BI. MEENA AWAASA WAFUGAJI KUJIFUNZA TEKNOLOJIA MBALIMBALI ZA UFUGAJI WA KISASA

Katibu Mkuu Wizara ya Mifugo na Uvuvi, Bi. Agnes Kisaka Meena, amewaasa Wafugaji kujifunza teknolojia mbalimbali za ufugaji wa kisasa ili kufuga kisasa na kwa tija zaidi.

Akizungumza leo Mei 30, 2026 Mkoani Shinyanga, katika Maonesho ya Mifugo ya Kanda ya Ziwa yajulikanayo kama Lake Zone Livestock expo 2026 nyenye Kauli mbiu ya Tufuge Kibiashara ambayo yameandaliwa na Kampuni ya FARMFLEX Group, Bi. Meena amesema Maonesho hayo ni fursa kwa wafugaji katika kujifunza na kupata elimu kuhusu teknolojia mbalimbali za ufugaji ili kuepukana na ufugaji wa kizamani na kujikita katika ufugaji wa kisasa wenye tija na wa kibiashara. 

"Sisi tunaamini mifugo ni biashara, mifugo ni migodi na mifugo ni utajiri, na ndio mana tunawataka wafugaji wetu wajifunze kufuga kisasa ili kuongeza tija, ili kuhakikisha Sekta ya Mifugo inaongeza ajira, kipato cha wafugaji na mchango wake katika uchumi wa nchi." amesema Bi. Meena

Aidha, Bi. Meena ameweka wazi jinsi Serikali ya Awamu ya Sita inayoongozwa na Mheshimiwa Dkt. Samia Suluhu Hassan Rais wa Jamhuri ya Muungano wa Tanzania, inavyoendelea kuweka mazingira bora ya uwekezaji na biashara ili Sekta binafsi ziweze kushiriki kikamilifu katika kukuza uzalishaji, kuongeza thamani ya mazao ya mifugo, kuimarisha masoko, kuanzisha viwanda vya kuchakata bidhaa za mifugo pamoja na kuongeza ajira kwa vijana na wanawake.

Vilevile, Bi. Meena ametoa shukrani za dhati kwa Kampuni ya FARMFLEX Group kwa kujenga Kituo cha Umahiri kwa ajili ya kutoa elimu, ushauri na uwezeshaji wa wafugaji kuhusu namna ya kuendesha ufugaji wenye tija na kibiashara, ambapo maono yao yanaendana kabisa na Sera, Mipango na Mikakati ya Serikali hususan Mpango wa Mabadiliko ya sekta ya Mifugo wa mwaka 2022/23-2026/27 wenye lengo la kuimarisha sekta ya mifugo ili kuongeza tija.

Pia, Bi. Meena, amesema Serikali inatambua mchango wa Sekta binafsi katika kuleta mageuzi ya kiuchumi nchini hususan kwa ushiriki wao katika kuinua sekta za uzalishaji ikiwemo sekta ya Mifugo, ambapo ina jidhihirisha katika Dira ya Taifa ya Maendeleo 2050 ambayo inatambua ushirikiano kati ya Serikali na sekta binafsi kama msingi muhimu wa kujenga uchumi shindani na jumuishi, na Serikali kupitia Wizara ya Mifugo na Uvuvi inaamini kuwa maendeleo ya sekta ya mifugo hayawezi kufikiwa kwa nguvu za Serikali pekee, bali yanahitaji ushirikiano madhubuti kati ya Serikali, sekta binafsi hususani vijana, taasisi za fedha na, watafiti.

Katibu Mkuu Wizara ya Mifugo na Uvuvi, Bi. Agnes Kisaka Meena, akihutubia wadau wa Sekta ya Mifugo, katika Maonesho ya Mifugo ya Kanda ya Ziwa yajulikanayo kama Lake Zone Livestock expo 2026, Mei 30, 2026 Shinyanga.

Katibu Mkuu Wizara ya Mifugo na Uvuvi, Bi. Agnes Kisaka Meena (wa tatu kushoto), akisalimiana na wadau wa Sekta ya Mifugo, mara baada ya kuwasili katika Maonesho ya Mifugo ya Kanda ya Ziwa yajulikanayo kama Lake Zone Livestock expo 2026, Mei 30, 2026 Shinyanga.





Maoni

Chapisha Maoni

Machapisho maarufu kutoka blogu hii

LESENI, VIBALI VYA MAZAO YA MIFUGO NA VYAKULA VYA SAMAKI KUTOLEWA KWA NJIA YA KIELEKTRONIKI

Picha
Serikali kupitia Wizara ya Mifugo na Uvuvi inatarajia kuanza kutumia mfumo wa usimamizi wa utoaji vibali mbalimbali vya kusafirisha mifugo na mazao yake ndani na nje ya nchi unaojulikana kama “ Mifugo Management Information System (MIMIS)” ambao unalenga kuboresha mazingira ya ufanyaji wa biashara za Mifugo, kukata na kuhuisha leseni za wataalam wa Mifugo na vibali vinavyohusu uingizaji, uzalishaji na uuzaji  wa vyakula vya samaki. Hayo yamebainishwa leo na Kaimu Katibu Mkuu wa Wizara hiyo anayeshughulikia sekta ya Mifugo Dkt. Charles Mhina alipokuwa akifungua mafunzo ya matumizi ya mfumo huo kwa wadau na wataalam kutoka sekta za  Mifugo na Uvuvi yaliyofanyika leo (18.05.2022) kwenye hoteli ya Royal Village jijini Dodoma. “Uwepo wa mfumo huu utatusaidia kuokoa muda wa kushughulikia vibali lakini pia utaongeza kasi ya ukusanyaji wa mapato ya Serikali na kuokoa fedha za Serikali  kwa sababu “Control Number” itazalishwa pale mtu anapofanya maombi tofauti na sasa ambapo mtu a...
Endelea kusoma

DKT. MHEDE AONGOZA ZOEZI LA UCHANJAJI WA MIFUGO MKOANI IRINGA, WAFUGAJI WAPONGEZA HATUA YA SERIKALI

Picha
Na. Daudi Nyingo – Iringa Naibu Katibu Mkuu wa Wizara ya Mifugo na Uvuvi, Dkt. Edwin Mhede, ameongoza zoezi la utambuzi na uchanjaji wa mifugo mkoani Iringa, ikiwa ni sehemu ya utekelezaji wa Kampeni ya Kitaifa ya Utoaji Chanjo na Utambuzi wa Mifugo iliyozinduliwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, alipokuwa mkoani Simiyu hivi karibuni. Akizungumza Julai 3, 2025, mkoani Iringa, Dkt. Mhede alisema kuwa kampeni hiyo ya miaka mitano inalenga kuchanja mifugo yote nchini kama sehemu ya uwekezaji katika sekta ya mifugo, unaowaletea faida wafugaji na kukuza uchumi wa taifa. “Tunalenga kuchanja ng’ombe wapatao 400,000 hapa Iringa. Tayari tumejiridhisha kuwa chanjo zipo za kutosha, na tumeanza kutembelea maeneo mbalimbali kama Kalenga na shamba la mifugo la Kibete, linalomilikiwa na Richard Philips, kuhakikisha zoezi linaenda vizuri,” alisema Dkt. Mhede. Mbali na ng’ombe, Dkt. Mhede alibainisha kuwa chanjo pia zitatolewa kwa kuku, na aliwahimiza wananchi ...
Endelea kusoma

WAFUGAJI WAHIMIZWA KUPANDA MALISHO YA MIFUGO

Picha
Na. Stanley Brayton, WMUV - Dodoma ◼️Waelezewa athari za kulisha Mifugo katika maeneo ya Hifadhi za Misitu. Naibu Katibu Mkuu Wizara  ya Mifugo na Uvuvi (Mifugo), Ndg. Abdul Mhinte, amewataka wafugaji Wilayani Bahi na Chamwino kupanda Malisho kwa ajili ya Mifugo ili kuepukana na changamoto za kukosa Malisho ya Mifugo. Akizungumza katika Kikao na Wafugaji cha kujadili changamoto zao na kuzitafutia Ufumbuzi, kilichofanyika leo Aprili 15, 2025, Mkoani Dodoma, katika Kitongoji cha Mtungutu, Kata ya Zanka, Kijiji cha Mayamaya, Wilaya ni Bahi, Ndg. Mhinte, amesema yapo maeneo muhimu ya Malisho ambayo yametengwa na Serikali ili kutatua changamoto za Malisho. "yapo maeneo ambayo yametengwa kwa ajili ya Malisho japo yanapungua kadri Mifugo inavyozidi kuongezeka, na ni muhimu kuhakikisha kila mfugaji anapanda Malisho kwa ajili ya Mifugo yake" amesema Ndg. Mhite  Vilevile, Ndg. Mhite amebainisha kuwa maeneo ya Malisho yanapungua kadri Mifugo na watu wanavyoongezeka, kiasi cha kwamba kun...
Endelea kusoma