhi ya malisho na uimarishaji wa mbegu za mifugo na miundombinu ya ufugaji ili kuongeza uzalishaji na kuwakwamua wafugaji nchini.

Kauli hiyo ya Waziri Balozi Dkt. Bashiru Juni 7, 2026 akiwa kwenye ziara yake wilayani Monduli Mkoani Arusha ziara  iliyolenga kukagua utekelezaji wa shughuli za mifugo, uwekezaji wa sekta ya mifugo wa Bw. Isaya Ole Mkupure na kushiriki sherehe za kimila za jamii ya wamasai katika kijiji cha Lemote.

Katika hatua nyingine Balozi Dkt. Bashiru alisisitiza juu ya mapango wa matumizi bora ya ardhi hasa maeneo yaliyotengwa kwa ajili ya shughuli za mifugo na  kueleza mpango wa serikali wa kukabiliana na magonjwa ya mifugo ambapo tayari fedha zimeshapatikana kwa ajili ya utekelezaji wa Kampeni ya Kitaifa ya Chanjo na Utambuzi wa Mifugo awamu ya pili kwa mwaka 2026/2027.

Mkuu wa Wilaya ya Monduli, Mhe. Gloriana Kimath amesema ili kupunguza changamoto zinazowakabili wafugaji katika eneo hilo wataalam watakuwa wanawatembelea wafugaji mara kwa mara ili kutoa huduma  za ugani zilizo bora zitakazowawezesha kufuga kwa tija.

Naye, Mfugaji wa mfano mwenye ng’ombe zaidi ya 2,000 Bw. Isaya Ole Mpekure amesema uwekezaji huo umekuwa na umuhimu ambapo wananchi waliokaribu wamekuwa wakichukua mbegu na kwenda kuboresha mifugo yao lakini wamekuwa wakisumbuliwa na mbung’o wanaosababisha ugonjwa wa ndorobo na kuiomba serikali kuwasaidia miundombinu ya majosho na dawa ili kuongeshea mifugo hao.  

Kata ya Lemoti ina wakaazi 7,474 ambao wanajishughulisha na ufugaji kwa asilimia 80, kilimo asilimia 15 na biashara asilimia 5 na kata hiyo ina ng’ombe 12,000  kati ya hao 5,000 wamechanjwa homa ya mapafu, mbuzi na kondoo 25,000 kati ya hao 2,500 wamepata chanjo ya homa ya mapafu, kuku 1,200 na punda 1,000 ambapo kata hiyo inakabiliwa na changamoto ya upungufu wa eneo la malisho kutokana na kushirikiliwa na aliyejiita mwekezaji Shamba Namba 24.




Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma