BIMA YA KIDIGITALI YA MIFUGO YAZINDULIWA

Katibu Mkuu wa Wizara ya Mifugo na Uvuvi, Bi. Agnes Kisaka Meena, amezindua Bima ya Kidigital ambayo imewezeshwa kwa ushirikiano baina ya Kampuni ya Bima ya CRDB pamoja na Kampuni ya ACRE Africa ambayo itatumia teknolojia ya kisasa kulinda mali za wafugaji nchini.

Akizungumza leo Juni 29, 2026, katika Uzinduzi wa Bima ya Kidigitali ya Mifugo ijulikanayo kama Smart Mifugo, katika Hoteli ya Serena iliyopo Jijini Dar es Salaam, Bi. Meena amesema katika kukabiliana na changamoto za wafugaji, Kampuni ya Bima ya CRDB pamoja na Kampuni ya ACRE Africa, zimeleta suluhisho la ubunifu ambalo linatumia teknolojia ya kisasa kulinda mali za wafugaji wetu kupitia Smart Mifugo, na wafugaji kwa sasa wanaweza kupata bima kwa urahisi zaidi kwa njia ya kidijitali, salama na yenye uwazi.

"Nimejulishwa kuwa kutakuwa na mfumo wa DigiBima App unaorahisisha usajili, malipo ya bima, na uwasilishaji wa madai, ambayo ni hatua muhimu katika kupeleka huduma karibu zaidi na wananchi, hususan wafugaji walioko vijijini, na hatua hii ni muhimu kwani inalenga kuleta mapinduzi makubwa katika Sekta ya Mifugo hapa nchini." amesema Bi. Meena.

Aidha, Bi. Meena ameweka bayana kuwa teknolojia ya Akili Mnemba itatumika katika kutambua mifugo kupitia alama ya kipekee ya pua ya mnyama, na hiyo ni hatua muhimu na kubwa katika kuendeleza Sekta ya Mifugo kwa kutumia teknolojia za kisasa, na ametoa wito kwa wafugaji wote nchini kutumia teknolojia hiyo, kwani inaleta fursa ya kulinda mifugo yao ambayo ni mali muhimu na tegemeo lao la maisha.

Bi. Meena pia amesisitiza matumizi ya teknolojia hizo kwa ufanisi, weledi na ufasaha ili kuongeza tija, kuboresha utambuzi wa mifugo na kuimarisha usimamizi wa Sekta kwa ujumla, na amebainisha kuwa Serikali inaendelea kuweka mazingira wezeshi kwa Sekta binafsi ili ziendelee kuleta ubunifu utakaoongeza tija katika uzalishaji na kuboresha maisha ya wananchi.

Bi. Meena amezipongeza CRDB Group na ACRE Africa kwa kuendelea kuwa vinara wa ubunifu katika Sekta ya fedha, pamoja kwa utaalamu katika teknolojia na usimamizi wa vihatarishi katika Sekta za kilimo na Mifugo, na amesema ni matarajio ya Serikali kwamba wadau wote zikiwemo taasisi za kifedha, vyama vya ushirika, na wafugaji wenyewe wataitumia fursa hiyo kikamilifu ili kuboresha uzalishaji, kupunguza hasara, na kuongeza kipato. 

Kwa upande wake, MKurugenzi Mtendaji Benki ya CRDB, Dkt. Abdulmajid Mussa Nsekela amesema ubunifu huo wa Bima ya Mifugo una faida nyingi kibiashara na sululisho la changamoto wa wafugaji na wafanya biashara.

Dkt. Nsekela amesema kupitia CRDB wafugaji na wafanyabiashara za mifugo watawezeshwa kupata mitaji ya kununua ng’ombe, kuuza ng’ombe na kununua maziwa kwa ajili kukuza biashara zao ili kukuza vipato vyao, na ndio mana CRDB wamepanga kuwafikia wafugaji Tanzania nzima.

Naye, Mkurugenzi Mtendaji wa Kampuni ya Bima CRDB, Bw. Wilson Mnzava amefafanu kuwa bidhaa nyingi za mifugo zinaharibiwa ikiwemo ngozi za mifugo ambazo uwekwa nembo na wafugaji kama ishara ya kutambua mifugo yao, ila kupitia Bima ya Kidigital ya Mifugo wafugaji wataweza kuwatambua mifugo yao kwa kutumia utambuni wa pua ambao unatumia Akili Mnemba.

Katibu Mkuu Wizara ya Mifugo na Uvuvi, Bi. Agnes Kisaka Meena, akihutubia wadau wa Sekta ya Mifugo, katika hafla ya Uzinduzi wa Bima ya Kidigitali ya Mifugo ijulikanayo kama Smart Mifugo, iliyofanyika katika Hoteli ya Serena, 29 Juni, 2026, Dar es Salaam.

Katibu Mkuu Wizara ya Mifugo na Uvuvi, Bi. Agnes Kisaka Meena (wa tatu kulia), akizindua Bima ya Kidigitali ya Mifugo ijulikanayo kama Smart Mifugo, katika hafla ya Uzinduzi wa Bima hiyo, iliyofanyika katika Hoteli ya Serena, 29 Juni, 2026, Dar es Salaam.
Katibu Mkuu Wizara ya Mifugo na Uvuvi, Bi. Agnes Kisaka Meena (kushoto), akikabidhiwa zawadi, katika hafla ya Uzinduzi wa Bima ya Kidigitali ya Mifugo ijulikanayo kama Smart Mifugo, iliyofanyika katika Hoteli ya Serena, 29 Juni, 2026, Dar es Salaam.
Katibu Mkuu Wizara ya Mifugo na Uvuvi, Bi. Agnes Kisaka Meena (aliyesimama katikati), akiwa kwa picha ya pamoja na Wadau wa Sekta ya Mifugo pamoja na Wataalam wa Wizara ya Mifugo na Uvuvi, katika hafla ya Uzinduzi wa Bima ya Kidigitali ya Mifugo ijulikanayo kama Smart Mifugo, iliyofanyika katika Hoteli ya Serena, 29 Juni, 2026, Dar es Salaam, wa tatu kulia ni MKurugenzi Mtendaji Benki ya CRDB, Dkt. Abdulmajid Mussa Nsekela, na wa pili kulia ni Mkurugenzi Mtendaji wa Kampuni ya Bima CRDB, Bw. Wilson Mnzava.

Wadau wa Sekta ya Mifugo wakiwa katika hafla ya Uzinduzi wa Bima ya Kidigitali ya Mifugo ijulikanayo kama Smart Mifugo, iliyofanyika katika Hoteli ya Serena, 29 Juni, 2026, Dar es Salaam.

Maoni

Chapisha Maoni

Machapisho maarufu kutoka blogu hii

UTEKELEZAJI WA UFUGAJI SAMAKI KWA VIZIMBA WAANZA ZIWA TANGANYIKA

Picha
Na, Edward Kondela Serikali imeanza utekelezaji wa ufugaji samaki kwa njia ya vizimba katika Ziwa Tanganyika baada ya mpango huo kuonesha mafanikio makubwa katika Ziwa Victoria. Akizungumza (11.01.2024) katika Mwalo wa Kasanga uliopo Wilaya ya Kalambo Mkoani Rukwa, Naibu Waziri wa Mifugo na Uvuvi Mhe. Alexander Mnyeti amesema tayari wizara imeanza kutoa elimu kwa wavuvi wa ukanda wa Ziwa Tanganyika kabla ya kufikisha vizimba hivyo na mbegu bora za samaki. Mhe.Mnyeti ameongeza kuwa kwa sasa serikali imetenga Shilingi Bilioni 20 kwa ajili uwekaji vizimba katika Ziwa Victoria na Ziwa Tanganyika kwa sababu ufugaji wa samaki unakua kwa kasi maeneo mbalimbali duniani kutokana na upungufu wa samaki waliopo kwenye maji ya asili yakiwemo mabonde, maziwa, mito na bahari kutokana na sababu mbalimbali ikiwemo ya uharibifu wa mazingira, ongezeko la watu na uharibifu wa mazalia ya samaki. Ameongeza kuwa ili kunusuru upungufu wa samaki katika masoko ya ndani na nje ya nchi serikali imeamua ...
Endelea kusoma

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

TANGAZO LA NAFASI ZA KAZI

JAMHURI YA MUUNGANO WA TANZANIA             WIZARA YA MAENDELEO YA MIFUGO NA UVUVI TANGAZO LA NAFASI ZA KAZI Serikali kupitia Wizara ya Maendeleo ya Mifugo na Uvuvi imepanga kuajiri maafisa walioorodheshwa hapa chini katika mwaka 2011/12 hivyo tunapenda   kuwatangazia Watanzania wote wenye sifa zilizoainishwa watume barua za maombi ya kazi zifuatazo: 2. Daktari Mifugo Mkufunzi Daraja la II (Veterinary Tutor II) (Nafasi 5) (a)                Sifa za waombaji Wawe wamehitimu Shahada ya kwanza   ya Sayansi ya tiba ya Mifugo kutoka Chuo Kikuu cha Kilimo Sokoine au Chuo kingine kinachotambuliwa na Serikali waliosajiliwa na Bodi ya Madaktari wa Mifugo Tanzania (b)                Majukumu -              ...
Endelea kusoma